গান্ধীনগরগী GIFT সিতীদা ইন্দিয়ন রিন্যুএবল ইনর্জী দিবেলপমেন্ত এজেন্সী লিমিতেদ (IREDA) না ফোরেন করেন্সীশিংদা দিনোমিনেৎ তৌবদা দেত ওপ্সনশিং ফংহন্নবা স্পেসিএলাইজ ওইরবা ওফিস অমা হাংদোকখ্রে। মসিনা নেচরেল হেদজিং অমসুং গ্রীন হাইদ্রোজেন অমসুং রিন্যুএবল ইনর্কী মেন্যুফেকচরিং প্রোজেক্তশিংগীদমক শেল চংবা চাউনা হন্থহনবদা মতেং পাংগনি। লৈবাক্কী হেন্না গ্রীন ওইবা তুংলমচৎকী মাইকৈদা চংশিনবা খোঙচৎতা শরুক তমগদবা স্ত্রেতেজিক ইনিসিএতিব অসি এপ্রিল 17, 2024দা অবু ধাবিদা পাঙথোকখিবা  ৱর্ল্দ ফ্যুচর ইনর্জী সম্মিৎ 2024কী  “ফ্যুচর গ্রোথ ওপুর্চুনিতীজ ফোর লোং দ্যুরেসন ইনর্জী স্তোরেজ”গী মতাংদা পেনেল দিস্কসন অমদা IREDAগী চিয়রপর্সন অমসুং মেনেজিং দিরেক্তর, শ্রী প্রদিপ কুমার দাসনা ফোঙদোকখিবনি।

IREDAগী CMDনা নেস্নেল গ্রীন হাইদ্রোজেন মিসনগী 2030 ফাওবদা হাইদ্রোজেন প্রদক্সন মিলিয়ন মেত্রিক তনস পর এনম (MTPA) 5 হেনবগী অচৌবা তার্গে* ফংনবা হোৎনবদা ইনর্জী স্তোরেজনা  লৌরিবা মরু ওইবা থৌদাং অদুগী মতাংদা ফোঙদোকখি। মহাক্না স্তোরেজ তেক্নোলোজীশিং চাউখৎহন্নবা মরু ওইবা লম কয়ামরুমসু থমখি।

CMDনা ইনর্জী স্তোরেজ সোলুসনশিংগী মমল হন্থহন্নবা অমসুং পর্ফোমেন্স ফগৎহন্নবা রিসর্স অমসুং দিবেলপমেন্তকী থবকশিং হেনগৎহনবগী তঙাই ফদবা অদুদা অকনবা ৱাফম থমখি। মহাক্না ইনর্জী স্তোরেজ তেক্নোলোজীশিং মায় পাক্না শীজিন্ননবা সপ্লাই চেন নেৎৱার্ক মপাঙ্গল কনখৎহন্নবা পোলিসীশিং পায়খৎপগী তঙাইফদবা অদুগী মতাংদা পনখি। কম্পিতিতিব অমসুং মওং চুম্বা ফাইনান্সিএল সোলুসনশিং পীনবনা ইনর্জী স্তোরেজ প্রোজেক্তশিংদা ইনভেস্তমেন্ত পুক্নিং থৌগৎলগনি হায়না মহাক্না মখা তাখি।

2047 ফাওবগী স্তোরেজ মথৌ তাবগী রোদমেপ অমা শেম্বা, তেক্নোলোজী-এগ্নোস্তিক স্তোরেজ তেন্দরশিং, অমসুং বেত্তরী মেন্যুফেকচরিং অমসুং পাম্প স্তোরেজ হাইদ্রোপাৱর প্রোজেক্তশিংগীদমক সরকারনা তেংবাং ফংহনবগী খোঙথাংশিং য়াওনা ভারতনা মাইকৈ অসিদা থবক পায়খৎলি। সেন্ত্রেল ইলেক্ত্রিসিতী ওথোরিতী ওফ ইন্দিয়ানা লুপা করোর লাখ ৩.৫ হেনবা ইনভেস্তমেন্তগা লোয়ননা 2030-32ফাওবদা 400 গিগাৱাত-আৱর্দ (GWh)কী ময়াদা স্তোরেজ মথৌ তাই হায়না প্রোজেক্ত তৌরি।

কম্পিতিতিব রেৎশিংদা অনৌবা তেক্নোলোজীশিংগীদমক ইন্নোভেতিব প্রদক্তশিংগী প্রোবিজন শেম্বগী খুত্থাংদা রিন্যুএবল ইনর্জী ফাইনান্সিংদা IREDA না মাংজিল থাদুনা লাক্লি অমসুং ভারত্তা ইনর্জী স্তোরেজ তেক্নোলোজীশিংগী দিপ্লোইমেন্তদা মতেং পাংনবা লেপ্পী। 

***