ریلوے اور جل شکتی کے مرکزی وزیر مملکت جناب وی سومنا نے آج ریل بھون میں عہدہ سنبھال لیا۔ ریل بھون پہنچنے پر ریلوے بورڈ کی چیئرمین اور سی ای او محترمہ جیا ورما سنہا نے ریلوے کے سینئر افسران کے ساتھ ان کا استقبال کیا۔

میڈیا کے نمائندوں سے خطاب کرتے ہوئے جناب وی سومنا نے کہا، ''میں وزیر اعظم جناب نریندر مودی جی اور میری پارٹی کا شکر گزار ہوں کہ انہوں نے مجھے وزارتی ذمہ داریاں سونپیں۔ پچھلے 10 سالوں میں، وزیر اعظم جناب نریندر مودی جی کی قیادت میں ریلوے نے نمایاں ترقی کا تجربہ کیا ہے۔

جناب وی سومنا نے مزید کہا کہ جیسے جیسے ہم مودی 3.0 میں آگے بڑھیں گے، ہم ریلوے کی ترقی کی رفتار کو برقرار رکھیں گے۔ "مرکزی وزیر ریلوے، جناب اشونی ویشنو جی کی باصلاحیت قیادت میں کام کرنےکا موقع ملنے اور ریلوے کی ترقی  نیز وکست بھارت میں اپنا حصہ ڈالنےکا موقع میسر آنے سے خوش ہوں۔ انہوں نے مزید کہا ایک ساتھ مل کر، ہم وکست بھارت کے خواب کو حاصل کریں گے اور ہم اس کے لیے 24/7 کام کریں گے"۔

کرناٹک کے ٹمکور حلقہ سے لوک سبھا کے رکن پارلیمنٹ جناب وی سومنا اس سے قبل ریاست میں وزارتی عہدوں پر فائز رہ چکے ہیں۔

 ش ح۔م م - ج

UNO-7320