கட்டமைப்பு  திட்டமிடல் குழுவின்  72வது கூட்டம் ஜூன் 12  அன்று புதுதில்லியில் கூட்டப்பட்டது. தொழில் மற்றும் உள்நாட்டு வர்த்தக மேம்பாட்டுத் துறையின் கூடுதல் செயலாளர் திரு ராஜீவ் சிங் தாக்கூர் இந்தக் கூட்டத்திற்குத் தலைமை தாங்கினார். சாலை போக்குவரத்து மற்றும் நெடுஞ்சாலை அமைச்சகம் , ரயில்வே அமைச்சகம், வீட்டுவசதி மற்றும் நகர்ப்புற விவகாரங்கள் அமைச்சகம் ஆகியவற்றிலிருந்து தலா ஒன்று என மூன்று குறிப்பிடத்தக்க உள்கட்டமைப்பு திட்டங்களை மதிப்பீடு செய்வதில் கூட்டம் கவனம் செலுத்தியது. பிரதமர் விரைவு சக்தி பெருந்திட்டத்தின்  கொள்கைகளுக்கு இணங்குவதற்காக திட்டங்கள் மதிப்பீடு செய்யப்பட்டன.

 சாலை போக்குவரத்து மற்றும் நெடுஞ்சாலை அமைச்சகத்தின் ஜம்மு-காஷ்மீரில் தேசிய நெடுஞ்சாலை திட்டத்தின் தேசிய நெடுஞ்சாலை 701-ல் ரஃபியாபாத் முதல் சம்கோட் வரையிலான 51 கி.மீ. கிரீன்ஃபீல்ட் (14.34 கிமீ) மற்றும் பிரவுன்ஃபீல்ட் (36.66 கிமீ) மேம்பாடுகளுடன், இந்த திட்டத்திற்கு ரூ 1,405 கோடி செலவாகும் என்று எதிர்பார்க்கப்படுகிறது.

ரயில்வே அமைச்சகத்தின் ஆந்திரப் பிரதேசத்தில் கூடூர்-ரேணிகுண்டா மூன்றாவது ரயில் பாதை திட்டம். ஆந்திராவின் திருப்பதி மாவட்டத்தில் கூடூர் மற்றும் ரேணிகுண்டா நிலையங்களுக்கு இடையே மூன்றாவது ரயில் பாதை அமைப்பது தற்போதுள்ள இரட்டை பாதையின் திறனை மேம்படுத்துவதை நோக்கமாகக் கொண்ட 83.17 கி.மீ பாதையை உள்ளடக்கியது. 884 கோடி ரூபாய் மதிப்பீட்டில் செயல்படுத்தப்படும்.

  வீட்டுவசதி மற்றும் நகர்ப்புற விவகார அமைச்சகத்தின் மகாராஷ்டிராவில் புனே மெட்ரோ பாதை நீட்டிப்பு திட்டம். இந்தத் திட்டம் செயல்பாட்டு மெட்ரோ நடைபாதையை வனாஸ் முதல் புனேவில் உள்ள ராம்வாடி வரை விரிவுபடுத்துவதை நோக்கமாகக் கொண்டுள்ளது. இந்த உயர்த்தப்பட்ட மெட்ரோ நடைபாதையின் மொத்த நீளம் 12.75 கிமீ .  ரூ 3,757 கோடி மதிப்பீட்டில் கட்டப்படும்.

கூட்டத்தின் போது, அனைத்து திட்டங்களும் அவற்றின் ஒருங்கிணைந்த திட்டமிடல் மற்றும் பிரதமரின் விரைவு சக்தி பெருந்திட்டத்தின்  கொள்கைகளுடன் சீரமைப்பதற்காக மதிப்பீடு செய்யப்பட்டன.

இந்தத் திட்டங்கள் தேச நிர்மாணம், பல்வேறு போக்குவரத்து முறைகளை ஒருங்கிணைத்தல், கணிசமான சமூக-பொருளாதார பயன்கள் மற்றும் வாழ்க்கையை எளிதாக்குதல் ஆகியவற்றில் முக்கிய பங்காற்றி, அதன் மூலம் பிராந்தியங்களின் ஒட்டுமொத்த வளர்ச்சிக்கு பங்களிக்கும் என்று எதிர்பார்க்கப்படுகிறது.

***

AD/PKV/DL