وزارت دفاع
جوائنٹنس 2.0، جو مسلح افواج میں مشترکہ ثقافت کو فروغ دے رہا ہے، آگے بڑھنے کا راستہ ہے: سی ڈی ایس جنرل انیل چوہان
"تھیٹر کمانڈز، مسلح افواج کو فوجی تیاری اور جنگی لڑائی کے اگلے مدار میں لے جانے کی بنیاد رکھیں گی"
Posted On:
21 MAY 2024 2:29PM by PIB Delhi
دفاعی عملے کے سربراہ (سی ڈی ایس) جنرل انیل چوہان نے تینوں سروسز پر زور دیا ہے کہ وہ مشترکہ آپریشنل ڈھانچے کی تشکیل کی طرف بڑھتے ہوئے ،ایک مشترکہ کلچر بنائیں۔ نئی دہلی میں یو ایس آئی آف انڈیا میں منعقدہ 22ویں میجر جنرل سمیر سنہا میموریل لیکچر کے ایک حصے کے طور پر ’جوائنٹ مین شپ: دی وے اہیڈ‘ کے موقع پر خطاب کرتے ہوئے، سی ڈی ایس نے مسلح افواج میں مشترکہ ثقافت کو ترقی دینے کو جوائنٹنس 2.0 قرار دیا، جو آگے بڑھنے کا راستہ ہے۔
دفاعی عملے کے سربراہ نے کہاکہ جوائنٹنس 1.0 خدمات کے درمیان بہتر رشتہ داری اور اتفاق رائے کے بارے میں تھا اور چونکہ کوئی بڑا فرق نہیں تھا، اس لیے یہ جوائنٹنس کی اگلی سطح کی طرف بڑھنے کی تحریک ہے جو جوائنٹنس 2.0 ہے۔
تینوں خدمات کے الگ کلچر کو تسلیم کرتے ہوئے، سی ڈی ایس نے اس بات پر زور دیا کہ خدمات میں چوتھا کلچر بنانے کی ضرورت ہے۔ دفاعی عملے کے سربراہ نے کہا "مشترکہ ثقافت اگرچہ سروس کے مخصوص کلچر سے مختلف ہے، لیکن ہر سروس کی انفرادیت کا احترام کرنے کی ضرورت ہے۔ ہمیں ہر ایک سروس میں سے بہترین استعمال کرنے کے قابل ہونا چاہیے اور سب سے کم مشترک ڈینومینیٹر کو طے کرنے کے بجائے سب سے زیادہ مشترکہ عنصر کو شامل کرنا چاہیے،" ۔ انہوں نے علامت نگاری کے مختلف اقدامات کا ذکر کیا جن پر مشترکہ ثقافت کو فروغ دینے کے لیے عمل کیا جا رہا ہے، جس میں قومی تقریبات میں سہ فریقی خدمات کی شرکت شامل ہے۔
سی ڈی ایس نے جوائنٹ اور انٹیگریشن کو فنکشنل انٹیگریٹڈ تھیٹر کمانڈز کی تخلیق کے لیے پیشگی شرط قرار دیا اور اس طرح کے کمانڈز کی اہمیت کی وضاحت کی۔ انہوں نے کہا، "اس طرح کے کمانڈز کی تخلیق 'آپریشنل' فنکشنز کو ریز-ٹرین-سسٹین(آر ٹی ایس) اور دیگر انتظامی کاموں سے الگ کر دے گی اور آپریشنل کمانڈر کو سیکورٹی کے معاملات پر زیادہ توجہ دینے کی اجازت دے گی۔"
سی ڈی ایس نے کہا کہ تھیٹر کمانڈ ایک آخری حالت نہیں بلکہ اصلاحات کے اگلے سیٹ کا آغاز ہوگا۔ انہوں نے کہا، انٹیگریٹڈ تھیٹر کمانڈز، واحد سے کثیر ڈومین آپریشنز، اسپیس اور سائبر اسپیس کو روایتی ڈومینز میں شامل کرنے، میدان جنگ کی معلومات اور ویژولائزیشن کی ڈیجیٹائزیشن، نیٹ مرکوز سے اعدادوشمار پر مرکوز جیسی بہت سی اصلاحات کا باعث بنے گی۔
اس بات پر زور دیتے ہوئے کہ ہندوستانی دفاعی ماحولیاتی نظام میں اصلاحات کی ضرورت ہے، سی ڈی ایس نے کہا، پوری دنیا میں قومی ریاستیں چیلنجوں کے ایک نئے سیٹ کا سامنا کر رہی ہیں،اور عالمی نظام میں موجودہ بہاؤ اقوام کو اپنی حفاظتی حکمت عملیوں پر نظرثانی کرنے پر مجبور کر رہا ہے۔ انہوں نے مزید کہا کہ ٹیکنالوجی کا تیز اور بے لگام مارچ، مستقبل کی جنگوں کے لڑنے کے طریقے کو بدل رہا ہے۔
******
(ش ح –ا ع- ر ا)
U. No.6979
(Release ID: 2021233)
Visitor Counter : 45