রিগুলর কোর্স ১৫৪ অমসুং তেক্নিকেল গ্রেজুএত কোর্স ১৩৭ অমসুং মরুপ মপাং ওইনরিবা লৈবাক ১০দগী ৩৯ য়াওনা অপুনবা ওইনা ওফিসর কেদেত ৩৯৪ না ইন্দিয়ন মিলিতরী একাদেমী (আই.এম.এ.), দেহরাদুন, উত্তরাখন্দগী পোর্তেলদগী জুন ০৮, ২০২৪দা পাস আউত তৌখ্রে। ওফিসর কেদেতশিং অদুনা পুক্নিং চঙবগী মতৌ উৎলদুনা 'সারে জহান সে অছা' অমসুং 'কদম কদম বধায়ে জা' গী মিলিতরীগী শুরদা চপ চাবা অমসুং চাউথোকপগা লোইননা নীংথিজবা মতৌ উৎখি।

জেনরেল ওফিসর কম্মান্দিং ইন চীফ, নোরদর্ন কম্মান্দ লেফতনেন্ত জেনরেল এম ভি সুচিন্দ্র কুমারনা পাসিং আউত পেরেদ য়েংশিনখি। মহাক্না ওফিসর কেদেতশিংবু মখোয়গী ত্রেনিং মায় পাক্না লোইশিনখিবদা হরাওবা ফোংদোকখি। মহাক্না মখোয়বু অমসুং ইন্সত্রক্তরশিংবু নীংথিজরবা পেরেদ অদুগীদমক অমসুং দ্রিলগী খোঙথাং চপ চাবা, ত্রেনিং অমসুং নহা ওইরিবা ওফিসরশিং অদুনা উৎখিবাঅৱাংবা থাক্কী দিসিপ্লিন উৎখিবগীদমক থাগৎখি। 

পেরেদ অসিনা নখোয়গী ত্রেনিং লৌশিনবগী মশক অদু উৎলিবনি অমসুং প্রোফেসনেল কেরিয়র অমা হৌবা তাক্লিবনি। মসি নখোয়গী পুন্সিদা অমুক্তং থোকপা মীকুপ অমনি অমসুং মসিনা নখোয়গী তুংগী লম্বীদা মঙাল অমা ওইগদৌরিবনি। নখোয়না লৌরিবা ৱাশক অমসুং লৈবাক অসিগীদমক শক্লিবা ৱাশক অসি অশেংবনি অমসুং মসিনা নখোয়গী নথৌ খুদিংমক্তা মাংদা থাগদবনি। ঙসি নখোয়না চাউথোক্না অমসুং থৌনা ফনা লেপ্পা ঙম্লিবসি নখোয়না ওফিসর অমা ওইনবা হোৎনবা মতমদা নখোয়না কন্না হোৎনখিবা অমসুং থাদখিবা পুম্নমক্তুনা ওইহল্লক্লিবনি। আই.এম.এ. অসি অৱাংবা থাক্কী ইন্সতিত্যুসন্নি, মসিনা নখোয়গী শক্তিশিং পুথোক্নবা হোৎনরিবনি অমসুং মসিনা নখোয়বু ওফিসর অমা ওইনবা হোৎনবদা চঙবা লৌশিং খুদিংমক পীরিবনি," হায়না রিভ্যুৱিং ওফিসর অদুনা ওফিসর কেদরশিংদা হায়খি।

রিভ্যুৱিং ওফিসর অসিনা হায়খি মদুদি ইন্দিয়ন আর্মিনা মালেমদা খ্বাইদগী ফবা লান্মীশিং লৈবগীদমক চাউথোকচৈ, মখোয়দা লানফমদগী ফংবা অমসুং চহি কয়াগী ওপরেসনেল এক্সপরিএন্সতগী ফংবা লৌশিং কয়া অমা য়াওরি। মহাক্না ওফিসর কেদেতশিংদা ইকাইখুম্নবগা লোইননা লুচিংনবা; অখন্নবা মওংগা লোইননা সেবা তৌনবা; অমসুং অকোইবদা লৈবা মীয়াম্বু থৌদাংগা লোইননা ইথিল পীনবা পুক্নিং চিংশিনখি।

