নমথাক তৌবা মীওইশিংনা ভারতকী মোবাইল নম্বরশিং উৎলগা মালেমগী লৈবাকশিংদগী খদ্রক্কী কোল কয়া ভারতকী মীয়ামদা তৌরক্তুনা সাইবর ক্রাইমশিং চৎথবা অমসুং শেন-থুমগী নমথাক তৌবগী পাউ কয়া লৈরে। হায়রিবা কোলশিং অসি ভারত মনুংদগী তৌরকপা মানগনি অমসুং কোল্লিং লাইন আইদেন্তি(সি এল আই) শেমদোক্লগা মপান লৈবাকশিংদগী সাইবর-ক্রিমিনেলশিংনা তৌরকপা কোলশিংনি। অসিগুম্বা খদ্রক্কী কোলশিং অসি হন্দক ফেক দিজিতেল এরেস্তশিং, ফেদএক্স স্কামশিং, দ্রগ/নার্কোতিক্সশিং পুবা, সরকারগী অমসুং পুলিস ওফিসিএলশিং শাবা অমসুং দি.ও.তি/ত্রাইনা মোবাইল নম্বরশিং ককথৎপদা শীজিন্নরে।

মরম অদুনা, ভারতকী তেলিকোম সবস্ক্রাইবর অমদগী হেক্তা লাকপা খদ্রক্কী কোলশিং মশক খঙদোক্নবা অমসুং থিংজিন্নবা তেলিকম্মুনিকেসন দিপার্তমেন্ত অমসুং তেলিকোম সর্বিস প্রোভাইদরশিংগী খুৎলায় লৈরে। অসিগুম্বা মালেমগী লৈবাকশিংদগী লাকপা খদ্রক্কী কোলশিং থিংজিন্নবা তেলিকোম সর্বিস প্রোভাইদরশিংদা খঙহনখ্রে।

তেলিকোম দিপার্তমেন্ত পীখিবা য়াথংগী মতুংইন্না ভারতকী লেন্দলাইন নম্বরশিংদগী লাকপা মশক লোৎপা শাশিন্নবা কোলশিং তেলিকোম সর্বিস প্রোভাইদরশিংনা থিংজিনখ্রে।

মীয়াম অশোয়-অঙাম থোকহন্দবা হায়বসি দিজিতেল ইন্দিয়াগী থাদোক্নবা য়াদ্রবা শরুক অমনি অমসুং তেলিকোম শীজিন্নরিবশিং ঙাক-শেন্নবা সঞ্চার সাথি পোর্তেল (https://sancharsaathi.gov.in/) য়ানা থবকশিং দিপার্তমেন্তনা পায়খৎলে।

অসিগুম্বা অফবা থবক কয়া পায়খৎলবসু, অতোপ্পা পাম্বৈশিংগী মতেংনা হৌজিক ফাওবা নমথাক তৌবা মীওই খরদি মাইপাক্লি। অসিগুম্বা কোলশিং লাকপদা, অদোমনা সঞ্চার সাথিদা চাকসু ফেসিলিতিদা পাউ পীদুনা মীওই কয়াগী মতেং পাংবীয়ু।

****