বোর্দর রোদস ওর্গনাইজেসন (BRO)না মে 07, 2024দা মাগী 65শুবা রাইজিং দে পালন তৌরি। নুমিৎ  অসি পালন তৌনবা নই দিল্লীদা থৌরম অমা পাঙথোকখি, মসিদা দিফেন্স সেক্রেতরী শ্রী গিরিধার অরামানেনা থৌরম মপু ওইখি। মহাক্কী ৱারোলদা দিফেন্স সেক্রেতরীনা BROনা খুদোংচাদ্রবা মফম অমদি নোংজু-নুংশাগী চাউনা শীংনবা লৈবা মফমশিংদা মাগী থৌদাং মাইপাক্না পাঙথোকপগীদমক থাগৎপা ফোঙদোকখি। মহাক্না  BRO অসি য়াম্না মরু ওইবা ওর্গনাইজেসন অমনি হায়খি, ঙমখৈগী মফমশিংদা পাইখৎপা মাগী ইনফ্রাস্ত্রকচর প্রোজেক্তশিংনা মনুং হঞ্জিনবা মফমশিংদা সোসিও-ইকনোমিক খুমাং চাউশিনবা ঙমহনবতা নত্তনা লৈবাক্কী ঙাকশেলদা মরু ওইবা থৌদাং লৌরি।

শ্রী গিরিধার অরামানেনা BROনা অকক্নবা মতমগী মনুংদা প্রোজেক্তশিং লোইশিনবা অসিগীদমক শীংথাখি, থাজবা ফোঙদোক্লদুনা মহাক্না হায় কর্ময়োগীশিংনা অতেনবা মতমগী মনুংদা বোর্দর ইনফ্রাস্ত্রকচর দিবেলপমেন্ত মখা তানা তৌবা ঙমহনগনি। মহাক্না BROদা মীওইবগী অৱাবা হন্থহন্দুনা অমসুং হেন্না ইফিসিএন্ত ওইনা শিজিন্নবা য়াহন্দুনা প্রোজেক্তশিং খোঙজেল য়াংনা লোইশিনবদা খ্বাইদগী নৌবা তেক্নোলোজী অমসুং তেক্নিকশিং শিজিন্নবা হায়খি। তুংলমচৎতা ওতোমেসন অমসুং মেকানাইজেসন্না BROগী য়ুম্বি ওইরগনি, হায়না মহাক্না  ফোঙদোকখি।

দিফেন্স সেক্রেতরীনা সিল্ক্যারা তনেল নীংখাইবা অমসুং সিক্কিমগী ঈচাওদা তেংবাং পীবা অমসুং মী কনবগী খোঙথাংশিংদা BROগী পর্সনেলনা চাউনা শরুক তমখিবা অদু নীংশিংখি। মহাক্না হায়খি ওর্গনাইজেসন অসিনা খনগৎলবা ঙমখৈগী খুঙ্গংশিংগী কমপ্রিহেন্সিব দিবেলপমেন্ত তৌনবা পান্দম থম্মিবা ভাইব্রেন্ত ভিলেজেস প্রোগ্রামদা মরু ওইবা থৌদাং লৌগনি হায়খি।

থৌরম অদুদা ৱা ঙাংলদুনা বোর্দ রোদসকী দিরেক্তে জেনরেল, লেফতনেন্ত জেনরেল রঘু শ্রিনিবাসন্না BROগী রেঙ্ক পুম্নমক্তা য়াইফ পাউজেল পীখি। মহাক্না হায়খি মদুদি BROগী পান-ইন্দিয়া প্রজেন্স অসিনা নেস্নেল সেক্যুরিতী, কন্নেক্তিবিতী অমসুং দিবেলপমেন্তদা মাগী দিরেপ অদু তাক্লি। মহাক্না মখা তাখি মদুদি তেগলাইন ‘ইন দি সাইলেন্স ওফ আৱর গ্রেৎ মাউন্তেন – ৱার্কস স্পীক্স’না ওর্গনাইজেসনগী কত্থোকপা, অখাং কনবা অমসুং লৈবাক্কী মনুং হঞ্জিনবা মফমশিংদা লৈরিবা মীওইশিংগী পুন্সিদা কান্নবা পীবগী মরমদা ফোঙদোক্লি। মহাক্না রেঙ্ক পুম্নমক্না ‘কন্নেক্তিং প্লেসেস কন্নেক্তিং পিপল’গী ৱাশক অসি মখাতানা ঙাক্তুনা চাউখৎপা, নুংঙাই য়াইফবা  অমসুং অপুনবগী শক্তমগী তুং কোইবা লেগেসী অমা থম্বা ঙম্নবা হায়খি।

থৌরম অদুদা সেলা তনেলগী কম্পেন্দিয়ম অমা অমসুং 'ওনচিন সাদকেন', 'পথ প্রদারশক' অমসুং 'পথ বিকাস' য়াওনা লাইরিক খরা দিফেন্স সেক্রেতরীনা ফোঙখি। মহাক্না BROগী পর্সনেলশিংদা চহি 2023-24গীদমক এক্সিলেন্স এৱার্দশিং পীখি অমসুং ওর্গনাইজেসন অসিগী নুপী এচিবরশিংবু থাগৎপা ফোঙদোকখি। সেলা তনেল, সিক্কিমগী ঈশিং-ঈচাউগী মতমদা তোঙান তোঙানবা প্রোজেক্তশিংদা থবক তৌখিবা কেজুএল পেদ লেবরশিংসু থাগৎপা ফোঙদোকখি।

