পার্লিয়ামেন্তরী এফিয়র্স মন্ত্রালয়
শ্রী কিরেন রিজিজু পার্লিয়ামেন্তরী এফিয়ার্সকী কেন্দ্র মন্ত্রী ওইনা চার্জ লৌখ্রে
শ্রী অর্জুন রাম মেঘৱাল অমসুং দা. এল মুরুগন্না পার্লিয়ামেন্তরী এফিয়ার্স মন্ত্রালয়দা কেন্দ্রগী রাজ্য মন্ত্রী ওইনা চার্জ লৌখ্রে
Posted On:
11 JUN 2024 7:05PM by PIB Imphal
শ্রী কিরেন রিজিজুনা ঙসি সন্সদ ভবনদা পার্লিয়ামেন্তরী এফিয়ার্সকী কেন্দ্র মন্ত্রী ওইনা চার্জ লৌখ্রে। পার্লিয়ামেন্তরী এফিয়ার্স মন্ত্রালয়দা কেন্দ্রগী রাজ্য মন্ত্রী শ্রী অর্জুন রাম মেঘৱাল অমসুং দা. এল মুরুগনসু ঙসি ওফিসকী চার্জ লৌখি। থৌরম অদুদা পার্লিয়ামেন্তরী এফিয়ার্সকী হান্নগী কেন্দ্র মন্ত্রী শ্রী প্রলহাদ জোশি শরুক য়াখি।
![](https://static.pib.gov.in/WriteReadData/userfiles/image/image001VCZN.jpg)
ওফিসকী চার্জ লৌরবা মতুং মেদীয়াদা ৱা ঙাংলদুনা শ্রী রিজিজুনা হায়খি মদুদি মশিং য়াম্বদা য়ুমফম ওইরগা অমনা অমবু হুন্নবগী মথৌ তাদে অমদি হাউস মনুংদা অফবা ৱারি ৱাতাইগীদমক ভোকেল পাৱর শিজিন্নগদবনি। মন্ত্রীনা হায়খি মদুদি পার্লিয়ামেন্ত অপনবা য়াওদনা চত্থনবগীদমক সরকারনা সেক্সন পুম্নমক য়ৌনবগীদমক খোংথাং পুম্নমক লৌখৎকনি।
![](https://static.pib.gov.in/WriteReadData/userfiles/image/image002H8QB.jpg)
চার্জ লৌরদুনা শ্রী রিজিজুনা অসিগুম্লবা থৌদাং শিন্নবিবগীদমক প্রধান মন্ত্রী নরেন্দ্র মোদীগী মফমদা তৌবিমল খংবা ফোংদোকখি। শ্রী রিজিজুনা হায়খি মদুদি পুম্নমকপু পুদুনা পার্লিয়ামেন্ত অপনবা য়াওদনা চত্থনবা প্রধান মন্ত্রীগী অপাম্বা অদু মন্ত্রালয়না শোইদনা পাংথোক্কনি। মহাক্না হায়খি, “ঐখোয় থবক্কীদমক ৱাশক্লি অমসুং ঐখোয়না মসিগীদমক মথৌতাবা পুম্নমক, ঐখোয়না পুম্নমক্কা তান্নগনি”। মন্ত্রীনা পোলিতিকেল পার্তী পুম্নমক অমদি লোক সভা অমসুং রাজ্য সভা অনিমক্কী মেম্বরশিংবু পান্দম অসি ফংবদা তেংবাংনবা ফোংদোকখি।
![](https://static.pib.gov.in/WriteReadData/userfiles/image/image003PXKF.jpg)
পার্লিয়ামেন্তরী এফিয়ার্স মন্ত্রালয়গী সেক্রেতরী শ্রী উমং নারুলা, পার্লিয়ামেন্তরী এফিয়ার্স মন্ত্রালয়গী এদিস্নেল সেক্রেতরী দা. সত্য প্রকাশ অমসুং মন্ত্রালয়গী অতোপ্পা মকোকথোংবা ওফিসিয়েলশিংসু থৌরম অদুদা শরুক য়াখি।
****
(Release ID: 2025916)
Visitor Counter : 39