প্রধানমন্ত্রীগী লোইশঙ
নোংচুপ বেঙ্গলদা রেলৱেগী খুদোংথিবা থৌদোক্তা মীওই কয়া লৈখিদবদা প্রধান মন্ত্রীনা অৱাবা ফোঙদোকখ্রে
পি.এম.এন.আর.এফতগী এক্স-গ্রেসিয়া লাউথোক্লে
Posted On:
17 JUN 2024 12:58PM by PIB Imphal
নোংচুপ বেঙ্গলদা রেলৱেগী খুদোংথিবা থৌদোক্তা মীওই কয়া লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে। অৱাবা তারবশিং মতেং পাংনবা মী কনবগী থবকশিং পাংথোক্লি হায়না প্রধান মন্ত্রীনা ফোঙদোকখি অমসুং খুদোংথিবা থৌদোক থোকফমদা য়ৌশিন্নবা য়ুনিয়ন রেলৱেজ মিনিস্তর শ্রী অশ্বিনি বৈষ্ণব হৌজিক লম্বীদা লৈরি। প্রধান মন্ত্রীগী ওফিসনা পি.এম.এন.আর.এফতগী লৈখিদ্রবশিংগী ইমুং-মনুংগী মীওইদা লুপা লাখ ২ অমসুং অশোকপশিংদা লুপা লিশিং ৫০ পীরগনি হায়না লাউথোকখ্রে।
প্রধান মন্ত্রীনা এক্সতা হায়খি;
“নোংচুপ বেঙ্গলগী রেলৱেজগী খুদোংথিবা থৌদোক অসিদা অৱাবা ফাওহল্লে। মখোয়গী নুংশিরবা মীওইশিং লৈখিদ্রবা ইমুং-মনুংশিংগী অৱাবদা শরুক য়াজরি। অশোকপশিং অথুবা মতমদা ফগৎলক্নবা ঐনা থৌনিজরি। ওফিসিএলশিংগা ৱারি শানরে অমসুং ফিবম অসি য়েংশিল্লে। অৱাবা তারবশিং মতেং পাংনবা মী কনবগী থবক পাংথোক্লি। খুদোংথিবা থৌদোক থোকফমদা য়ৌশিন্নবা য়ুনিয়ন রেলৱেজ মিনিস্তর শ্রী অশ্বিনি বৈষ্ণব হৌজিক লম্বীদা লৈরি”।
প্রধান মন্ত্রীগী ওফিসনা এক্সতা হায়খি;
“নোংচুপ বেঙ্গলগী রেলৱেজগী খুদোংথিবা থৌদোক্তা লৈখিদ্রবশিংগা নক্নবা মীওইশিংদা পি.এম.এন.আর.এফতগী লুপা লাখ ২গী এক্স-গ্রেসিয়া অমা পীরগনি হায়না প্রধান মন্ত্রী শ্রী নরেন্দ্র মোদীনা লাউথোক্লে। অশোকপশিংদা লুপা লিশিং ৫০ পীরগনি”।
****
(Release ID: 2025897)
Visitor Counter : 46
Read this release in:
Odia
,
English
,
Urdu
,
Hindi
,
Hindi_MP
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam