Ha kaba iadei bad ka khubor kaba dang saphriang ha katto katne ki lad pathai khubor, la pynshai hangne ba ki Kyndon 31B haduh 31J kiba batai ia ki kam kiba iadei bad ki Accredited Driver Training Centre (ADTC) ki dei kiba la wanrah ha ki Kyndon Central Motor Vehicles Rules (CMVR), 1989 lyngba ka GSR 394(E) ha ka 07.06.2021 ki ban treikam naduh ka 01.07.2021 bad ba ym don ka jingthmu ban don jingkylla naduh ka 01.06.2024.

La ban biang ruh hangne ba ka Section 12 jong ka Motor Vehicles (MV) Act, 1988 ka batai shaphang ka license bad ka jingpeit ia ki skul ne ki jaka ai jinghikai niah kali. La pynkylla ia kane lyngba ka Motor Vehicles (Amendment) Act, 2019 ban wanrah ia ka subsection (5) & (6) na ka bynta ki skul ne ki jaka treikam ba la ioh jingithuh na ka kynhun ba la pynbna da ka Sorkar Pdeng.

Ka jingai jingithuh ia kum kine ki ADTC ka dei kaba lah ban ioh na ka Bor Transport ha ka Jylla lane kano kano ka kynhun ba la pynbna da ka Sorkar Pdeng haba la ioh jingmut jong kane kano ka jaka test kumba la batai ha ka Kyndon 126 jong ka CMVR, 1989. Ka syrnot ba la ai da ka ADTC haba la pyndep ia ka jinghikai (Form 5B) lyngba ka sub-rule (iii) jong ka Kyndon 31E jong ka CMVR, 1989 ka pyllait iano iano ba don kane ka syrnot na ka jinghap leit driving test hapoh ka sub-rule (2) jong ka Kyndon 15 jong ka CMVR, 1989.

Kiwei kiwei ki jait skul ai jinghikai niah kali kiba la seng hapoh ka Kyndon 24 jong ka CMVR, 1989, kiba kham jem ki kyndon haba ianujor bad ka ADTC, ruh ki hap ban ai ka syrnot haba la pyndep ia ka jinghikai (Form 5) lyngba ka sub-rule (d) jong ka Kyndon 27 jong ka CMVR, 1989. Hynrei kane ka syrnot kam pyllait ia kito kiba ioh ia ka na ka jinghap ban leit ia ka driving test hapoh ka sub-rule (2) jong ka Kyndon 15 jong ka CMVR, 1989.

Ka application ban ioh license niah kali hapoh ka Kyndon 14 jong ka CMVR, 1989 ka dei kaba hap ban suh lang ia ka Form 5 lane Form 5B.

Wat hapdeng kine ki jinglait na ka jinghap leit driving test kumba la batai ha ka Para 3 halor, ka bor ban ai ia ka license niah kali ka don bad ka tnat kaba dei ban ai ia kine ki license.

***