তেলিকম্ম্যুনিকেসন বিভাগ (DoT)না গৃহ মন্ত্রালয় (MHA)গা খুৎশম্নদুনা সঞ্চার সাথি থৌরাংগী মখাদা শাশিন্নবা ওইবা য়াবা SMS শিংদগী মীয়াম্বু ঙাকথোক্নবগীদমক অকনবা খোঙথাং লৌখৎখ্রে। ইন্দিয়ন সাইবর ক্রাইম কোওর্দিনেসন সেন্তর (I4C), MHAনা সাইবর ক্রাইম চত্থনবগী শাশিন্নবা ৱারোলশিং থাবদা শীজিন্নবা SMS হেদর নিপান লান্না শীজিন্নবগী মতাংদা ঈ পাউ পীরক্লি।

DoT না লৌখৎখিবা থবকশিং:

1. হৌখিবা থা অহুম্লোম অসিদা হায়রিবা হেদর নিপান অসি শীজিন্নদুনা শাশিন্নবা মেসেজ 10,000 হেন্না থাবা থেংনরে।
2. হায়রিবা SMS হেদর নিপান অসিগী মপু ওইরিবা মরুওইবা এন্তাইতিশিংবু ব্লেক্লিস্ততা থমখ্রে।
3. হায়রিবা প্রিন্সিপাল এন্তাইতীশিং অসিনা মপু ওইবা SMS হেদর 73 অমসুং SMS 1,522 গী কন্তেন্ত তেমপ্লেতশিং অসি ব্লেক্লিস্ত তৌখ্রে।
4. হায়রিবা প্রিন্সিপাল এন্তাইতী, SMS হেদর নৎত্রগা তেমপ্লেতশিং অসি হৌজিক্তি তেলিকোম ওপরেতর অমত্তদা SMS থাবা য়াররোই।

DOTনা হায়রিবা এন্তাইতীশিং অসিবু ব্লেক্লিস্ত তৌদুনা মখা তানা মীয়ামদা অৱাবা তাহনবদগী থিংখ্রে। DOTনা মীয়াম্বু সাইবর ক্রাইমদগী ঙাকথোক্নবগী অচেৎপা ফিরেপ হন্না লৌখ্রে।

মখা তানা তেলিকোম রিসোর্সশিং শীজিন্নদুনা সাইবর ক্রাইম অমসুং ফাইনান্সিএল ফ্রোদ তৌবদগী DOTনা থিংবদা মতেং পাংবীনবা মীয়াম্না শাশিন্নবা ঈ পাউশিংবু সঞ্চার সাথিগী চকশু ফেসিলিতীদা রিপোর্ত তৌবীয়ু।

তেলিমার্কেতিং SMS/কোলশিংগী মরমদা

1. তেলিমার্কেতিংগীদমক মোবাইল নম্বরশিং অথিংবা থম্বাঃ তেলিমার্কেতিংগী থবক তৌনবগীদমক মোবাইল নম্বর শীজিন্নবা হায়বসি অথিংবা লৈ। করিগুম্বা কঞ্জুমর অমনা প্রোমোসনেল মেসেজ থানবগীদমক তেলিফোন কন্নেক্সন শীজিন্নবা তারবদি, মখোয়গী কন্নেক্সন অদু অহানবা কমপ্লেন লাকপদা ককপা য়াই অমসুং মখোয়গী মিং অমসুং লৈফম অদু চহি অনিগী ওইনা ব্লেক্লিস্ত তৌগনি।
2. তেলিমার্কেতিং কোলশিং খঙদোকপাঃ তেলিমার্কেতিং কোলশিং অসি মখোয়গী মমাংদা য়াওরিবা মশীংশিং অদুগী মতুং ইন্না খঙদোকপা য়াইঃ 180, 140, অমসুং 10 দিজিত নম্বরশিং অসি তেলিমার্কেতিংগীদমক শীজিন্নবদা অথিংবা লৈ।
3. স্পাম রিপোর্ত তৌবাঃ স্পাম রিপোর্ত তৌনবগীদমক 1909 দা দাইল তৌবীয়ু নৎত্রগা DND (দু নোত দিস্তর্ব) সর্ভিস শীজিন্নবীয়ু।

***