পৱার মিনিস্ত্রিগী মখাদা লৈবা মহারত্ন সেন্ত্রেল পব্লিক সেক্তর ইন্তরপ্রাইজ অমা অমসুং মাংজিল থাবা এন.বি.এফ.সি অমা ওইরিবা আর.ই.সি লিমিতেদ আউতলুক প্লানেত স্তেনেবেলিতি সম্মিৎ অমসুং এৱার্দস ২০২৪দা  ‘স্তেনেবেলিতি চেম্পিয়ন- ইদিতর্স চোইস এৱার্দ’ পীদুনা ইকায়খুম্নবা উৎখ্রে। মনা য়েন্থোকপগী থৌরম অদু আই.আই.তি গৱাগা খুৎশম্নদুনা আউতলুক গ্রুপনা শীনবনি।

মহৌশাগী অকোয়গী ফিবম হেন্না ফবা তুংলমচৎ অমা ওইহন্নবা মাইকৈদা মসিগী পায়খৎলিবা থবকশিং অমসুং তুংকোইনা চৎনবা থবকশিংগীদমক শকখঙবা উৎতুনা মনা অসি আর.ই.সিদা পীবনি। মহৌশাগী অকোয়গী ফিবম হেন্না ফবা তুংলমচৎ অমগী লম্বীদা লুচিংদুনা তুংকোইনা চৎনবা য়াবা থবকশিংগীদমক কোর্পোরেসনগী ৱাশক অদু মনা অসিনা মশক তাক্লি।

গৱাদা পাংথোকপা থৌরম অমদা মনা অদু আর.ই.সি মু্ম্বাই ওফিসকী সেনিয়র জেনেরেল মেনেজর শ্রীমতি সরশ্বতিনা লৌখি।

ভারতকী ইনর্জিগী অওনবা পুরকপদা আর.ই.সিনা মাঙজিল থাবা ওইখি। মৈখু চেন্দা ইনর্জি ফংহন্নবা মাইকৈদা মালেমগী মতেংগা লোয়ননা মসিনা থৌরা কয়া পায়খৎখি অমসুং ভারতকী ইনর্জিগী অওনবা পুরক্নবা মাংজিল থাবা শেন থাদবা বোদি অমা ওইনা কম্পেনি অসিনা থবক তৌখি। তুংকোইনা চৎনবা য়াবা থবকশিংদা আর.ই.সিনা শিংথাবা য়ানা শেন থাদখি অমসুং রিনিউএবল ইনর্জিগী মখাদা হৌজিক লুপা করোর ৩৮,৯৭১ গী শেনফম লোন ওইনা থাদরি। ২০৩০ ফাওবা লুপা করোর লাখ ১০ লোন পীনবা পান্দম থম্বদা চাদা ৩০ রিনিউএবল প্রোজেকশিংগী ওইহন্নবা কেম্পেনি অসিনা পান্দম থম্লি।

আউতলুক প্লানেত স্তেনেবেলিতি সম্মিৎ অমসুং এৱার্দস অসি তুংকোইনা চৎনবা য়াবা থবকশিং পুক্নিং থৌগৎনবা অমসুং হরাওবা ফোঙদোক্নবা উদোগকী লুচিংবশিং, থৌশিল শেম্লিবশিং অমসুং তুংকোইনা চৎনবা য়াবা থবকশিংগী খোল্লাউ লাউরবশিং পুনশিন্নবা অফবা মফম অমনি। চহি অসিগী সম্মিৎ অসি মমুৎ তানা খন্ন-নৈনবা, অনৌবা ৱাখল্লোনশিং অমসুং তুংকোইনা চৎনবা থবকশিংগীদমক কৎথোক্লবা লুপশিংগী শিংথানিঙাই ওইনা মাইপাক্লবশিং খন্নবনা মপুং ওইবা শক্তম ওইখি।

আর.ই.সি লিমিতেদকী মরমদা

আর.ই.সি অসি ভারত সরকারগী পৱার মিনিস্ত্রিগী মখাদা লৈবা মহারত্ন কম্পেনি অমনি অমসুং মসি নন-বেঙ্কিং ফাইনান্স কম্পেনি(এন বি এফ সি), পব্লিক ফাইনান্সিএল ইন্সতিতুসন(পি এফ আই) অমসুং ইনফ্রাস্ত্রকচর ফাইনান্সিং কম্পেনি(আই এফ সি) ওইনা আর.বি.আইদা রেজিস্তার তৌরে। আর.ই.সিনা মৈ পুথোকপা, ত্রান্সমিসন, য়েন্থোকপা, রিনিউএবল ইনর্জি, ইলেক্ত্রিক গারিশিং, বেত্তরি স্তোরেজ, পম্প স্তোরেজ প্রোজেকশিং, গ্রিন হায়দ্রোজেন অমসুং গ্রিন এম্মোনিয়া প্রোজেকশিংদা শেন থাদরি। হন্দক আর.ই.সিনা পৱার ইনফ্রাস্ত্রকচর নত্তবা প্রোজেকশিং হায়বদি লম্বী, এক্সপ্রেসৱেশিং, মেত্রো রেল, এয়রপোর্তশিং, আই.তি কম্মুনিকেসন, সোসিএল অমসুং কম্মর্সিএল ইনফ্রাস্ত্রকচর(মহৈলোয়শিং অমসুং হোস্পিতালশিং), হিথাংফমশিং, স্তিল অমসুং রিফাইনশিংগী ইলেক্ত্রো-মেকানিকেল থবকশিংদা শেন থাদরে। লৈবাক অসিদা ইনফ্রাস্ত্রকচর শেমগৎনবা আর.ই.সি লিমিতেদনা রাজ্য, সেন্ত্রেল অমসুং লনাই কম্পেনিশিংদা লোন পীরি। পৱার সেক্তরদা সরকারগী মাংজিল থারিবা স্কিমশিং পায়খৎপদা আর.ই.সি লিমিতেদনা মরুওইবা থৌদাং অমা লৌরি অমসুং লৈবাক অসিগী খুঙ্গংশিংদা চাদা ১০০ মৈ ফংহনবা অমসুং য়ুমথোং খুদিংদা মৈ ফংহনবদা অচৌবা থৌদাং লৌরিবা প্রধান মন্ত্রী সাহাজ বিজলি হর ঘর য়োজনা, দিন দয়াল উপাধ্যায় গ্রাম জয়তি য়োজনা অমসুং নেসনেল ইলেক্ত্রিসিতি ফন্দ(এন ই এফ)গী নোদেল এজেন্সি ওইনা থবক তৌরি। আর.ই.সিনা অখন্নবা রাজ্য অমসুং য়ু.তি খরদা রিভাম্প দিস্ত্রিবিউসন সেক্তর স্কিম(আর দি এস এস)গী নোদেল এজেন্সি ওইনা থবক তৌরি। আর.ই.সিদা পি.এম সুর্য়া ঘর মুফ বিজলি য়োজনাগী থৌদাংশু পীরে। আর.ই.সিনা লুপা করোর লাখ ৫.০৯ গী লোন পীখ্রে অমসুং মার্চ ৩১,২০২৪ ফাওবদা অপুনবা ওইনা লুপা করোর ৬৮,৭৮৩ গী লোন পীখ্রে।

***