جناب وی سومنا نے آج نئی دہلی میں جل شکتی کے مرکزی وزیر مملکت کے طور پر اپنا عہدہ سنبھال لیا۔ چارج سنبھالنے کے بعد، وزیر موصوف نے وزارت کی ذمہ داری کے ساتھ ان پر اعتماد کرنے کے لیے وزیر اعظم کا شکریہ ادا کیا اور کہا، ‘‘گزشتہ 10 برسوں میں وزیر اعظم جناب نریندر مودی کی متحرک قیادت میں قابل ذکر ترقی ہوئی ہے’’۔ وزیر موصوف نے حکومت کی تیسری مدت کارمیں ترقی کی رفتار کو جاری رکھنے کے پختہ عزم کا اظہار کیا۔

اس موقع پر میڈیا سے خطاب کرتے ہوئے جناب سومنا نے بتایا کہ جل جیون مشن کے تحت گزشتہ 5 برسوں میں 11 کروڑ سے زیادہ دیہی گھرانوں کو پائپ سے پانی کی فراہمی میں شامل کیا گیا ہے اور اب 76 فیصد سے زیادہ دیہی گھرانوں کو روزانہ 55 لیٹر معیاری پانی فی شخص مل رہا ہے۔  وزیر موصوف نے مزید کہا کہ سووچھ بھارت مشن (گرامین) کے تحت، ہندوستان کے 93فی صد سے زیادہ گاؤں کو کھلے میں رفع حاجت سے پاک (او ڈی ایف) پلس بنایا گیا ہے، جب کہ تقریباً 33فی صد  نےاو ڈی ایف پلس ماڈل گاؤں کے زمرے میں کامیابی حاصل کی ہے۔ انہوں نے کہا،‘‘اس کامیابی کی بنیاد پر، ہم مارچ 2025 تک تمام گاؤں کو او ڈی ایف  پلس ماڈل کے زمرے میں لانے کی کوشش کریں گے۔’’

جناب سومننا پہلی بار لوک سبھا کے رکن ہیں، جو کرناٹک کے ٹمکور حلقہ سے منتخب ہوئے ہیں، وہ اس سے قبل ریاستی حکومت میں وزارتی عہدوں پر فائز رہ چکے ہیں۔ قبل ازیں، آج سی جی او کمپلیکس میں واقع  دفتر پہنچنے پر، محترمہ وینی مہاجن، سکریٹری (پینے کے پانی اور صفائی ستھرائی) وزارت جل شکتی نے، وزارت کے سینئر افسران کے ساتھ، وزارت میں ان کا استقبال کیا۔

*****

ش ح۔ج ق۔ج ا

U:7369