খোঙজেল য়াঙনা হোংলক্লিবা লানগী ফিভম অসি য়েংলগা রিভ্যুৱিং ওফিসর অসিনা হায়খি মদুদি হৌজিক মতমগী লানগী মওং অসিবু হোংলক্লিবা তেক্নোলোজীগী ফিভম্না লেপ্পা লৈতনা শাফু পীরি। মহাক্না লানগী লাল্লোংদা লৈরিবা স্পেস, সাইবর অমসুং কোগনিতিব দোমেন অসি মতম অসিগী অশেংবা মশকনি অমসুং ইনফোর্মেসনগী লাল্লোং, দ্রোন, ওতোনোমস সিস্তেম, ইলেক্ত্রো মেগনেতিক স্পেক্ত্রম অমসুং মেন মেচিন পুনশিনবনা অনৌবা মহৌশা অমা ওইরক্লি। মহাক্না হায়খি মদুদি হায়রিবা দোমেনশিং অসি দিসরপতিব তেক্নোলোজীশিং শীজিনবগা লোইননা নোংম-নোংমগী ময়েক শেংবা হেল্লক্লি, মসিনা লানদা লুবগী চাং হেনগৎলক্লি। মসিবু ৱাখল্লোন, ইন্তেলেক্ত, অমসুং ইন্নোবেসনগী লান্নি হায়রদুনা মহাক্না ওফিসর কেদেতশিংবু মতম চুপ্পদা শেম শানবা অমসুং হায়রিবা শীংনবশিং অসিবু থেংননবা মাঙজিল থানা লৈগদবনি হায়খি। "মসিমসু নীংশিংগদবনি মদুদি মেচিনগী হেক মনীংদা লৈরিবা মীশক অদুনা খ্বাইদগী মরুওইবা ওই। ফিজিকেল ফিত্নেস, মেন্তেল এজিলিতী, ক্রিতিকেল থিংকিং, তেক্নিকেলগী ওইবা শক্তি, অমসুং অহোংবা ফিভম লাকপদা খোংজেল য়াঙনা পাউখুম পীবা হায়বসিনা নখোয়গী মায় পাকপগী মরুওইবা মচাক ওইগনি" হায়না মহাক্না হায়খি।

থৌরম অদুদা, রিভ্যুৱিং ওফিসর অসিনা মখাগী মনাশিং অসি লান্থোকখিঃ

• একাদেমী অন্দর ওফিসর প্রভীন সিংহদা স্বোর্দ ওব ওনর অমসুং মেরিতকী মতুং ইন্না মকোক তাখ্রবা ওফিসর কেদেতকী কোভেতেদ মনা পীখি। লুপাগী তক্মান্না একাদেমী কেদেত এদজুতেন্ত মোহিত কাপ্রিদা অদুগা শেঞ্জেংগী তক্মান্না বতালিয়ন অন্দর ওফিসর শৌর‍্যা ভারত্তা পীখি।
• তেক্নিকেল গ্রেজুএত কোর্সতা মেরিতকী মতুং ইন্না মকোক তাখিবগী ওফিসর কেদেতকী লুপাগী তক্মান্না ওফিসর কেদেত বিনয় ভন্দারিদা পীখি।
• মপান লৈবাক্তগী লাকপা মেরিতকী মতুং ইন্না মকোক তাখিবা ওফিসর কেদেত্তা পীগদবা বঙ্গলাদেশ মেদালনা ফোরেন ওফিসর কেদেত মোহম্মদ নুর কুতুবুল অলম, বঙ্গলাদেশতা পীখি।
• চীফ ওব দি আর্মী স্তাফ বেন্নর অসিনা স্প্রিং তর্ম ২০২৪গী ওইনা কম্পেনী ১২গী মরক্তগী মপুং ওইনা মকোক তাখিবা কোহিমা কম্পেনীদা পীখি।

পেরেদ অদুবু রিভ্যু তৌরবা মতুংদা লেফতনেন্ত জেনরেল এম.ভি. সুচিন্দ্র কুমারনা শক্নাইরবা ত্রেনিং একাদেমী অসিগী থৌনা লৈরবা এলুম্নিদা ইকাইখুম্নবা উৎপা ওইনা ৱার মেমোরিএল, আই.এম.এ.দা হৈকৎ লৈকৎ তমখি। ওফিসর কেদেতশিং অসিনা কমিসন্দ ওফিসরগী রেঙ্ক পীবগী থৌরম 'পিপ্পিং সেরিমোনী' অসিনা মখোয়গী মপা মমা অমসুং নক্ন-চান্নবশিংনা পাঙথোকখি।

***