اٹھارہویں ممبئی انٹرنیشنل فلم فیسٹیول 2024 میں فلموں کی خوشی کو سماج کے متنوع طبقوں تک پہنچانے کی ایک خصوصی کوشش میں،این ایف ڈی سی نے سویم (ایس وی اے وائی اے ایم) کے ساتھ شراکت داری کی جو ایک غیرمنافع بخش ادارہ ہے اور جو رسائی اورشمولیت کو فروغ دینے کے لیے وقف ہے۔ تاکہ ایم آئی ایف ایف کی جگہ کو تمام فلم بینوں کے لیے قابل رسائی بنایا جاسکے۔ اس کے علاوہ فیسٹیول میں دیویانگجن فلمیں کے عنوان سے ایک خصوصی پیکیج بھی پیش کیا جائے گا تاکہ معذور افراد کو بھی ایم آئی ایف ایف 2024 میں فلموں سے لطف اندوز ہونے کا موقع ملے۔

ساختی اور لاجسٹک تبدیلیوں کے ذریعے اور رسائی کے معیارات کے لیے بہترین طریقوں کی نشاندہی کرتے ہوئے، ‘سویم’ کے ساتھ شراکت  این ایف ڈی سی-ایف ڈی احاطے کو معذوروں کے لیے دوستانہ بنانے کے لیے کوشاں ہے جو کہ 18ویں ایم آئی ایف ایف کے انعقاد کا مقام بھی ہے۔ یہ پہل ایم آئی ایف ایف کی تاریخ میں پہلی بار ہوا ہے کہ فلمی میلوں کے دائرے میں ایک نیا معیار قائم کرتے ہوئے مقام تک رسائی کو اس قدر انتہائی اہمیت دی گئی ہے۔

آنے والے ہفتے تک جاری رہنے والے ایونٹ کے قابل رسائی پارٹنر کے طور پر،‘ سویم’ نے اس بات کو یقینی بنانے کے لیے متعدد کوششیں کی ہیں کہ  ایم آئی ایف ایف2024 سب کے لیے واقعی جامع اور قابل رسائی ہو۔ تنظیم نے این ایف ڈی سی – فلم ڈویژن کے احاطے میں فیسٹول کے مقام کی جامع رسائی کا آڈٹ کیا، جو کہ عالمی بہترین طریقوں کے مطابق رسائی کو بڑھانے کے لیے موزوں حل فراہم کرتا ہے۔

پہلی بار، فیسٹول کی پوری ٹیم کو جامعیت اور ہمدردی کی ثقافت کو یقینی بنانے کے لیے حساس اور تربیت دی جائے گی۔ فیسٹیول کے ڈائریکٹر جناب پرتھول کمار کاکہنا ہے ‘‘اس بار ہم نہ صرف اس بات کو یقینی بنائیں گے کہ انعقاد کی جگہ معذور افراد  کے لیے قابل رسائی ہو بلکہ یہ بھی یقینی بنائیں گے کہ میلے میں مصروف رضاکاروں کو بھی فیسٹول  میں معذور افراد کو سنبھالنے کے لیے مناسب طریقے سے تربیت دی جائے۔’’

‘سویم ’ (ایس وی اے وائی اے ایم)فیسٹول  کے شروع ہونے سے عین قبل 13 جون 2024 کوایم آئی ایف ایف کے احاطے میں خصوصی حساسیت کا تربیتی اجلاس منعقد کرے گا۔ تربیتی سیشن 120 سے زیادہ منتظمین کو مشغول اور تعلیم دے گا، بشمول سینئر حکام، اسٹیک ہولڈرز، رضاکاروں، اور عملے کے ارکان۔ سیشن مناسب آداب اور اصطلاحات کی بیداری اور سمجھ کو فروغ دینے پر توجہ مرکوز کرے گا۔ اس سے ٹیم کو خاص طور پر اس وقت مدد ملے گی جب فلم سے رغبت رکھنے والوں اور کم نقل و حرکت کے ساتھ شرکت کرنے والوں کے ساتھ بات چیت کریں، بشمول پوشیدہ معذور افراد، حاملہ خواتین، بچے اور بزرگ شہری۔

