Ban pyndap ia ka jingdonkam bording ha ki bnai Iaiong, Jymmang and Jylliew 2024, ka Sorkar India ka la shim ia kine ki sienjam kum ka jingpynkhreh lypa.

• Ki jingbthah Section 11 ia ki Imported-Coal-Based Power Plant, ban pynthikna ka jingpynbiang ia ka jinglah pynmih bording kaba bun tam
• Ia ki jingpynkhreh ban maramot ia ki Power Plant la pynjlan noh sha ka por slap
• Ka jingpynduna ia ki jingpynlip bording na ki jaka pynmih bording thermal
• Ka jingkhyllie im biang ia ki jaka pynmih bording thermal kiba la shu sah kumto
• Ka jingai jingmut ia ki kompani pynmih bording (Jong ka Sorkar Pdeng, Sorkar Jylla bad ki Briew bad Kynhun Shimet) ba kin pynthikna ka jingiad ryntih ki jaka pynmih bording jong ki
• Ka jingpynbun ka jingpynmih bording hydro
• La bthah ia ki jaka pynmih bording ba kin tyrwa die ia ka bording kaba tam ha ka Energy Exchange

Lyngba kine ki sienjam, ngi la lah ban pyndap ia ka jingdonkam 224 GW kaba long kaba bun tam ha u Iaiong 2024.

Shuh shuh, ka Sorkar ka la shim ia kine ki sienjam harum ban pyndap ia ka jingdonkam ia ka bording ha u bnai Jymmang bad Jylliew, ia kaba la antad ban long 235 GW ha kaba bun tam ha ka por ba dang shai bad 225 GW ha ka por janmiet na ka bynta u Jymmang, bad ka 240 GW ha kaba bun tam ha ka por ba dang shai bad 235 GW ha ka por janmiet na ka bynta u Jylliew 2024.

• Kaba iasyriem kumba la leh ia ki Imported-Coal-based power plant, la ai jingbthah Section 11 sha ki jaka pynmih bording na ka gas. Kane ka la pynbiang shuh shuh sa 6 GW na ka bynta ki bnai Jymmang bad Jylliew, ha ryngkat ka 10 GW kaba la don lypa.
• Ka jingpynbun ka jingpynmih bording hydro ka la pynbiang sa 4 GW na ka bynta ki jingdonkam ha ki bnai Jymmang bad Jylliew.
• Shuh shuh, ka jingpynkynriah ia ka por ban maramot bad ka jingpynduna ia ka jingpynlip bording na ki jaka pynmih bording thermal ka la pynbiang sa 5 GW na ka bynta ka por shit.
• Shuh shuh, haba ianujor bad u bnai Iaiong, la khmih lynti ba ka bording kaba la pynmih na ki tyllong lyer kan kiew da 4 GW haduh 5 GW ha u Jymmang bad Jylliew.

Kumta, lyngba kine ki sienjam bad ka jinglong jingman mynta ha kaba iadei bad ka jinglah pynmih bording bad ruh ka jingantad ia ka por slap kaba kham bha ha kine ki bnai ban wan kumba la batai da ka IMD, la khmih lynti ba yn lah ban pyndap ia ka jingdonkam bording ha ka por ba dang shai bad ka por mynmiet ha ka por shit naduh u Jymmang haduh Jylliew 2024.

Pule shuh shuh:

Ki sienjam jong ka Sorkar ban pyndap ia ka jingdonkam bording ha ka por shit ha ka ri

• Shim ka Sorkar ia ki sienjam ban pynbun ka jingpynmih bording na ki tyllong gas ban pyndap ia ka jingdonkam bording ha ka por shit

***