প্রধানমন্ত্রীগী লোইশঙ
প্রধান মন্ত্রী প্রধান মন্ত্রী ওফিসকী থবক পায়বা হৌখ্রে
“পি.এম.ও থবক্কী লোয়শঙ অমা ওইগদবনি অমসুং মীয়ামগী পি.এম.ও ওইগদবনি”
“লৈবাক হুপ্না কাংবু অসিদা থাজবা থম্লি”
“অমতা ওইনা, বিকসিত ভারত ২০৪৭গী পান্দমগা লোয়ননা ঐখোয়না ‘ লৈবাক্কী থবক্না অহানবা’ পান্দম অসি ফংবা ঙমগনি”
“ঐখোয়না লৈবাক অসি হৌজিক ফাওবা অতোপ্পা লৈবাকশিংনা য়ৌবা ঙমদ্রিবা থাকশিংদা পুখৎকদবনি”
“মীখলশিং অসিনা সরকারগী থবক তৌরিবশিংনা পাংথোক্লিবা থবকশিংদা অয়াবা পীবগী স্তাম্প অমা নম্লে”
Posted On:
10 JUN 2024 5:33PM by PIB Imphal
ঙসি প্রধান মন্ত্রী শ্রী নরেন্দ্র মোদী প্রাইম মিনিস্তরস ওফিসকী থবক পায়বা হৌরে। প্রাইম মিনিস্তরস ওফিসকী ওফিসারশিং অমসুং স্তাফশিংদা ৱা ঙাংবদা, শ্রী মোদীনা হায়খি হেক হৌবদগী পি.এম.ও থবক্কী লোয়শঙ অমা ওইগদবনি অমসুং মীয়ামগী পি.এম.ও ওইগদবনি। পি.এম.ও অসি অনৌবা থৌনা অমসুং অনিংবশিংগী হৌরকফম অমা ওইনা পি.এম.ও অসি অহোংবা পুরক্নবা এজেন্ত অমা ওইনবা ঐখোয়না হোৎনরে।
প্রধান মন্ত্রী মোদীনা হায়খি সরকার হায়বগী ৱাহন্থোক্তি পাঙ্গলগী অনৌবা থৌনা, কৎথোকপা অমসুং ৱাশক হায়বনি অমসুং কৎথোকপগা লোয়ননা পি.এম.ওনা মীয়ামগী থবক তৌগনি হায়বগী থাজবা থম্লি। মোদী মথন্থনা সরকার পায়বা নত্তে, মসি মীওই লিশিং কয়া পুন্না শরুক য়ারি অমসুং থৌদাং কয়া লৌরি অমসুং মসিগী ফল ওইনা মীয়াম্না মসিগী তৌবা ঙম্বা থবকশিং উবা ফংলে।
শ্রী মোদীনা হায়খি কাংবু অসিদা য়াওরিবা মীওইশিংগী থবক তৌবগী অকক্নবা মতম, ৱাখল খনবগী পনখৈ নত্ত্রগা থবক তৌনবগী নাপচৈ অমতা লৈতে। লৈবাক হুপ্না কাংবু অসিদা থাজবা থম্লি।
মহাক্কী কাংবুদা শরুক য়ারিবশিং থাগৎপগী খুদোংচাবা প্রধান মন্ত্রীনা লৌখি অমসুং শরুক য়ানিংবশিংদশু তকশিনখি অমসুং মথং চহি ৫ দা বিকসিত ভারতকী খোঙচৎকী শরুক অমা ওইনবা অমসুং মখোয় মশামক লৈবাক শেমগৎপদা কৎথোক্নবা তকশিনখি। অমতা ওইনা, বিকসিত ভারত ২০৪৭গী পান্দমগা লোয়ননা ঐখোয়না ‘ লৈবাক্কী থবক্না অহানবা’ পান্দম অসি ফংবা ঙমগনি। মহাক্কী পুন্সিগী মিকুপ খুদিং লৈবাক অসিগীনি।
প্রধান মন্ত্রী মোদীনা হায়খি অচেৎপা ফিরেপ অসি থবক কন্না হোৎনবনা মতেং পাংলকপা মতমদা অনিংবা অমসুং তুংদু-লৈতাবা পুরকপা ঙম্মী। কনাগুম্বা অমগী অনিংবা অদু লৈতারবা মতমদা,মসি ৱারেপ অমগী মওংদা লাকই অমসুং অনিংবা অদুনা অনৌবা শক্তমশিং ওইরক্তুনা ইহৌ অমা ওইরকই।
প্রধান মন্ত্রীনা হায়খি লৈবাক অসিদা অনৌবা থাকশিংদা পুখৎনিংবগী অপাম্বা লৈরি অমসুং হৌখিবা চহি ১০ দা মহাক্কী কাংবুনা শিংথানিঙাই ওইবা থবকশিং পাংথোক্তুনা মালেমগী থাক য়ৌশিনবা ঙম্লে। ঐখোয়না লৈবাক অসি হৌজিক ফাওবা অতোপ্পা লৈবাকশিংনা য়ৌবা ঙমদ্রিবা থাকশিংদা পুখৎকদবনি।
প্রধান মন্ত্রী মোদীনা হায়খি মাইপাকপগী তঙাইফদনা চঙদ্রবা য়াদ্রবশিংদি ৱাখল্লোন ময়েক শেংবা, ইশানা ইশা থাজবা অমসুং থবক তৌবগী লমচৎ-শাজৎনি। করিগুম্বা ঐখোয়না হায়রিবা অহুম অসি লৈরবদি, মাইথিবা ফংগনি হায়বা ঐ থাজদে।
পান্দম অমদা মখোয় মশামক কৎথোক্লিবা ভারত সরকারগী থবক তৌরিবা মীওইশিং থাগৎলদুনা প্রধান মন্ত্রীনা হায়খি সরকারগী মাইপাকপশিংদা মখোয়গী অচৌবা শরুক অমা য়াওরি। মীখলশিং অসিনা সরকারগী থবক তৌরিবশিংনা পাংথোক্লিবা থবকশিংদা অয়াবা পীবগী স্তাম্প অমা নম্লে। কাংবু অসিনা অনৌবা ৱাখল্লোন পুথোক্কদবনি অমসুং পাংথোক্কদৌরিবা থবক্কী পাক-চাউবা হেনগৎহনগদবনি। মহাক্কী থৌনাগী অরোনবা ফোঙদোক্লদুনা প্রধান মন্ত্রীনা মহাক্কী ৱারোল লোইশিনখি অমসুং হায়খি মহাক মশামক মনুংদা মহৈরোয় অমা ওইরিবা মীওই অদু মাইপাকপা মীওই অমনি।
***
(Release ID: 2023854)
Visitor Counter : 56
Read this release in:
English
,
Khasi
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam
,
Malayalam