হ্যুমেন রিসোর্স চাউখৎ-থৌরাংগী মন্ত্রালয়
এজুকেসন মন্ত্রালয়না রাজ্য/য়ু.তি.শিংদা পি.এম-পোশনগী মখাদা অখন্ননা য়েংশিনবা তঙাইফদবা অঙাংশিংদা আর.তি.ই. এন্তাইতলমেন্তশিং অমসুং ন্যুত্রিসনেল সপোর্ত পীনবা খঙহনখ্রে
Posted On:
13 JUN 2024 4:45PM by PIB Imphal
এন.ই.পি. ২০২০গী মঙলান মঙফাওনহনবদা হেন্না মপুং ফানবগী খোঙথাং অমা ওইনা দিপার্ত্মেন্ত ওব স্কুল এজুকেসন অমসুং লিতরেসী (দি.ও.এস.ই.এল), এজুকেসন মন্ত্রালয় ভারত সরকারনা জুন ৭, ২০২৪দা রাজ্য অমসুং য়ুনিয়ন তেরিতোরী (য়ু.তি) খুদিংমক্তা মপুং ওইবা পাউতাক অমা পীখ্রে। পাউতাক অসিনা লৈঙাক্কী/গবর্নমেন্ত এদেদ ইঙ্কলুসিব, হোম বেজ নৎত্রগা স্পেসিএল স্কুলশিংদা তম্লিবা অখন্ননা য়েংশিনবা তঙাইফদবা অঙাংশিং (সি.দব্ল্যু.এস.এন.)শিংবু আর.তি.ই.গী ফংফম থোকপশিং, হায়বদি লেম্না য়ুনিফোর্ম ফংহনবা, লেম্না লাইরিক পীবা, সমগ্রা শিক্সা স্কিমগী ইঙ্কলুসিব এজুকেসন কম্পোনেন্ত, অমসুং পি.এম. পোশনগী মখাদা মিদ দে মিল, দ্রাই রাসন নৎত্রগা দাইরেক্ত বেনিফিত ত্রান্সফরগী মওংদা ওইরবসু ফংহন্নবগী তঙাইফদবা খোঙথাংশিংগী মতাংদা খঙহনখি।
পীরিবা পাউতাকশিং অসি মন্ত্রালয় অসিনা সোসিএল ৱেলফিয়র দিপার্ত্মেন্তকী মখাদা লৈবা অখন্নবা স্কুলশিংগী সি.দব্ল্যু.এস.এন. ওইবা মহৈরোইশিং অমসুং হোম বেজ এজুকেসন্দা কা হেনবা অমসুং তোঙান-তোঙানবা মওংদা নাম্মা শোইবা মহৈরোইশিংদা পি.এম. পোশন স্কিমগী মখাদা দ্রাই রাসন নৎত্রগা দি.বি.তিগী মওংদা ফংহনবা হেনগৎহন্দুনা মচি ওইবা চীঞ্জাক ফংহন্নবগীদমক অখন্নবা ওইনা পীবনিনা য়াম্নমক মরুওই।
মসিগী পান্দমদি এন.ই.পি. ২০২০গী সি.দব্ল্যু.এস.এন. য়াওনা মগুন লৈবা মহৈ মশিং পীনবগী পান্দম ফংহনবগা লোইননা মখোয়গী মহৈ মশিংগী হকশিং ফংহনবা অমসুং মপুং ওইবা এজুকেসন ফংহনবনি।
নেসনেল এজুকেসন পোলিসী ২০২০ না এজুকেসন্না সি.দব্ল্যু.এস.এন. য়াওনা অঙাং খুদিংমক্তা রাইৎ ওব পার্সন ৱিদ দিসএবিলিতীজ এক্ত, ২০১৬ গী মখাদা পীরিবা ৱাহন্থোক্কী মতুং ইন্না চপ মান্নবা হক ফংহন্নবা হোৎনরি। মন্ত্রলয় অসিগী সমাগ্রা শিক্সা স্কিম অসি এন.ই.পি. ২০২০গী পান্দমগা মান্ননা চৎমিন্নরি।
রাইত তু ফ্রী এন্দ কম্পলসরী এজুকেসন (আর.তি.ই) এক্ত, ২০০৯না হায়রি মদুদি চহি ৬ অমসুং ১৪ গী মনুংদা লৈবা অঙাং খুদিংমক্তা লেম্না অমসুং শোইদনা মহৈ মশিং তমহনগদবনি। আর.তি.ই. এন্তাইতলমেন্ত অসি কেন্দ্রনা স্পোন্সর তৌবা সমাগ্রা শিক্সা স্কিমগী মখাদা লৈবা স্কুল এজুকেসনগী থাক খুদিংমক্তা লৈবাক য়াম্না মরুওইবা মচাক অমনি। রাজ্য/য়ু.তি.শিংদা ফ্রী য়ূনিফোর্ম, ফ্রী তেক্সবুক, সেক্সন ১২ (১) (সি)গী মখাদা এদ্মিসনগী ২৫% গী এক্সপেন্দিচর হন্দোকপা, ইলিমেন্তরী লেভেলদা লৈবা মহৈ তমদ্রবা অঙাংশিংদা চহিগা চুনবা মওংদা এদমিসন তৌবগী অখন্নবা ত্রেনিং অসিনচিংবশিং হায়রিবা আর.তি.ই.গী এন্তাইতলমেন্তশিং অসিগীদমক শেলথুমগী তেংবাং পীরি।
সমাগ্রা শিক্সা প্রোগ্রামগী মনুংদা লৈরিবা ইঙ্কলুসিব এজুকেসন (আই.ই.) কম্পোনেন্ত অসিনা সি.দব্ল্যু.এস.এন.দা তঙাইফদবা মহৈগী তেংবাং অমসুং রিসোর্সশিং পীদুনা অৱাংবা থাক্কী মহৈ মশিং মতীক চানা পীনবা হোৎনরি। হায়রিবা থৌরাং অসিনা তার্গেতেদ ইন্তর্ভেন্সনগী খুত্থাংদা আইদেন্তিফিকেসন অমসুং এসেস্মেন্ত কেম্পশিং পাঙথোক্তুনা, মতেং, মচাক মথুম, অমসুং এসিস্তিব দিভাইসশিং পীদুনা, চত্থোক চৎশিন ফংহন্দুনা, স্ক্রাইব অমসুং এস্কোর্ত এলোৱেন্স সপোর্ত পীদুনা, ব্রাইল বুক অমসুং লার্জ প্রিন্ত বুকশিং পীদুনা, অখন্নবা মতেং চঙবা নুপীমচাশিংদা স্তাইপেন্দ পীদুনা অমসুং তাকপী তম্বীবগী মচাক মথুম পীদুনা শেলগী তেংবাং পীনবা হোৎনরি।
হায়রিবা পান্দম অসিনা অনৌবা স্কুলশিংগী মওং অসিদা অখন্নবা মহৈ মশিংগী তঙাইফদবশিং পীবদা মতেং ওইরগনি।
মসিগী মথক্তা, কেন্দ্রনা স্পোন্সর তৌরিবা পি.এম. পোশন স্কিম অসিনা প্রি প্রাইমরীদগীনা ক্লাস VIII ফাওবগী লৈঙাক্কী অমসুং লৈঙাক্কী এদেদ স্কুলশিংদা তম্লিবা মহৈরোইশিংদা মচি ওইবা চীঞ্জাক পীনবা হোৎনরি।
***
(Release ID: 2025149)
Visitor Counter : 46