ঙসি নই দিল্লীদা অৱাং নোংপোক্তা তুরিজম চাউখৎহন্নবা তাস্ক ফোর্সকী 4শুবা মীফম পাঙথোকখ্রে। মীফম অদুদা অৱাং নোংপোক্কী রাজ্যশিং- অসাম, অরুনাচল প্রদেশ, মেঘালয়, মনিপুর, মিজোরাম, নাগালেন্দ, সিক্কিম অমসুং ত্রিপুরাগী ওফিসিএলশিংনা শরুক য়াখি। অতৈ স্তেকহোল্দরশিং অদুদি নিতি আয়োগ, সিভিল এভিএসন মন্ত্রালয়, মাইক্রো, স্মোল এন্দ মেদিয়ম এন্তর্প্রাইজ মন্ত্রালয়, তেক্সতাইল মন্ত্রালয়, তুরিজম মন্ত্রালয়, কলচর মন্ত্রালয়, ইনফোর্মেসন এন্দ ব্রোদকাস্তিং মন্ত্রালয় অমসুং প্রাইবেৎ পার্তনরশিংনি।

তাস্ক ফোর্স অসিনা প্রাইবেৎ স্পেসকী স্তেকহোল্দরশিং য়াওনা স্তেকহোল্দরশিংগা এঙ্গেজমেন্ত তৌদুনা অৱাং নোংপোক লমদমদা তুরিজমগী কম্প্রিহেন্সিব অমসুং সস্তেনেবল দিবেলপমেন্তকীদমক এক্সন প্লানগা লোয়ননা স্ত্রেতেজীশিং অদু খন্নখি।

মমাংদা, সেপ্তেম্বর, 2022দা অৱাং নোংপোক চাউখৎ-থৌরাং মন্ত্রালয় (MDoNER)গী কন্সলতেতিব কম্মিতীগী মীফমদা লৌখিবা ৱারেপশিং অদুগী মতুং ইন্না অৱাং নোংপোক লমদমদা তুরিজম দিবেলপমেন্তকীদমক তাস্ক ফোর্স অমা শেম্নবা ৱাফম পুখৎখি। মসিগী মতুং ইন্না, ওক্তোবর 20, 2023দা M/o DoNERগী মখাদা তাস্ক ফোর্স অমা মরী লৈনবা মন্ত্রালয়শিং, রাজ্য সরকারশিং অমসুং অতোপ্পা স্তেকহোল্দরশিংগী মীহুৎশিংগা লোয়ননা শেমখি।

***