ভারতকী রাস্ত্রপতি, শ্রীমতি দ্রৌপদি মুর্মুনা ঙসি (মে 6, 2024) ধরমশালাদা লৈবা সেন্ত্রেল য়ুনিভর্সিতী ওফ হিমাচল প্রদেশকী 7শুবা কনভোকেসনদা শরুক য়াখ্রে অমসুং ৱা ঙাংখ্রে।

থৌরম অসিদা ৱা ঙাংলদুনা রাস্ত্রপতিনা হায়খি মদুদি অহোংবা অসি মহৌশাগী কাংলোন্নি। অদুবু অহোংবগী খোঙজেল অসি মমাংঙৈদদি য়াম্না য়াংশিল্লখিদে। ঙসি ঐখোয়না 4শুবা ইন্দস্ত্রিএল রিভোল্যুসনগী চহিচাদা হিংলি। আর্তিফিসিএল ইন্তেলিজেন্স, মেছিন লর্নিংগুম্বা অনৌবা লমশিং থোরক্লি। অহোংবগী খোঙজেল অমসুং চাং অনিমক অসি য়াম্না ৱাংলি মসিনা মরম ওইদুনা তেক্নোলোজী অমসুং মথৌ তাবা স্কিলশিং য়াম্না থুনা হোংলক্লি। 21শুবা চহিচা হৌরকপা মতমদা কনাগুম্বনা মথংগী চহি 20 নত্ত্রগা 25 অসিদা করম্বা মখলগী স্কিলশিং মথৌ তাগনি কনানসু খঙখিদে। মরম অসিনা ঐখোয়না অনৌবা স্কিলশিং লেপ্পা লৈতনা এদোপ্ত তৌবা তাই। ঐখোয়না ফ্লেক্সিবল মাইন্দ দিবেলপ তৌবদা মীৎয়েং চংগদবনি অসুম তৌবনা হৌরক্লিবা মীরোলনা খোঙজেল য়াংনা হোংলক্লিবা অসিগী খোঙলোইগী মতুং ইন্না চৎপা ঙমগনি। ঐখোয়না মহৈরোয়শিংদা ক্যুরোসিতী মপাঙ্গল কনখৎপা তাই অমসুং 21শুবা চহিচাগী শীংনবশিং মায়োক্ননবা মখোয়বু শেমশাদুনা থম্বা তাই।

ওজাশিংদা ৱা ঙাংলদুনা রাস্ত্রপতিনা হায়খি মদুদি এজুকেসন অসি মহৈরোয়শিং তাকপী-তম্বীবগা লোয়ননা মখোয়বু মরোমদোম লেপচবা ঙম্বা অমসুং মখোয়গী করেক্তর অমদি পর্সনেলিতী শেমগৎপসু ওইগদবনি। এজুকেসনগী পান্দমদি মহৈরোয়শিংগী মরক্তা মখোয়গী কলচর, নাৎ অমসুং সভ্যতাগী মতাংদা এৱের্নেস পীবনি। মহাক্না হীরম অসিদা ওজাশিংগী থৌদাং য়াম্না চাউই হায়না ফোঙদোকখি। মখোয়গী থবক্কী স্কোপ অসি মহৈ তম্বীবা খক্তা নত্তে মখোয়না লৈবাক্কী তুংলমচৎ শেমগৎপগী অচৌবা থৌদাং লৈ হায়খি।

রাস্ত্রপতিনা হায়খি মদুদি ঐখোয়না ‘করি তমগনি’ লোয়ননা ‘করম্না তমগনি’ হায়বা অসিদা মীৎয়েং চংগদবনি। মহাক্না হায়খি মদুদি মহৈরোয়শিংনা মরোমদোম স্ত্রেস য়াওদনা মহৈ তম্লবা মতমদা মখোয়গী ক্রিএতিবিতী অমসুং ইমেজিনেসন থোরক্কনি। হীরম অসিদা মখোয়না এজুকেসন অসি হিংনবগী সিনোনিম অমা ওইনা লৌদে। মসিগী মহুৎ মখোয়না ইন্নোভেৎ তৌই, সমস্যাশিংগী ৱারোইশিনশিং থিদোকই অমসুং খঙনীংবগা লোয়ননা তমশিল্লি।

মহৈরোয়শিংদা ৱা ঙাংলদুনা রাস্ত্রপতিনা হায়খি মদুদি মীওই খুদিংমক্তা অফবা অমসুং ফত্তবা অনিমক্কী পোতেন্সিএল লৈ। মহাক্না মখোয়ননা ফীভমনা ফনা লুরবসু মখোয় মশাদা ফত্তবনা নমহৎপা ঙমহল্লোইদবনি হায়বা কাউরোইদবনি হায়না পাউতাক পীখি। মখোয়না অফবগী মাইকৈদা মতম চুপ্পদা লেপকদবনি। মখোয়দা মহাক্না মীনুংশিং লৈবা, মথৌ নীংথিনা তৌনীংবা অমসুং সেন্সিতিভিতীগুম্বা মীওইবগী কুনশিং অসি চেন্নবা হায়খি। মহাক্না হায়খি ভেল্যুশিং অসিদা য়ুম্ফম ওইরগা কনাগুম্বা অমনা মাইপাক্না অমসুং মগুন লৈবা পুন্সি অমা হিংবা ঙমগনি।

রাস্ত্রপতিনা নহারোলশিংদা গ্রোথ লৈনবা চাউনবা পোতেন্সিএল লৈনবা হায়খি। মখোয় অসি চাউখৎপা ভারত অমগী ফিরেপ থুংহন্নবা খ্বাইদগী মরু ওইবা লিঙ্কনি। মরম অসিনা মখোয়না লৈবাক্কীদমক মখোয় মশাবু কত্থোক্কদবনি। মসি মখোয়গী হ্যুমেন, সোসিএল অমসুং মোরেল দ্যুতী খক্তা নত্তে মসি প্রজা অমা ওইনা মখোয়গী থৌদাংসু ওইরি।

রাস্ত্রপতিগী মপুং ফাবা ৱারোলগীদমক মসিদা নম্বীয়ু -

***