این ٹی پی سی نےاے ٹی ڈی بیسٹ ایوارڈ2024 میں عالمی سطح پر تیسرا رینک حاصل کرکے ایک متاثر کن سنگ میل حاصل کیا ہے، یہ تمام ہندوستانی کمپنیوں میں سب سے اونچی درجہ بندی ہے۔ قابل ذکر بات یہ ہے کہ این ٹی پی سی واحد  پی ایس یو ہے جس نے پچھلے آٹھ برسوں میں سات بار یہ باوقار ایوارڈ حاصل کیا ہے۔ 21 مئی 2024 کو نیو اورلینز، یو ایس اے میں منعقدہ ایک تقریب میں سی جی ایم (اسٹرٹیجک ایچ آر اورٹیلنٹ مینجمنٹ )،پی ٹی پی سی، محترمہ رچنا سنگھ بھل نے یہ اعزاز قبول کیا۔

اے ٹی ڈی بیسٹ ایوارڈز، جو ایسوسی ایشن فار ٹیلنٹ ڈویلپمنٹ (اے ٹی ڈی)،یو ایس اے کے ذریعے قائم کیے گئے ہیں، تعلیم و ترقی (ایل اینڈ ڈی) کے شعبے میں سب سے  باوقاربین الاقوامی اعزازات میں سے ایک ہے۔یہ ان تنظیموں کو اعزاز دیتا ہے جو ٹیلنٹ ڈویلپمنٹ کو ایک اسٹریٹجک کاروباری وسیلے کے طور پر بروئے کار لاتی ہیں اور ملازمین کی ترقی کے موثر طریقوں کے ذریعے انٹرپرائز کی وسیع کامیابی کا مظاہرہ کرتی ہیں۔ کہا جاتا ہے کہ درجہ بندی کا تعین ایک سخت تشخیص اورجائزے کے عمل کے ذریعے کیا جاتا ہے جو اعلیٰ دیانت اور عالمی شہرت کے حامل بین الاقوامی ماہرین کے ذریعے کیا جاتا ہے۔

یہ کامیابی بین الاقوامی سطح پر ایچ آر ڈومین میں این ٹی پی سی کی غیر معمولی کارکردگی کو نمایاں کرتی ہے۔ اے ٹی ڈی بیسٹ ایوارڈ این ٹی پی سی کے شاندارتعلیم و ترقی کے طریقوں اور اس کی عمدگی کی انتھک جستجو کا ثبوت ہے۔کمپنی نے تعلیم و ترقی کی طرف توجہ مرکوز کی ہے، ٹیکنالوجی اور اختراع کو اپنایا ہے، صنعت کے معیارات مرتب کیے ہیں، سیکھنے کے مواقع کو آسان بنایا ہے، اور مسلسل سیکھنے کی ثقافت کو فروغ دیا ہے۔

*********

 (ش ح۔ س ب۔م ش)

U-6990