ভারত সরকারগী পোর্তস, শিপ্পিং এন্দ ৱাতরৱেজ মন্ত্রালয় (MoPSW)না কোচিন শিপয়ার্দ লিমিতেদ (CSL) অমসুং ইনলেন্দ ৱাতরৱেজ ওথোরিতী ওফ ইন্দিয়া (IWAI)না কেরলাগী কোচিদা (এপ্রিল 23-24)দা ‘চেলেঞ্জেজ এন্দ প্রোস্পেক্তিব সোল্যুসন্স ইন ইনলেন্দ ৱাতরৱেজ এন্দ শিপবিল্দিং’ হায়বা নুমিৎ নিনিগী কনফরেন্স অমা হন্দক্তা পাঙথোক্তুনা মেরিতাইম সেক্তর মনুংদা লৈরিবা মরু ওইবা হীরমশিংদা তোঙান-তোঙানবা রাজ্যগী বিভাগশিং, ইন্দস্ত্রী এক্সপর্তশিং অমসুং স্তেকহোল্দরশিং অমত্তা ওইনা পুনশিন্দুনা খন্ন-নৈনখি। মরু ওইবা সেসন মরি য়াওখিবা কনফরেন্স অসিনা মেরিতাইম ইন্দস্ত্রী দিকার্বোনাইজ তৌবা অমসুং ইনলেন্দ ৱাতর ত্রান্সপোর্ত অমসুং শিপবিল্দিংদা লৈরিবা অচৌবা শীংনবশিং কোকহনবদা মরু ওইবদা মীৎয়েং চংখি। শরুক য়ারিবশিংনা মখোয়না মায়োক্নবা মরু ওইবা শীংনবশিং শিয়র তৌখি অমসুং দোমেস্তিক শিপবিল্দিং শাহৌ পীবগী মথক্তা ৱাতরৱেজতা কার্গো মোদেল শিফ ফংনবা সরকারনা লৌখৎনবা ৱাখল্লোন ফোঙদোক্নখি।

MoPSWগী জোইন্ত সেক্রেতরী, শ্রী আর লক্ষ্মন্না হায়খি, “কোচিদা পাঙথোকখিবা নুমিৎ নিনিগী কনফরেন্স অসিনা ইনলেন্দ ৱাতরৱেজকী গ্রীন ত্রাঞ্জিসন, দেদিকেতেদ সেক্তোরেল মেরিতাইম দিবেলপমেন্ত ফন্দ লিংখৎপা, দোমেস্তিক শিপবিল্দিং থৌগৎপা অসিনচিংবা য়াওনা ভারতকী মরু ওইবা লমশিং কোনশিনবা খন্না মাইপাক্না খন্ন-নৈনবা ঙমহনখি। মসি মেরিতাইম অমৃত কাল ভিজন 2047দা থমখিবা পান্দমশিং থুংহনবদা মেরিতাইম স্তেকহোল্দরশিংনা মায়োক্নরিবা মরু ওইবা শীংনবশিং মশক খঙদোক্নবা অমসুং কোকহন্নবা অসিগুম্বা মীফমশিং মন্ত্রালয়না পাঙথোক্লিবা অদুগী মনুংদা অমনি”।

MoPSWগী হরিৎ নৌকা গাইদলাইনশিংগী পরিং মখাদা গ্রীন হাইদ্রোজেন ফ্যুএল সেল ইনলেন্দ ভেসেলশিং IWAI অমসুং CSLনা দিপ্লোই তৌরিবা অসি লমজিংদুনা ইনলেন্দ ৱাতরৱেজ সেক্তরদা MoPSWগী দিকার্বোনাইজেসনগী খোঙথাংশিং অসি হৌদোকপগী সেসন্দা পুখৎখি। বারানসী অসি NW-1দা খুদক্তা দিপ্লোই তৌনবগী পাইলোৎ লোকেসন ওইনা খনখি। বঙ্করিংগুম্বা ফেসিলিতীশিংগীদমক পোতেন্সিএল প্লেয়রশিংগা লোয়ননা হৌজিক খন্ন-নৈনরি হায়না খন্নখি। মখা তানা মাগী লো ইমিসন ক্বালিতীশিংনা মরম ওইদুনা মিথানোল অসি EXIM ভেসেলশিংদা মালেমগী ওইনা মরু ওইবা গ্রীন ফ্যুএলশিংগী মনুংদা অমা ওইনা লৌনর, মসি মিথানোল পাৱর শিপশিংগী মেয়র্স্কনা দিপ্লোই তৌবগী হন্দক্কী কেস অদুদা উবা ফংখি। মাংদা চংশিল্লদুনা ইনলেন্দ ভেসেলশিংগী গ্রীন ত্রাঞ্জিসনগী মাইকৈদা খুমাং চাউশিন্নবা খোঙথাং অমা ওইনা লৈবাক অসিদা মিথানোল মেরিন ইঞ্জিনশিংগী ইন্দিজিনস দিবেলপমেন্ত তৌনবা মেকানিজমশিং খঙদোক্নবসু হায়খি।

