কর্নাতকা

কম্বোদিয়া, তুনিসিয়া, মোলদোবা, সিচেলেস অমসুং নেপালদগী মীহুৎশিংনা কর্নাতকাদা বেলগাম পার্লিয়ামেন্তরী কন্সতিত্বেন্সীদা চৎখি অমদি পোলিং স্তেসন মনুংদা পোলিং ওফিসরশিং অমসুং প্রিসাইদিং ওফিসরশিংগা ৱারী শানখি, মোক পোল য়েংখি, কমান্দ কন্ত্রোল সেন্তর, মেদীয়া মোনিতরিং ফেসিলিতীশিং চৎতুনা য়েংখি। মীহুৎশিং অদুনা মোক পোল, পোলিং স্তেসন মনুংদা কেন্দিদেৎশিংগী রিপ্রজেন্তেতিবশিং শরুক য়াবগী ত্রান্সপরেন্সীবু থাগৎখি।  

গৱা

ভুতান, মোঙ্গোলিয়াদগী মীহুৎশিং অমসুং ইজরেলদগী মেদিয়া তীম অমনা গৱাগী কন্সতিত্বেন্সী অনিমক্তা মীখল অমসুং মীখলগা মরী লৈননা শিনলি লাংলিবশিং য়েংখি। মখোয়না মোক পোল, কমান্দ কন্ত্রোল সেন্তর, মেদীয়া মোনিতরিং ফেসিলিতী অমসুং দিসপেতচ সেন্তরশিংসু য়েংশিনখি। CEC ভুতান অমদি ভুতান অমসুং মোঙ্গোলিয়াগী ইলেক্তোরেল ওফিসিয়েলশিংনা মীখল পাংথোকপদা পোলিতিকেল পার্তীশিং, মেদীয়া, পোলিং স্তেসন মনুংদা কেন্দিদেৎকী রিপ্রজেন্তেতিবশিং য়াওবগী ত্রান্সপরেন্সীবু থাগৎখি। য়েংশিনবা লাকখিবা মীহুৎশিংনা PwDগীদমক থৌরাং তৌরবা পোলিং স্তেসনশিং অমসুং পিঙ্ক পোলিং স্তেসনশিং উবদা অঙকপা অমসুং থাগৎপা ফোংদোকখি। EVM-VVPATশিং রেন্দোমাইজ তৌবগীদমক সোফ্তৱেয়র শিজিন্নবদা মীহুৎশিংনা থাগৎপা ফোংদোকখি।

মধ্য প্রদেশ

শ্রী লঙ্কা অমসুং ফিলিপিন্সদগী মীহুৎশিং য়াওবা মেম্বর ১১গী অন্তরজাতিগী তীম অমনা ভোপাল, ভিদিশা, সেহোর অমসুং রাইসেন কন্সতিত্বেন্সীগী পোলিং স্তেসনশিংদা চৎতুনা লোক সভা মীখলগী ইলেক্তোরেল প্রোসেসশিং য়েংখি। ভোতরশিংগা ৱারী শান্নদুনা মখোয়না দেমোক্রেতিক প্রোসেসতা ভারতকী নাগরিকশিংনা থৱায় য়াওনা অমসুং এক্তিব ওইনা শরুক য়ারিবশিং য়েংখি।

উত্তর প্রদেশ

চিলি, জোর্জিয়া, মালদিব, নমিবিয়া, পাপুৱা নিউ গুইনিয়া অমসুং উজবেকিস্তানদগী মীহুৎশিংনা উত্তর প্রদেশকী ফতেহপুর সিকরি অমসুং অগ্রা পার্লিয়ামেন্তরী কন্সতিত্বেন্সীদা ২০২৪গী মে ৭দা মীখলগী সাখি ওইখি। লেংলক্লিবা শক্নাইরবশিংবু কন্সতিত্বেন্সী অনি অসিগী মনুংদা লৈরিবা তাজ মহলগী আর্কিতেকচরেল মার্বেল অমসুং ফতেহপুর সিকরি য়েংহনখি। মীখল নুমিৎ অমসুং মীখলগী নোংমা ৱাৎলিঙৈ নুমিৎতা মখোয়না তোঙান তোঙানবা এরেঞ্জমেন্তশিং/এক্তিবিতীশিং এক্সপোজ তৌখি।

গুজরাত

ফিজি, ওস্ত্রেলিয়া, রসিয়া, মদাগাস্কর, কির্গিজ রিপব্লিক্তগী মীহুৎশিংনা অহমেদবাদতা লোক সভা, ২০২৪গী সধারন মীখলগীদমক প্রি-পোল এরেঞ্জমেন্ত অমসুং পোলিং প্রোসেস সাখি ওইখি। মীহুৎ কাংবু অদুনা দবল লোক সিস্তেম ওইবা স্ত্রোং রুমশিং অমসুং EVMশিংগী ইফেক্তিব সেক্যুরিতীগীদমক অর্মদ পুলিস পর্সোনেল দিপ্লোই তৌববু অপেনবা ফোংদোকখি। অহমেদবাদ ইস্ত PCদা সনন্দ এসেমব্লী কন্সতিত্বেন্সীদা নুপীনা মেনেজ তৌবা পোলিং স্তেসনশিংনসু থাগৎপা ফোংদোকখি। অহল ওইরবা ভোতরশিং মতেং পাংনবগীদমক মফম পুম্নমক্তা ভোলুন্তীয়রশিংগা লোয়ননা রেম্প অমসুং হ্বীলচিয়রগী খুদোংচাবশিংসু থাগৎখি। মমিৎ তাংবা ভোতরশিংগীদমক ব্রাইল বেলোত পেপরগী কন্সেপ্তসু মমিৎ তাংবা মীওইশিং তেংবাংনবা অফবা খোংথাং অমা ওইনা পামখি।  

মহারাস্ত্র

বঙ্গলাদেশ, শ্রী লঙ্কা, কাজখস্তান অমসুং জিম্বাবৱেগী ইলেক্সন মেনেজমেন্ত বোদীশিংদগী রিপ্রজেন্তেতিবশিংনা মহারাস্ত্রদা রাইগর পার্লিয়ামেন্তরী কন্সতিত্বেন্সীদী চৎখি অমসুং প্রি-পোল এরেঞ্জমেন্তশিং, পোলিং পার্তীশিংগী দিসপর্জেল অমসুং অতোপ্পা লোজিস্তিকশিং সাখি ওইখি। মীহুৎ কাংবু অদুনা দিস্ত্রিক্ত ইলেক্সন ওফিসর, রিতর্নিং ওফিসর, প্রিসাইদিং ওফিসরশিং অমসুং অতোপ্পা মীখলগা মরী লৈনবা ওফিসিয়েলশিংগা লোয়ননা ইন্দিয়ন ইলেক্সনগী তোঙান তোঙানবা মায়থোংশিংগী মতাংদা উনদুনা ৱারী শান্নখি। মীহুৎ কাংবু অদুনা পোলিং স্তেসনশিংদা লৌখৎলিবা ত্রান্সপরেন্সীদী থাগৎপা ফোংদোকখি।