حساسیت کا تربیتی سیشن بہت سے موضوعات کا احاطہ کرے گا، بشمول: معذوری کو سمجھنا؛ معذوری اور محرومی کے درمیان فرق؛آر پی ڈبلیو ڈی ایکٹ 2016 کے مطابق 21 اقسام کی معذوری کو سمجھنا؛ معذوری کے ماڈل؛ رکاوٹ سےآزاد  ماحول کیا ہے؟ مثال کے ساتھ رکاوٹوں کی نوعیت؛ معذوری کے آداب؛ صحیح اصطلاحات کا استعمال۔

مزید برآں، شرکاء کم نقل و حرکت والے افراد کو درپیش رکاوٹوں کے بارے میں خود بصیرت حاصل کرنے کے لیے نقلی مشقوں میں مشغول ہوں گے، اس کے بعد تجربات اور بصیرت کا اشتراک کرنے کے لیے انٹرایکٹو صارف گروپ کے مباحثے ہوں گے۔

‘‘رسائی ایک بنیادی حق ہے، اور ہم ‘سویم’میں اس بات کو یقینی بنانے کے لیے پرعزم ہیں کہ جگہیں سب کے لیے خوش آئند ہوں۔ایم آئی ایف ایف 2024 کے ساتھ ہمارا تعاون فلم فیسٹیول کے منظر نامے میں شمولیت کو فروغ دینے میں ایک اہم سنگ میل ہے۔’’‘سویم’کی بانی  صدر  محترمہ  اسمنی جندل نے شراکت داری کے بارے میں اپنے جوش کا اظہار کیا  اورکہا‘‘رسائی کو ترجیح دیتے ہوئے، ہم نہ صرف ان افراد کے لیے دروازے کھول رہے ہیں جن کی نقل و حرکت کم ہے بلکہ ایک مزید جامع مستقبل کی راہ ہموار کر رہے ہیں جہاں تنوع کو وقار کے ساتھ منایا جاتا ہے۔’’

اٹھارہویں ایم آئی ایف ایف 2024 کے لیے کرٹین رائزر پریس کانفرنس میں فیسٹیول کے ڈائریکٹر جناب پرتھول کمارنے کہا کہ اس کوشش کو آگے بڑھاتے ہوئے، 18 ویں ایم آئی ایف ایف2024 میں کچھ اسکریننگ کو بھی اس انداز میں ڈیزائن کیا گیا ہے کہ معذور افراد کو فلم دیکھنے اور لطف اندوز ہونے کا موقع ملے گا۔ 18ویں ممبئی انٹرنیشنل فلم فیسٹیول میں قابل رسائی فلمیں دکھائی جائیں گی۔ سننے سے محروم سامعین کے لیے ہندوستانی اشاروں کی زبان اور بند کیپشن والی فلمیں ہوں گی اور نابینا افراد کے لیے آڈیو تفصیل کے ساتھ فلمیں بھی ہوں گی۔ اس کے علاوہ ہندوستانی اشاروں کی زبان کا استعمال کرتے ہوئے لائیو ڈانس کے ساتھ ایک فلم ‘کراس اوور’ بھی ہوگی۔’’

دیویانگجن فلمز کے عنوان سے خصوصی پیکیج میں چار فلموں/اقساط کا ایک گلدستہ ہے جنہیں 19 جون 2024 کو 18ویں ایم آئی ایف ایف میں دکھایا جائے گا۔ یہ فلمیں ہیں:

1.دی کراسور (آئی ایس ایل /انگریزی - 21 منٹ) میتھل دیویکاکے ذریعے

کراس اوور ایک مختصر فلم ہے جو رقص کی ایک پرفارمنس کو دکھاتی ہے جہاں بیانیہ کو واضح کرنے کے لیے رقاصہ بغیر کسی رکاوٹ کے ہندوستانی اشاروں کی زبان کو کیرالہ کی ایک ہندوستانی کلاسیکی رقص کی شکل،موہنی اٹّم کی جمالیاتی اشاروں کی زبان کے ساتھ مربوط کرتی ہے ۔

2. لٹل کرشنا (انگریزی) ہندوستانی اشاروں کی زبان کے ساتھ، ایش کے ذریعے

قسط 3: دی ہارر کیو (22 منٹ) اور قسط 8: چیلنج آف دی بروٹ (23 منٹ)