1960দা প্রোজেক্ত অনি খক্তমক - নোংপোক্কী প্রোজেক্ত তস্কর (হৌজিক্তি ৱার্তাক) অমসুং অৱাংথংবা প্রোজেক্ত বেকনগা লোয়ননা হৌদোকখিবা BROনা ঙসিদি রাজ্য 11 অমসুং য়ুনিয়ন তেরিতোরী অহুমদা প্রোজেক্ত 18 পাইখৎতুনা শিংথানীংঙাই ওইবা ওর্গনাইজেসন অমা ওইরে। হৌজিক্তি মসিনা অৱাংবা মফমশিং অমসুং খুদোংচাদবা উন্না কুপ্প মফমশিংদা ইনফ্রাস্ত্রকচর কন্সত্রক্সন এজেন্সীগী মকোক থোংবা অমা ওইনা মাগী ক্রেদেন্সিএলশিং অদু শেমগৎখি।

BROনা অৱাংথংবা অমসুং নোংচুপথংবা ঙমখৈদা 9,000 ফিৎতগী 19,000 ফিৎ ফাওবা ৱাংবা মফমদা লম্বী শেমগৎপা অমসুং শেমগৎ-শাগৎপগী থবকশিং পাইখৎলি। মরুওইনা মসিনা আর্মদ ফোর্সেসকী স্ত্রাতেজিক ওইবা মথৌ তাবশিং ফংহল্লি। চহী তরাগী খুজিং তরুক অসিদা, মসিনা ভারতকী ঙমখৈদা অমসুং ভুতান, ম্যান্মার, অফগানিস্তান অমসুং তাজিকিস্তান য়াওনা মরুপ ‌ওইরিবা লৈবাকশিংদা, খুদোংচাদ্রবা ক্লাইমেৎকী অমসুং জিওগ্রাফীগী ফিভমশিংদা, কিলোমীতর 62,214গী লম্বীশিং, থোং 1,005, তনেল তরেৎ অমসুং এয়রফিল্দ 21 শাখ্রে। মসিনা লৈবাক অসিগী স্ত্রেতেজিক ওইবা পান্দমশিংদা মতেং পাংলি।

2023-24দা, BROনা লুপা করোর 3,611 গী ইনফ্রাস্ত্রকচর প্রোজেক্ত 125 মপুং ফানা লোইশিনখি। মসিগী মনুংদা অরুনাচল প্রদেশকী বালিপারা-চার্দৱার-তৱাং লম্বীদা সেলা তনেল শাবসু য়াওরি। প্রধান মন্ত্রী শ্রী নরেন্দ্র মোদীনা ঙরাং ইতানগরদগী তনেল অসি জাতিদা ভর্চুএল ওইনা কত্থোকখ্রে। 125না অথুবা মতমদা কিলোমিতর 4.10শাংবা শিনকুন লা তনেল শাবগী থবক হৌরগনি। লোইরবা মতুংদা, তনেল অসিনা মালেমগী খ্বাইদগী ৱাংবা তনেল ওইগনি। মসিগী অৱাংবা অসি ফিৎ 15,800 ওইগনি। মসিনা চীনাগী মিলা তনেলবু ফিৎ 15,590দা বাইপাস তৌগনি।

BRO না মরুওইবা এয়রফিল্দ প্রোজেক্ত অনি হায়বদি বাগদোগ্রা অমসুং বরাকপোর লোইশিনবা ঙমখ্রে। মসিনা মাগী মাইপাকপগী খোঙচৎতা অতোপ্পা মাইলস্তোন অমা ওইখি। হন্দক্তা ঙাকশেল মন্ত্রী শ্রী রাজনাথ সিংহনা মুধ এয়রফিল্দ প্রোজেক্ত উরেপ-উয়ুং তমখি। BROনা শুপ্নগী ৱার্কিং সিজন অনিদা প্রোজেক্ত অসি লোইশিন্নবা পান্দম থম্মি।

হৌখিবা চহি খরা অসিদা, BROনা শক্তি অমসুং ইম্পেক্তকী মতাংদা চাউনা খুমাং চাউশিল্লকপগা লোয়ননা বজেৎকী শেল থাদবগী চাং য়াম্না হেনগৎলক্লি। অহেনবা বজেৎ সপোর্ত অসিনা ওর্গনাইজেসন অসিবু মরুওইবা প্রোজেক্তশিং পাইখৎনবা, মরুওইবা ইনফ্রাস্ত্রকচর দিবেলপমেন্ত খোঙজেল য়াংখৎনবা অমসুং মাগী ওপরেস্নেল রেদিনেস হেনগৎহন্নবা শক্তি পীরি।

BROনা নুপীশিংবু মরুওইবা থৌদাং অমসুং খুদোংচাবশিং পীদুনা জেন্দর ইক্বেলিতী অমসুং ইনক্লুসিবিতী প্রমোৎ তৌবদা মাংজিল থারি। কর্নেল পোনুং দোমিংগুম্বা ওফিসরশিংনা নোংপোক লদাখতা মরু ওইবা প্রোজেক্তশিং লুচিংলি। সেলা তনেল প্রোজেক্ত মাই পাক্না লোইশিনবদা এসিস্তেন্ত একজিক্যুতিব ইঞ্জিনীয়র (সিভিল) শ্রীমতি নিকিতা চৌধরীনা মরু ওইবা থৌদাং লৌখি।

*****