কোচিদা পাঙথোকপা কনফরেন্সতা চত্থখিবা রাউন্দতেবল দিস্কসন

নুংথিলগী সেসন অদুদা ভারতকী শিপ্পিং সেক্তরগী শেলগী মথৌ তাবগী মতাংদা খন্নখি, মসিনা মেরিতাইম অমৃত কাল ভিজন 2047দা পনখ্রিবা চাউরাক্না লুপা করোর লাখ 70-75গী ইনভেস্তমেন্ত মথৌ তাব মতাংদা মীৎয়েং থমখি। লৈবাক অসিগী থাজবা থম্লিবা ললোন-ইতিক অমসুং শেন্মিৎলোন চাউখৎহনবদা মতেং পাংবগী তঙাই ফদবা অসি লৈজরবসু, বেঙ্ক ক্রেদিৎ অমসুং মপানগী ইনভেস্তমেন্ত য়াওনা লাক্কদৌরিবা শেন থাদবগী সোর্সশিং লৈতবা অসি উবা ফংই। ভারতকী মেরিতাইম স্তেকহোল্দরশিংনা, মরু ওইনা শিপ্পিং সেক্তরদা থেংনরিবা শেল থাদবগী শীংনবশিং অদু খন্ন-নৈনখি।

মসিগী খুদোংচাদবশিং অসিগী মনুংদা লেপ্পা লৈতবা গ্রোথকীদমক্তা য়াম্না মরু ওইবা লোং-তর্ম ফন্দিং লৈতবা অমসুং শেন্দোইগী চাং হন্থবা য়াওরি। মসিগী মথক্তা, RBIগী ক্রেদিৎ কন্সেন্ত্রেসন নোর্মশিংগী মতুং ইন্না সেক্তরগী ওইবা লেম্না লোন পীনবগী লিমিৎ লৈবনা মরুওইবা খুদোংচাদবা অমা লৈহল্লি। মসিনা বেঙ্ক খুদিংমক্না ইন্দিভিজুএল কম্পেনীশিং নৎত্রগা কম্পেনীশিংগী নেৎৱার্কশিংদা পীবা লোনগী চাং অদু লেপহন্দুনা ক্রেদিৎ ফংহনবদা অথিংবা থম্লি। মসিগী মথক্তা, বেঙ্কশিং/ফাইনান্সিএল ইন্সতিত্যুসন (FI)শিংনা এসেত-বেজ ফাইনান্সিং লৈতবনা শিপ্পিং সেক্তরগী লোন লৌরিবশিংদা অপনবা অমা ওইরি।

অসিগুম্বা শীংনবশিং অসিগী পাউখুম ওইনা, MoPSW গী জোইন্ত সেক্রেতরী শ্রী আর.লক্ষ্মন্না মন্ত্রালয় অসিগী প্রোএক্তিব ওইবা থবকশিংগী মতাংদা লৌশিং শিয়র তৌখি। মন্ত্রালয় অসিনা পাৱর ফাইনান্স কোর্পোরেসন লিমিতেদ, REC, IRFC অসিনচিংবা সেক্তোরেল ফাইনান্সিএল ইন্সতিত্যুসনশিংগা মান্নবা মেরিতাইম দিবেলপমেন্ত ফন্দ অমা শেম্নবা থবক পাইখৎলি। ফন্দ অসিনা মেরিতাইম সেক্তরগী তোপ তোপ্পা অমসুং অচৌবা শেন-থুমগী মথৌ তাবশিং ফংহন্নবা পান্দম থম্লি। মসিনা শিপ বিলদিং, দিকার্বোনাইজেসন, গ্রীন ইনর্জী শিজিন্নবা, তেক্নোলোজী ইনোবেসন, অমসুং মেনপাৱর ত্রেনিং অমসুং দিবেলপমেন্ত অসিনচিংবা অখন্নবা ইনিসিএতিবশিং পাইখৎপা য়াহনগনি।

ইন্দস্ত্রীগী স্তেকহোল্দরশিংনা খোঙথাং অসিবু তরাম্না ওকখি অমসুং মেরিতাইম অমৃত কাল ভিজন 2047দা পান্দম থম্লিবা মেরিতাইম সেক্তরগী হোলিস্তিক দিবেলপমেন্তদা মতেং পাংনবা অমসুং তঙাই ফদবা ফাইনান্সিংগী মথৌ তাবশিং কোকহন্নবা মসিগী পোতেন্সিএল অদু মশক খঙদোক্তুনা মমল য়াম্লবা ফিদবেক পীখি।

কোচিদা ৱাতর মেত্রো ওপরেৎ তৌবা

থৌরম অদুগী নুমিদাংগী সেসনদা কোচি ৱাতর মেত্রো অমসুং ইনলেন্দ ৱাতরৱেজ ওথোরিতী ওফ ইন্দিয়া (IWAI)গী মখাদা পাইখৎলিবা প্রোজেক্তশিংগী খোংচৎ অমা য়াওখি। মসিদা রিভর ক্রুজ তুরিজম হেনগৎহনবা, ইনলেন্দ ৱাতরৱেজদা অর্বান ৱাতর ত্রান্সপোর্ত নেতৱার্কশিং খুমাং চাউশিলহনবা অমসুং কোস্তেল শিপ্পিং চাউখৎহনবদা স্ত্রেতেজিক ওইবা মীৎয়েং থম্লিবা অদু উবা ফংখি। সরকারনা IWTবু হেন্না শেন্দোং লৈবা অমসুং অকোইবগী ফিভমগা চান্নবা ত্রান্সপোর্তেসনগী পাম্বৈ অমা ওইনা শকখঙলি।

