ନିର୍ବାଚନ ଆୟୋଗ
ସର୍ଭେ ଆଳରେ ନିର୍ବାଚନ ପରବର୍ତ୍ତୀ ହିତାଧିକାରୀ ଭିତ୍ତିକ ଯୋଜନାରେ ଭୋଟରଙ୍କ ପଞ୍ଜୀକରଣ/ନାମାଙ୍କନ ବନ୍ଦ କରିବାକୁ ସମସ୍ତ ରାଜନୈତିକ ଦଳକୁ ନିର୍ଦ୍ଦେଶ ଦେଲେ ନିର୍ବାଚନ କମିଶନ
ଏପରି କାର୍ଯ୍ୟ ମତଦାତାଙ୍କୁ ମତଦାନ ପାଇଁ ପ୍ରଲୋଭିତ କରିବା ଏବଂ ଲାଞ୍ଚ/ଭ୍ରଷ୍ଟ ଆଚରଣ ସଦୃଶ: ଆୟୋଗ
Posted On:
02 MAY 2024 5:34PM by PIB Bhubaneshwar
ରାଜନୈତିକ ଦଳ ଓ ପ୍ରାର୍ଥୀମାନେ ସେମାନଙ୍କ ପ୍ରସ୍ତାବିତ ହିତାଧିକାରୀ ଯୋଜନା ପାଇଁ ବିଭିନ୍ନ ସର୍ଭେ ଆଳରେ ଭୋଟରଙ୍କ ବିବରଣୀ ମାଗିବା ଘଟଣାକୁ ନିର୍ବାଚନ ଆୟୋଗ ଗମ୍ଭୀରତାର ସହ ନେଇଛନ୍ତି। ଏପରି କାର୍ଯ୍ୟ ଜନପ୍ରତିନିଧି ଆଇନ, ୧୯୫୧ର ଧାରା ୧୨୩(୧) ଅନୁଯାୟୀ ଲାଞ୍ଚ ନେବା ସହ ଜଡ଼ିତ ଦୁର୍ନୀତି ଆଚରଣ ବୋଲି ନିର୍ବାଚନ ଆୟୋଗ କହିଛନ୍ତି । ନିର୍ବାଚନ ଆୟୋଗଙ୍କ ପକ୍ଷରୁ ଉଲ୍ଲେଖ କରାଯାଇଛି ଯେ, "କେତେକ ରାଜନୈତିକ ଦଳ ଏବଂ ପ୍ରାର୍ଥୀ ମାନେ ନିର୍ବାଚନ ପରବର୍ତ୍ତୀ ହିତାଧିକାରୀ ଭିତ୍ତିକ ଯୋଜନା ପାଇଁ ବ୍ୟକ୍ତିବିଶେଷଙ୍କୁ ପଞ୍ଜୀକୃତ କରିବା ପାଇଁ ବୈଧ ସର୍ବେକ୍ଷଣ ଏବଂ ଦଳଗତ ପ୍ରୟାସ ମଧ୍ୟରେ ଥିବା ସୀମାକୁ ଲଂଘନ କରୁଥିବା ଭଳି କାର୍ଯ୍ୟକଳାପରେ ନିୟୋଜିତ ହେଉଛନ୍ତି।’’
ଚଳିତ ସାଧାରଣ ନିର୍ବାଚନ ୨୦୨୪ରେ ବିଭିନ୍ନ ଉଦାହରଣ ଦେଖି ଆୟୋଗ ଆଜି ଏକ ମାର୍ଗଦର୍ଶିକା ଜାରି କରିଛନ୍ତି (ଲିଙ୍କ:https://www.eci.gov.in/eci-backend/public/api/download?url=LMAhAK6sOPBp%2FNFF0iRfXbEB1EVSLT41NNLRjYNJJP1KivrUxbfqkDatmHy12e%2FztfbUTpXSxLP8g7dpVrk7%2FRgJnWIFoi%2FHESbtsL%2FSFvsIWBm5CVW8P%2FiquKm95vYSdOFtn933icz0MOeiesxvsQ%3D%3D । ଏହି ମାର୍ଗଦର୍ଶିକାରେ ସମସ୍ତ ଜାତୀୟ ଓ ରାଜ୍ୟ ରାଜନୈତିକ ଦଳମାନଙ୍କୁ ଯେକୌଣସି ବିଜ୍ଞାପନ/ ସର୍ଭେ/ଆପ୍ ଜରିଆରେ ନିର୍ବାଚନ ପରବର୍ତ୍ତୀ ହିତାଧିକାରୀ ଭିତ୍ତିକ ଯୋଜନା ପାଇଁ ପଞ୍ଜୀକରଣ କରିବା ଭଳି କୌଣସି କାର୍ଯ୍ୟକଳାପକୁ ତୁରନ୍ତ ବନ୍ଦ କରିବାକୁ ଏବଂ ଏଥିରୁ ଦୂରେଇ ରହିବାକୁ କୁହାଯାଇଛି।
ନିର୍ବାଚନ ପରବର୍ତ୍ତୀ ଫାଇଦା ପାଇଁ ପଞ୍ଜୀକରଣ କରିବା ପାଇଁ ବ୍ୟକ୍ତିଗତ ଭାବେ ଭୋଟରଙ୍କୁ ଆମନ୍ତ୍ରଣ/ଆହ୍ୱାନ ଦେବା କାର୍ଯ୍ୟ ମତଦାତା ଓ ପ୍ରସ୍ତାବିତ ଲାଭ ମଧ୍ୟରେ ଆପୋସ କାରବାର ସମ୍ପର୍କ ଆବଶ୍ୟକତା ବିଷୟରେ ଏକ ଧାରଣା ସୃଷ୍ଟି କରିପାରେ। ଏହା ଏକ ନିର୍ଦ୍ଦିଷ୍ଟ ଉପାୟରେ ମତଦାନ ପାଇଁ ଏକ ନିର୍ଦ୍ଦିଷ୍ଟ ବ୍ୟବସ୍ଥା ସୃଷ୍ଟି କରିବାର ସମ୍ଭାବନା ରହିଛି ଯାହାଦ୍ୱାରା ପ୍ରଲୋଭନ ସୃଷ୍ଟି ହେବାର ସମ୍ଭାବନା ରହିଛି ବୋଲି ଆୟୋଗ କହିଛନ୍ତି।
ସାମାନ୍ୟ ଏବଂ ସାଧାରଣ ନିର୍ବାଚନୀ ପ୍ରତିଶ୍ରୁତି ଅନୁମତି ପ୍ରଦାନ କରାଯିବା ପରିସରରେ ଆସୁଛି ବୋଲି ଆୟୋଗ ସ୍ୱୀକାର କରିଛନ୍ତି । ନିମ୍ନ ସାରଣୀରେ ଉଲ୍ଲେଖ କରାଯାଇଥିବା ଏଭଳି କାର୍ଯ୍ୟକଳାପ ଗୁଡ଼ିକ ବୈଧ ସର୍ବେକ୍ଷଣ କାର୍ଯ୍ୟକଳାପ କିମ୍ବା ସମ୍ଭାବ୍ୟ ବ୍ୟକ୍ତିଗତ ଲାଭ ସମ୍ବନ୍ଧୀୟ ସରକାରୀ କାର୍ଯ୍ୟକ୍ରମ ଅଥବା ଦଳୀୟ ଏଜେଣ୍ଡା ବିଷୟରେ ସୂଚନା ଦେବାର ପ୍ରୟାସ ବୋଲି ପରିଚୟ ଦେଇ ପ୍ରାମାଣିକ ସର୍ବେକ୍ଷଣ ଏବଂ ରାଜନୈତିକ ଫାଇଦା ପାଇଁ ଲୋକଙ୍କୁ ପଞ୍ଜୀକରଣ କରାଯାଉଥିବା ଆୟୋଗ ଉଲ୍ଲେଖ କରିଛନ୍ତି । ଏହା ଏକ ପକ୍ଷପାତିତା ପୂର୍ଣ୍ଣ ପ୍ରୟାସ ବୋଲି ଆୟୋଗ କରିଛନ୍ତି ।
ଜନପ୍ରତିନିଧି ଆଇନ, ୧୯୫୧ର ଧାରା ୧୨୭ ଏ, ଜନପ୍ରତିନିଧି ଆଇନ, ୧୯୫୧ର ଧାରା ୧୨୩(୧) ଏବଂ ଧାରା ୧୭୧(ବି) ଆଇପିସି ଭଳି ବୈଧାନିକ ବ୍ୟବସ୍ଥା ମଧ୍ୟରେ ଏଭଳି କୌଣସି ବିଜ୍ଞାପନ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆୟୋଗ ସମସ୍ତ ଜିଲ୍ଲା ନିର୍ବାଚନ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
ସାରଣୀ ୧:
|
1. ଖବରକାଗଜ ବିଜ୍ଞାପନରେ ବ୍ୟକ୍ତିଗତ ଭୋଟରଙ୍କୁ ମୋବାଇଲରେ ମିସ୍ ଡ କଲ୍ କିମ୍ବା ଟେଲିଫୋନ୍ ନମ୍ବରରେ କଲ୍ କରି ଫାଇଦା ପାଇଁ ନିଜକୁ ପଞ୍ଜୀକରଣ କରିବାକୁ ଆହ୍ୱାନ ଦେବା
