ممبئی 17 جون 2024

پائیدار طرز زندگی کو فروغ دینے اور ماحولیاتی تحفظ کے تئیں شہری ذمہ داری کا احساس پیدا کرنے کی کوشش میں، ممبئی انٹرنیشنل فلم فیسٹیول (ایم آئی ایف ایف) کے 18ویں ایڈیشن میں ”مشن لائف“ کے عنوان سے ایک خصوصی پیکیج پیش کیا جائے گا۔ سی ایم ایس واتا ورن (CMS Vatavaran) کی طرف سے پیش کردہ اس مجموعہ میں احتیاط کے ساتھ منتخب کردہ پانچ فلمیں پیش کی گئی ہیں جو انسانیت اور زمین کے درمیان پیچیدہ اور علامتی تعلق کو تلاش کرتی ہیں۔ یہ فلمیں کرہ ارض سے ہمارے گہرے تعلق کی پُرجوش یاد دہانی کے طور پر کام کرتی ہیں اور ہم آہنگ بقائے باہمی کی فوری ضرورت پر زور دیتی ہیں۔

خصوصی پیکیج: ”مشن لائف“ کے تحت دکھائی جانے والی فلمیں

1۔ سیونگ دی ڈارک

دنیا کی 80 فیصد آبادی اب کہکشاں کو نہیں دیکھ سکتی۔ جب ہم ستاروں کو کھو دیتے ہیں تو ہم کیا کھوتے ہیں؟ ضرورت سے زیادہ اور نامناسب روشنی ہماری رات کے آسمان کو چھین لیتی ہے، ہماری نیند کے انداز میں خلل ڈالتی ہے اور رات کے مسکنوں کو خطرے میں ڈالتی ہے۔ ایل ای ڈی ٹکنالوجی میں موجودہ ترقی نے کئی شہروں کو رات کے ماحول میں خلل ڈالے بغیر اپنی گلیوں کو محفوظ طریقے سے روشن کرنے اور توانائی کی بچت کرنے کے قابل بنایا ہے۔ ’سیونگ دی ڈارک‘ رات کے آسمان کو محفوظ رکھنے کی ضرورت اور روشنی کی آلودگی سے نمٹنے کے لیے ہم کیا کر سکتے ہیں اس کی کھوج کرتی ہے۔

2۔ لکشمن ریکھا (لکشمن کے ذریعہ کھینچی گئی لکیریں)

فلم ”لکشمن-ریکھا“ ایک گہرا، سنیمائی زاویہ ہے جو دکھاتا ہے کہ کس طرح لکشمن سنگھ، جس نے ایک اسکول کی تعلیم مکمل نہیں کی، قحط زدہ گاؤں کو ایک رضاکار فورس میں تبدیل کرتا ہے جس نے ہندوستان کے عظیم صحرائے ہند کے 58 گاؤں کی تقدیر بدل دی۔ آج بھی پانی کی فراہمی بے ترتیب ہے اور وہ پانی کے ایک ایک قطرے کو محفوظ کرنے کے بارے میں بیداری پیدا کرنے کے اپنے مشن کو جاری رکھے ہوئے ہے۔ لیکن کیا لوگ اسے سنجیدگی سے لیتے ہیں یا وہ کسی معجزے کے منتظر ہیں؟

3۔ دی کلائمیٹ چیلنج

ہم موسمیاتی بحران کے دہانے پر ہیں۔ موسمیاتی تبدیلیوں سے سب سے زیادہ متاثر ہونے والے خطے دنیا کے انجمادی خطے (آرکٹک، انٹارکٹک اور ہمالیہ) اور سمندر بھی ہیں۔ حالیہ برسوں میں آرکٹک اوقیانوس کی برف کا احاطہ 30 فیصد سے زیادہ کم ہوا ہے اور یہ خطہ برف کے تیزی سے پگھلنے کو بھی دیکھ رہا ہے۔ سائنس دان اب اس سیارے کے کچھ سخت ترین حالات میں جدید ترین ٹیکنالوجی کا استعمال صرف ان مظاہر کی تحقیق کے لیے کر رہے ہیں۔ موسمیاتی چیلنج آپ کو آرکٹک، ہمالیہ اور جنوبی سمندر کے سفر پر لے جاتا ہے تاکہ کچھ جان لیوا حالات کا مشاہدہ کیا جا سکے اور وجوہات کو سمجھا جا سکے۔

4۔ دی جوار بالارڈ (جوار گاتھا)

جوار کی دیسی قسمیں، متنوع کھانے، جوار گاتھا (جوار بالاد) میں جوار اگانے کے روایتی عمل سے جڑے ہوئے ہیں۔ مضبوط روایات گانوں، رسومات، کہانیوں کے ذریعے ظاہر ہوتی ہیں جبکہ کسان خشک زمینوں میں جوار کی کمی پر افسوس کا اظہار کرتے ہیں۔ بزرگ اس بات کا اعادہ کرتے ہیں کہ نئی زرعی فصل کی اقسام صحت اور فصل کے لیے خطرہ کے ساتھ آتی ہیں۔

5۔ پینگ یو سائی

پینگ یو سائی (PENG YU SAI) ایک تفتیشی دستاویزی فلم ہے جس میں ہندوستان کے سمندروں سے منتا کرنوں کی غیر قانونی تجارت پر روشنی ڈالی گئی ہے۔ اس دستاویزی فلم کے ذریعے، وائلڈ لائف کی پیش کنندہ ملائکہ واز بحر ہند میں ماہی گیری کے جہازوں سے لے کر ہند-میانمار سرحد تک غیر قانونی تجارتی پائپ لائن کی پیروی کرتی ہے اور آخر کار چین میں ہانگ کانگ اور گوانگ زو کے جنگلی حیات کی اسمگلنگ کے مراکز میں خفیہ طور پر کام کرتی ہے۔

*************

ش ح۔ ف ش ع- م ف

U: 7498