কনফরেন্সকী 2শুবা নুমিৎকী অহানবা সেসনদা ইনলেন্দ ভেসেল ওপরেতরশিং, ক্রুজ ওপরেতরশিং, ভেসেল বিল্দরশিং, শিপ মেনেজমেন্ত কম্পেনীশিং, কার্গো মপুশিং, স্তেত ৱাতর ত্রান্সপোর্ত দিপার্তমেন্তশিং, অমসুং কোচি ৱাতর মেত্রো য়াওনা তোঙান তোঙানবা সেক্তরশিংগী স্তেকহোল্দরশিংনা শীংনবশিং থেংননবা অমসুং ওইথোকপা য়াবা ইন্তরভেন্সনশিং থিদোক্নবগীদমক ফোঙদোকখি। খন্ন-নৈনখিবশিং অসি কার্গো চৎথোক-চৎশিনদা খ্বাইদগী ফবা ওইহন্নবা পান্দম থম্লিবা ইনিসিএতিবশিংগা লোয়ননা NW-3, NW-8, অমসুং NW-9দা ত্রাফিক্কী পেতর্নদা য়ুম্ফম ওইখি। মেরিতাইম অমৃত কাল ভিজন 2047দা পনখ্রিবা মতুং ইন্না 2030 ফাওবদা ইনলেন্দ ৱাতর ত্রান্সপোর্ত (IWT) গী মোদেল শিয়র 5%দা অমসুং 2047 ফাওবদা 7%দা হেনগৎহন্নবগী পান্দমগা লোয়ননা হোৎনরিবশিং অসিগী পরিং মখাদা ওইখি।

দাইনামিক কনফরেন্স সেসন অমদা শিয়র তৌখিবা ইনলেন্দ ৱাতর ত্রান্সপোর্ত মোদেল হেনগৎহন্নবা স্তেকহোল্দরশিংনা লালোং য়াৎপা

নুমিৎ নিনিগী কনফরেন্স অসিগী অরোইবা সেসন অসি ভারতকী শিপ বিল্দিংগী কেপাসিতীদা মীৎয়েং থমখি। মালেমগী শিয়রগী 1%গী মখাদা হৌজিক মালেমগী রেঙ্কিংদা 22শুবা মফমদা লৈরি। খন্ন-নৈনবদা লৈবাক অসিনা কার্গো পুথোক-পুশিন তৌনবগীদমক্তা মপান লৈবাক্কী ফ্লিৎশিংদা য়াম্না থাজবা থম্লিবা অদু পনখি। মসিনা ফোরেন একচেঞ্জা এক্সপেন্দিচর চাউনা লাকহনখি। স্তেকহোল্দরশিংনা শেল থাদবা অমসুং শিপ বিল্দরশিং অমসুং মপুশিংনা মায়োক্নরিবা ওপরেস্নেল চেলেঞ্জশিং খঙনবা অমসুং ময়েক শেংনবা দাইলোগশিংদা শরুক য়াখি। হৌজিক লৈরিবা পোলিসীশিংদা ইন্তরভেন্সনগী থৌদাং অমসুং ইন্দিয়ন ফ্লিৎকী সাইজ অমসুং মপু ওইবগী চাং হেনগৎহন্নবা দরকার ওইবা রিফোর্মশিংদা মীৎয়েং থমখি।

মরুওইবা হীরমশিংগী মনুংদা ফ্রেমৱার্কশিং হেনগৎহনবা, রিসর্স অমসুং দিবেলপমেন্তকী থবকশিং হেনগৎহনবা অমসুং ভারতকী শিপ বিল্দিংদা মালেমগী শেল থাদনবগীদমক MAKV 2047 বু মালেমগী থাক্তা শৌগৎপা য়াওরি। শরুক য়ারিবশিংবু মখোয়গী শীংনবশিং, ইন্তরভেন্সনশিং অমসুং পোলিসী সজেসনশিং কনফরেন্সকী মতুংদা মখা তানা খন্ননবগীদমক পীশিল্লক্নবা পুক্নিং থৌগৎখি। 2047 ফাওবদা খ্বাইদগী মকোক থোংবা শিপ বিল্দিং নেসন 5গী মনুংদা অমা ওইনবগী এস্পিরেসনগা লোয়ননা, ভারতনা স্ত্রেতেজিক ওইনা শিপ ওনরশিপ অমসুং তোন্নেজ অসি মপুং ফানা পাকথোক চাউথোকহনবদা মীৎয়েং থম্লি। মসিনা শিপ বিল্দিং সেক্তরদা মরুওইবা কম্মর্সিএলগী খুদোংচাবশিং ফংহল্লি।

****