প্রধানমন্ত্রীগী লোইশঙ
উত্তরখন্দদা বস গুরুং চৎপদা মীওই কয়া লৈখিদবদা প্রধান মন্ত্রীনা অৱাবা ফোঙদোকখ্রে, লৈখিদ্রবশিংগী এক্স-গ্রেসিয়া লাউথোক্লে
Posted On:
15 JUN 2024 7:44PM by PIB Imphal
ঙসি উত্তরখন্দগী রুদ্রপ্রায়াগতা বস গুরুং চৎপগী থৌদোক অমদা মীওই কয়া লৈখিদবদা প্রধান মন্ত্রী শ্রী নরেন্দ্র মোদীনা থম্মোয় শোক্না অৱাবা ফোঙদোকখ্রে। ইমুং-মনুংগী মীওইশিং লৈখিদ্রবা ইমুংশিংগী অৱাবদা মহাক্না শরুক য়াখি অমসুং অশোকপশিং অথুবা মতমদা ফগৎলক্নবা থৌনিজখি।
পি.এম.ওগী এক্স পোস্ত অমদা হায়খি;
“উত্তরখন্দগী রুদ্রপ্রায়াগতা বস গুরুং চৎপগী থৌদোক অসিনা থম্মোয় কায়হল্লে। মখোয়গী নুংশিরবা মীওইশিং লৈখিদ্রবা ইমুংশিংগী অৱাবদা ঐনা শরুক য়াজরি। অশোকপশিং অথুবদা ফগৎলক্নবা ঐনা থৌনিজরি। রাজ্য সরকারগী মীৎয়েং মখাদা লোকেল এদমিনিস্ত্রেসন্না অৱাবা তারবশিংদা পাংবা য়াবা মতেংশিং পাংলি: প্রধান মন্ত্রী”
বস গুরুং চৎপা অদুদা লৈখিদ্রবশিংগীদমক প্রধান মন্ত্রীনা এক্স-গ্রেসিয়াগী মতেং অমা লাউথোক্লে।
পোস্ত অদুগী মতুংইন্না, লৈখিদ্রবশিংগা নক্নবা মীওইদা লুপা লাখ ২গী এক্স-গ্রেসিয়া অমা অমসুং অশোকপশিংদা লুপা লিশিং ৫০ প্রাইম মিনিস্তরস নেসনেল রিলিফ ফন্দ(পি এম এন আর এফ)দগী পীরগনি।
পি.এম.ওনা এক্সতা হায়খি;
“লৈখিদ্রবশিংগা নক্নবা মীওইদা লুপা লাখ ২গী এক্স-গ্রেসিয়া অমা প্রাইম মিনিস্তরস নেসনেল রিলিফ ফন্দ(পি এম এন আর এফ)দগী পীরগনি। অশোকপশিংদা লুপা লিশিং ৫০ পীরগনি: প্রধান মন্ত্রী”
****
(Release ID: 2025623)
Visitor Counter : 25
Read this release in:
English
,
Gujarati
,
Urdu
,
Marathi
,
Hindi
,
Hindi_MP
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam