ঙাকশেল সেক্রেতরী শ্রী গিরিধার অরামানে অমসুং সেক্রেতরী জেনরেল দিফেন্স মন্ত্রালয়, ইন্দোনেসিয়া, এয়র মার্শল দোন্নী অর্মাৱান তৌফান্তো, এম.দি.এস.না ৭শুবা ভারত-ইন্দোনেসিয়া জোইন্ত দিফেন্স কোওপরেসন কম্মিতী (জে.দি.সি.সি.) মীফম নই দিল্লীদা মে ০৩, ২০২৪দা পাঙথোকখ্রে। মীফম অদুগী মনুংদা, নাকল অনিমক্না লৈবাক অনিগী মরক্তা ঙাকশেলগী তেংবাং হেন্না পীননবগী থৌরাংদা অপেনবা ফোংদোক্নখি। ঙাকশেলগী তেংবাং অমসুং ঙাকশেলগী ইন্দস্ত্রীজ কোওপরেসনগী ৱার্কিং গ্রুপকী মীফম অদুদা পুখৎনখিবা তোঙান-তোঙানবা লৈবাক অনিগী ঙাকশেলগী তেংবাংগী থৌরাংশিংসু কো-চীয়রশিংনা হন্না য়েংশিনখি।

মসিগী মথক্তা, মীথুংলেনশিং অদুনা ঙাকশেলগী ইন্দস্ত্রীগী মরী, শমুদ্রগী সেক্যুরিতী অমসুং তোঙান-তোঙানবা তেংবাংশিংগী মরমদা লৈনরিবা মরী অসিবু হেন্না পাকথোক চাউথোকহন্নবগী মতাংদা খন্নখি।

উন্নবা অদুদা, সেক্রেতরী জেনরেলনা নই দিল্লীদা লৈবা দি.আর.দি.ও. হেদক্বার্তর অমসুং তাতা এদভান্স সিস্তেম অমসুং এল.এন্দ তি দিফেন্স ফেসিলিতী পুনেদা চৎখি। মহাক্না অতোপ্পা ভারতকী ঙাকশেলগী ইন্দস্ত্রী পার্তনর হায়বদি ভারত ফোর্জ, মহিন্দ্রা দিফেন্স অমসুং মজাগোন দোক শিপবিল্দর লিমিতেদ্কা ৱারী শানখি অমসুং রিসর্চ অমসুং জোইন্ত প্রদক্সন্দা মরী পীনদুনা ঙাকশেলগী ইন্দস্ত্রীগী শক্তিদা হেনগৎহন্নবা লম্বীশিং খন্নখি। মহাক্না চীফ ওব দিফেন্স স্তাফ জেনরেল অনিল চৌহনগসু খোঙচৎ অদুগী মনুংদা উন্নখি।

সেক্রেতরী জেনরেল অসি ভারত্তা মে ০২-০৪-২০২৪দগী লাকখিবনি। মহাক্না নেসনেল ৱার মেমোরিএল নৈ দিল্লীদা লৈ কত্তুনা ইকাই খুম্নবা উৎখি।

ভারত অমসুং ইন্দোনেসিয়ানা মপুং ওইবা স্ত্রেতেজিক পার্তনরশিপ অমা লৈনরি অমসুং ইন্দো পেসিফিক্তা মান্নবা মঙলান অমা শাগৎমিন্নরি। হৌজিক্কী মতমদা, অসিগুম্বা মরী অসি নক্ননা লৈবাক অনিগী মরক্তা মরী শাগৎপা অমসুং তোইনা অৱাংবা থাক্কী ৱারী শানবনা লেপ্পী। ইন্দোনেসিয়া অসি ভারতকী এক্ত ইস্ত পোলিসী অমসুং ইন্দো পেসিফিক লমদমগী মরুওইবা মপাং অমা ওইরি। 

***************