ঙাকশেল মন্ত্রালয়
নোংলৈ-নুংশিৎ রেমাল: আই.সি.জিগা কেন্দ্র অমসুং রাজ্যগী এজেন্সিশিংগা পুন্না থবক তৌমিন্নবদগী নোংচুপ বেঙ্গলগী সমুদ্র মপান্দা মী শিবা নত্ত্রগা লন-থুম অমাং-অতা থোকপদগী কনবা ঙমখিবনি
Posted On:
28 MAY 2024 11:54AM by PIB Imphal
তমথিরবা নোংলৈ-নুংশিৎ রেমাল ওইহল্লকপা ফিবম মাইপাক্না থেংনদুনা কেন্দ্র অমসুং রাজ্যশিংগী এজেন্সিশিংগা পুন্না থবক তৌমিন্নবা খুদম অমা ইন্দিয়ান কোস্ত কার্দনা উৎখ্রে। নোংলৈ-নুংশিৎ অসি মে ২২ দা হৌরকখি অমসুং মে ২৬-মে ২৭ গী লোন্না অহিংদা নোংচুপ বেঙ্গল অমসুং বাংলাদেসকী সমুদ্র মপানশিংদা য়ৌরক্ত্রিঙৈদা অকনবা নোংলৈ নুমিৎ ওইরকখি।
কোস্ত কার্দ রিজন( অৱাং-নোংপোক) গী হেদক্বাতর্সনা অকনবা চেকশিন-থৌরাংশিং লৌখৎখি অমসুং মসিনা মরম ওইদুনা সমুদ্রদা মী শিবা নত্ত্রগা লন-থুম মাঙবা অমতা থোকখিদে অমসুং ফিবম অসি মপুংফানা লাকশিনখি। নোংলৈ নুংশিৎ অসি থুংলবগী ফিবম য়েংলগা, আই.সি.জিনা মপুংফানা য়েংশিন্নবা জহাজশিং অমসুং এয়রক্রাফশিং থমখি অমসুং নোংলৈ-নুংশিৎকী লমদা লৈবা মার্চেন্ত ফ্লিত পুম্নমক শাফগদবা মফমশিংদা থৈদোকখি। হালদিয়া অমসুং পারাদিপতা লৈবা আই.সি.জিগী রিমোত ওপরেতিং স্তেসনশিংদগী মতম চানা চেকশিনৱাশিং লাউথোকখি অমসুং ঙা ফাবা হিশিং অমসুং মার্চেন্ত ভেসেলশিংদা চেকশিনৱা পীখি।
নোংলৈ নুংশিৎ অসি কংফালদা য়ৌরকখ্রবা মতুংদা, মসিনা থোকহনখিবা অমাং-অতাশিং য়েংশিন্নবা আই.সি.জি সিপ বরাদ পরাদিপ ফাওবা হোঞ্জিনখি। মসিগী মথক্তা, ভুবনেশ্বরদগী আই.সি.জি দোরনিয়র এয়রক্রাফ অনি পাইখৎখি অমসুং নোর্থ বে ওফ বেঙ্গলগী শরুক শীনবা থুংনা য়েংশিনখি।
****
(Release ID: 2021923)
Visitor Counter : 38
Read this release in:
English
,
Urdu
,
Hindi
,
Hindi_MP
,
Marathi
,
Bengali
,
Assamese
,
Gujarati
,
Odia
,
Tamil
,
Telugu