মার্চ 2024গী মিনরেল প্রদক্সনগী ইন্দেক্ত অসি 156.1 ওইখি মসি মার্চ 2023গী লৈখিবা লেবেলগা চাংদম্নবদা 1.2% হেন্না ৱাংখি। অপুনবা FY 2023-24গী ইন্দেক্স সি FY 2022-23দা 7.5% হেনগৎলকখি। মার্চ 2024 মনুংদা মমাং চহিগী চপ মান্নবা থা অসিগা চাংদম্নবদা পোজিতিন গ্রোথ উৎখিবা নন-ফ্যুএল মিনরেল খরা অদুদি কোপ্পর কনসেন্ত্রেৎ, গোল্দ, মেঙ্গানিজ ওর, দাইমন্দ, গ্রাফাইৎ, ক্যানাইৎ, সিল্লিমেনাইৎ, লাইমশেল, লাইমস্তোন, মেগনেসাইৎ অসিনচিংবনি।

আইরন ওর অমসুং লাইমস্তোন্না পুন্না MCDRগী অপুনবা মিনরেল প্রদক্সনগী ভেল্যুগী 80%গী চাংদা লৈ। লৈবাক অসিদা মরুওইবা মিনরেলশিং পুথোকপা অসি প্রোবিজনেলগী মশিংগী মতুং ইন্না FY 2023-24 দা য়াম্না হেনগৎলক্লি। FY 2023-24দা আইরন ওরগী পুথোকপা অসি 277 মেত্রিক তন মিলিয়ন (MMT) ওইদুনা, FY 2022-23দা পুথোকখিবা 258 MMTগী রেকোর্দ অদু 7.4% হেনগৎতুনা থুগাইখ্রে। চপ মান্নবা ত্রেন্দ অমা উৎলদুনা, লাইমস্তোন পুথোকপা অসি FY 2022-23দা পুথোকখিবা 406.5 MMTগী রেকোর্দ অদুদগী হেনখ্রে। মসি FY 2023-24দা 450 MMTদা 10.7% হেনগৎখ্রে। 

নন-ফেরস মেতল সেক্তরগী ওইনা FY 2023-24দা প্রাইমারি এলুমিনিয়ম মেতল পুথোকপা অসি FY 2022-23গী প্রদক্সন রেকোর্দ থুগাইখি। প্রাইমারি এলুমিনিয়ম প্রদক্সন অসি FY 2022-23দা 40.74 লাখ তন (LT) ওইরম্বদগী FY 2023-24দা 41.59 LT ওইদুনা 2.1%গী গ্রোথ রেৎ লৈখি।

ভারত অসি মালেমগী অনিশুবা খ্বাইদগী চাউবা এলুমিনিয়ম পুথোকপা লৈবাক, অহুমশুবা খ্বাইদগী চাউবা লাইম পুথোকপা লৈবাক অমসুং মরিশুবা খ্বাইদগী চাউবা আইরন ওর পুথোকপা লৈবাক ওইরি। FY 2023-24দা আইরন ওর অমসুং লাইমস্তোনগী পুথোকপদা হেনগৎলকপা অসিনা য়ুজর ইন্দস্ত্রীশিং হায়বদি স্তীল অমসুং সিমেন্তদা মপাঙ্গল কনবা দিমান্দগী ফিভম উৎলি। এলুমিনিয়মদা অৱাংবা চাংদা হেনগৎলকপগা লোয়ননা, হেনগৎলকপগী ত্রেন্দশিং অসিনা ইনর্জী, ইনফ্রাস্ত্রকচর, কন্সত্রক্সন, ওতোমোতিব অমসুং মেছিনরীগুম্বা শীজিন্নরিবা সেক্তরশিংদা মপাঙ্গল লৈবা শেন্মিৎলোনগী থৌওং লাক্কনি তাক্লি।

****