কেন্দ্র মন্ত্রী শ্রী শিবরাজ সিংহ চৌহান্না ঙসি ওফিসিয়েল্লি ওইনা এগ্রীকলচর অমসুং ফার্মর্স ৱেলফেয়র মন্ত্রালয়গী চার্জ লৌখ্রে। থৌরম অসিদা মেদীয়াদা ৱা ঙাংলদুনা শ্রী চৌহান্না হায়খি মদুদি ৱাফম অসি ফোংদোকপদা মহাক নুংঙাইবা ফাওই মদুদি প্রধান মন্ত্রীনা ঙরাং লৌখিবা অহানবা ৱারেপ অদু লৌমীশিংগী ইন্তরেস্ততা ওইখি। মহাক্না হায়খি মদুদি প্রধান মন্ত্রীনা লৌমীশিংগী শেন্থোক শরুক অনি ওইহন্নবা ৱারেপ লৌখি অমদি সরকারনা লৌমীশিংগী য়াইফনবগীদমক পায়খৎপা য়াবা পুম্নমক পায়খৎকনি। মন্ত্রীনা মসিমসু মখা তাখি মদুদি এন.দি.এ. সরকারনা হৌখিবা চহি তরাদগী লৌমীশিংগী য়াইফনবগীদমক ৱাফম থম্লি অমসুং মহাক্কী মন্ত্রালয়না পান্দম অসি ফংনবগীদমক মখা তানা থবত তৌগনি।

চার্জ লৌরবা মতুং মন্ত্রীনা মন্ত্রালয়দা তোঙান তোঙানবা ওফিসশিংদা চৎতুনা য়েংশিনখি অমদি শেংদোক চামথোকপগী থবক তৌরিবশিং য়াওনা তোঙান তোঙানবা থাকশিংদা লৈরিবা স্তাফশিংগা ৱারী শান্নখি। মহাক্না লৌমীশিংগী য়াইফনবগীদমক সরকারগী ভিজনবু মপুং ফাহন্নবগীদমক মখোয়বু তিম অমা ওইনা থবক তৌনবা অমসুং অমনা অমগী কোওপরেসনদা থবক তৌনবা অকনবা ৱাফম থমখি। মহাক্না মন্ত্রালয়দা কৃশি ইন্তেগ্রেতেদ কমান্দ অমসুং কন্ত্রোল সেন্তরসু য়েংশিনখি।

তুংদা মহাক্না মন্ত্রালয়গী মকোকথোংবা ওফিসিয়েলশিংগী মীফম অমা পাংথোকখি অমসুং মন্ত্রালয়গী থবক থৌরমদা ত্রান্সপরেন্সীগীদমক মথৌতাবদা অকনবা ৱাখম থমখি। মহাক্না লৌমীশিংগী য়াইফনবা অমসুং রুরেল দেবলপমেন্তগীদমক সরকারগী মেনিফেস্তোসু খুৎশিন্নখি অমসুং পুম্নমক্কী মফমদা মসিবু মপুং ফানা পাংথোক্নবগী মায়কৈদা থবক তৌনবা ফোংদোকখি। শ্রী চৌহান্না হায়খি মদুদি প্রধান মন্ত্রী নরেন্দ্র মোদী অসি তুংগী উবা ঙম্বা লুচিংবা অমনি অমসুং মেনিফেস্তোদা য়াওরিবশিং পান্দমশিং ফংনবগীদমক রোদমেপ অমদা থবক তৌনবা ওফিসিয়েলশিংদা খংহনখি। মহাক্না হায়খি মদুদি অন্নদাতাগী পুন্সী ফগৎহবা অসি মন্ত্রালয়গী মিশন ওইগদবনি।

শ্রী রামনাথ থাকুর অমসুং শ্রী ভাগিরথ চৌধরীসু এগ্রীকলচর অমসুং ফার্মর্স ৱেলফেয়র মন্ত্রালয়দা রাজ্য মন্ত্রী ওইনা চার্জ লৌখ্রে। ইকায় খুম্নরবা মন্ত্রীশিংবু এগ্রীকলচর অমসুং ফার্মর্স ৱেলফেয়র বিভাগকী সেক্রেতরী শ্রী মনোজ অহুজা, সেক্রেতরী, দি.এ.আর.ই. শ্রী হিমানশু পাথক অমসুং মন্ত্রালয়গী অতোপ্পা মকোকথোংবা ওফিসিয়েলশিংনা তরাম্না ওকখি।

***