جب بھگوان کرشن اپنے دوستوں کے ساتھ ورنداون کے جنگل میں اپنے بچپن کی تفریحات سے لطف اندوز ہو رہے تھے، تو کمسا کی طرف سے اکسایا گیا اگھاسورا نامی ایک راکشس ان سب کو مارنے کا ارادہ ظاہر کرتا ہے۔ ورنداوان کے  گاؤں میں بھی، اریشتاسور نامی ایک راکشس باشندوں کو خوفزدہ کرتا ہے، اور انہیں کرشنا سے تحفظ حاصل کرنے پر اکساتا ہے۔ کرشنا راکشسوں کا مقابلہ کرتا ہے، انہیں آسانی سے شکست دیتا ہے۔

3.جے جگناتھ (ہندی - 36 منٹ) شری پد وارکھیڈکرکے ذریعے

بھگوان جگن ناتھ نے جگن نامی بچے کے طور پر اوتار لیا اور ان کے عقیدت مند پیروکار بلرام۔ یہ ان کی مہم جوئی کی کھوج کرتا ہے اور لوک کہانیوں کو شامل کرتا ہے جس میں  اساطیر اور دوستی کی داستانوں کو ملاتا ہے۔

رسائی کے لیے ایم آئی ایف ایف 2024 کا عزم ایک جامع ماحول کو فروغ دینے کے لیے اس کی لگن کو واضح کرتا ہے جہاں ہر کوئی سنیما کے جشن میں پوری طرح سے حصہ لے سکتا ہے۔‘سویم’ کے ساتھ ہاتھ ملاتے ہوئے،ایم آئی ایف ایف نے دوسرے فیسٹول کی پیروی کے لیے ایک مثال قائم کیا ہے جو  یہ ظاہر کرتا ہے کہ رسائی نہ صرف قابل حصول ہے بلکہ تمام حاضرین کے لیے حقیقی معنوں میں افزودہ تجربات پیدا کرنے کے لیے ضروری ہے۔

اٹھارہویں ایم آئی ایف ایف 2024 کے بارے میں

ایم آئی ایف ایف، جسے جنوبی ایشیا میں غیر فیچر فلموں کے لیے سب سے قدیم اور سب سے بڑے فلمی میلے کے طور پر تسلیم کیا جاتا ہے، دستاویزی، مختصر افسانے، اور اینی میشن فلموں کے فن کا جشن  منانے کے لیے اپنے 18ویں سال کو منا رہا ہے۔ اسے 1990 میں شروع کیا گیا تھا اور اب وزارت اطلاعات و نشریات، حکومت ہند کے زیراہتمام منعقد کیا گیا،ایم آئی ایف ایف ایک بین الاقوامی ایونٹ میں تبدیل ہو گیا ہے جس میں دنیا بھر سے سنیما کے شائقین کو راغب کیا گیا ہے۔

ایم آئی ایف ایف کا 18 واں ایڈیشن بین الاقوامی فلموں کے احتیاط سے تیار کردہ انتخاب کی وسیع رینج کے ساتھ ایک دلکش ہونے کا بھی وعدہ کرتا ہے اور دیگر انتہائی خصوصی ایونٹس جیسے پہلے دستاویزی فلم بازار جس میں ورک ان پروگریس لیب، کو-پروڈکشن مارکیٹس اور ویونگ روم شامل ہیں۔  ایک سینئر وارنر برادر اینیمیٹر کی طرف سے ایک خصوصی اینیمیشن اور وی ایف ایکس پائپ لائن ورکشاپ کا بھی اہتمام کیا جا رہا ہے۔ یہاں خصوصی طور پر تیار کردہ ایونٹس بھی ہیں جیسے پینل ڈسکشنز، اوپن فورمز، فائر سائڈ چیٹس اور اعلیٰ صنعت کے ماہرین کی ماسٹر کلاسز جو قائم اور ابھرتے ہوئے فلم ڈائریکٹرز کے درمیان سیکھنے کے ایک متحرک تبادلے کو فروغ دیتے ہیں۔ اس کے علاوہ پریس کانفرنسز اور کیوریٹڈ انٹرویوز میڈیا والوں کو اپنے پسندیدہ دستاویزی فلم سازوں اور فنکاروں کے قریب اور ذاتی طور پر جانے کا موقع فراہم کریں گے۔ مزید معلومات کے لیے https://miff.in  ملاحظہ کریں۔

-----------------------

ش ح۔ج ق ۔ ع ن

U NO: 7391