2. ସମ୍ଭାବ୍ୟ ବ୍ୟକ୍ତିଗତ ସୁବିଧାର ବିବରଣୀ ପ୍ରଦାନ କରୁଥିବା ପ୍ରଚାରପତ୍ର ଆକାରରେ ଗ୍ୟାରେଣ୍ଟି କାର୍ଡ ବଣ୍ଟନ ସହିତ ଭୋଟରଙ୍କ ନାମ, ବୟସ, ଠିକଣା, ମୋବାଇଲ ନମ୍ବର, ବୁଥ୍ ନମ୍ବର, ନିର୍ବାଚନ ମଣ୍ଡଳୀ ନାମ ଓ ନମ୍ବର ଇତ୍ୟାଦି ର ବିବରଣୀ ମାଗିବା ପାଇଁ ଏକ ସଂଯୁକ୍ତ ଫର୍ମ ମଧ୍ୟ ପ୍ରଦାନ କରିବା।
3. ଚଳିତ ସରକାରୀ ବ୍ୟକ୍ତିଗତ ଲାଭ ଯୋଜନାର ସମ୍ପ୍ରସାରଣ ପାଇଁ ସମ୍ଭାବ୍ୟ ହିତାଧିକାରୀଙ୍କ ସାମାଜିକ-ଅର୍ଥନୈତିକ ସର୍ଭେ ନାମରେ ଭୋଟରଙ୍କ ନାମ, ରାସନ କାର୍ଡ ନମ୍ବର, ଠିକଣା, ଫୋନ୍ ନମ୍ବର, ବୁଥ୍ ନମ୍ବର, ବ୍ୟାଙ୍କ ଆକାଉଣ୍ଟ ନମ୍ବର, ନିର୍ବାଚନମଣ୍ଡଳୀ ନାମ ଓ ନମ୍ବର ଇତ୍ୟାଦି ତଥ୍ୟ ପାଇଁ ଫର୍ମ ବଣ୍ଟନ କରାଯିବା।
4. ରାଜନୈତିକ ଦଳ/ ପ୍ରାର୍ଥୀଙ୍କ ଦ୍ୱାରା ୱେବ ପ୍ଲାଟଫର୍ମ କିମ୍ବା ୱେବ / ମୋବାଇଲ ଆପ୍ଲିକେସନ୍ ର ପ୍ରସାରଣ କିମ୍ବା ପ୍ରସାର କରିବା ଏବଂ ଏହା ଜରିଆରେ ଭୋଟରଙ୍କ ନାମ, ଠିକଣା, ଫୋନ୍ ନମ୍ବର, ବୁଥ୍ ନମ୍ବର, ନିର୍ବାଚନ ମଣ୍ଡଳୀ ନାମ ଏବଂ ନମ୍ବର ଇତ୍ୟାଦି ମାଗିବା (ଏଥିରେ ବ୍ୟକ୍ତିଗତ ସୁବିଧା ପାଇବା ପାଇଁ କିମ୍ବା ସେମାନଙ୍କ ମତଦାନ ପସନ୍ଦ ପ୍ରକାଶ କରିବା ପାଇଁ କୁହାଯାଇ ପାରେ କିମ୍ବା କୁହାଯାଇନପାରେ)।
5. ପ୍ରଚଳିତ ବ୍ୟକ୍ତିଗତ ସୁବିଧା ଯୋଜନା ସମ୍ପର୍କରେ ଖବରକାଗଜ ବିଜ୍ଞାପନ କିମ୍ବା ଭୌତିକ ଫର୍ମ ଜରିଆରେ ପଞ୍ଜୀକରଣ ଫର୍ମରେ ଭୋଟରଙ୍କ ନାମ, ସ୍ୱାମୀ/ପିତାଙ୍କ ନାମ, ଯୋଗାଯୋଗ ନମ୍ବର, ଠିକଣା ଇତ୍ୟାଦି ବିବରଣୀ ମଗାଯିବା।
|
*******
P.S/Swadhin/PIB Bhubaneswar
(Release ID: 2019499)
Visitor Counter : 154
Read this release in:
English
,
Gujarati
,
Urdu
,
Hindi
,
Hindi_MP
,
Marathi
,
Assamese
,
Bengali
,
Punjabi
,
Tamil
,
Kannada
,
Malayalam