প্রধানমন্ত্রীগী লোইশঙ
প্রধান মন্ত্রীনা লৈবাক অসিদা হৌজিক থেংনরিবা অয়াকপা নুংশাগী মৈশাগী ফিবম অমসুং কুমগী নোং চুরকপগী শেম-শারিবশিং হন্না য়েংশিনখ্রে
মৈ চাকপগী থৌদোকশিং মাংজৌননা ঙাকথোক্নবা অমসুং লাকশিন্নবা চাংনাইনা মখা তানা দ্রিলশিং পাংথোক্নবা প্রধান মন্ত্রীনা পাউতাক পীখ্রে
চাংনাইনা হোস্পিতালশিং অমসুং অতোপ্পা মীয়ামগী মফমশিংদা মৈগী ওদিদ অমসুং ইলেক্ত্রিক্কী ওদিদ পাংথোক্নবা প্রধান মন্ত্রীনা পাউতাক পীখ্রে
লৈবাক অসিগী মফম অয়াম্বদা কুমগী নোং মহৌশা অমসুং মহৌশাদগী হেনগৎনা চুরবা য়াই অমসুং পেন্নিন্সুলার ভারতকী শরুকশিংদা মহৌশাদগী হন্থনা চুরবা য়াই হায়না প্রধান মন্ত্রীদা পাউদমখি
Posted On:
02 JUN 2024 3:00PM by PIB Imphal
ঙসি অঙনবদা নিউ দিল্লিগী ৭, লোক কলয়ান মার্গতা লৈবা মহাক্কী য়ুমদা প্রধান মন্ত্রী শ্রী নরেন্দ্র মোদীনা লুচিংদুনা হন্না য়েংশিনবগী মীফম অমা পাংথোক্তুনা লৈবাক অসিদা হৌজিক থেংনরিবা অয়াকপা নুংশাগী মৈশাগী ফিবম অমসুং কুমগী নোং চুরকপগী শেম-শারিবশিং হন্না য়েংশিনখ্রে।
আই.এম.দিনা মাংজৌননা লাউথোকখিবগী মতুংইন্না, রাজস্থান, গুজরাত অমসুং মধ্য প্রদেসকী শরুকশিংদা মখা তানা অকনবা নুংশাগী মৈশা মায়োক্নরবা য়ারিবা অসিগী মতাংদা প্রধান মন্ত্রীদা পাউদমখি। লৈবাক অসিগী মফম অয়াম্বদা কুমগী নোং মহৌশা অমসুং মহৌশাদগী হেনগৎনা চুরবা য়াই অমসুং পেন্নিন্সুলার ভারতকী শরুকশিংদা মহৌশাদগী হন্থনা চুরবা য়াই হায়না প্রধান মন্ত্রীদা পাউদমখি।
মৈ চাকপগী থৌদোকশিং মাংজৌননা ঙাকথোক্নবা অমসুং লাকশিন্নবা চাংনাইনা মখা তানা দ্রিলশিং পাংথোক্নবা প্রধান মন্ত্রীনা পাউতাক পীখ্রে। চাংনাইনা হোস্পিতালশিং অমসুং অতোপ্পা মীয়ামগী মফমশিংদা মৈগী ওদিদ অমসুং ইলেক্ত্রিক্কী ওদিদ পাংথোক্নবা প্রধান মন্ত্রীনা পাউতাক পীখ্রে। মহাক্না হায়খি উমংশিংদা মৈরমশিং ফজনা থম্নবা চাংনাইনা দ্রিলশিং পাংথোক্কদবনি অমসুং অকংবা উনা-ৱানাশিং কান্নবা হিরমশিংদা শীজিন্ননবা থৌরাং তৌগদবনি।
মতম চানা উমংদা লান্মৈ চাকপা মশক খঙদোক্নবা অমসুং মসি কন্নবা ‘বন অগ্নি’ পোর্তেলগী কান্নবগী মতাংদা প্রধান মন্ত্রীদা পাউদমখি।
মীফম অদুদা প্রধান মন্ত্রীগী প্রিন্সিপাল সেক্রেতরি, কেবিনেত সেক্রেতরি, হোম সেক্রেতরি, আর্থ সাইন্সেস মিনিস্ত্রিগী সেক্রেতরি, এন.দি.আর.এফকী দি.জি, এন.দি.এম.এগী মেম্বর সেক্রেতরি, পি.এম.ওগী সেনিয়ার ওফিসিয়েলশিং অমসুং মরি লৈনবা মিনিস্ত্রিশিংগী সেনিয়র ওফিসিয়েলশিংশু শরুক য়াখি।
***
(Release ID: 2022540)
Visitor Counter : 45
Read this release in:
English
,
Urdu
,
Marathi
,
Hindi
,
Hindi_MP
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam