প্রধানমন্ত্রীগী লোইশঙ
পি.এম.না হীত ৱেবকা মরী লৈনবা ফীভমশিংগীদমক শেম শারিবশিং য়েংশিনখ্রে
পি.এম.না লৈঙাক পুন্না চঙশিনবগী মথৌ তাবা ৱাফম থমখি; লায়েংশঙশিংদা মতিক চানা শেম শাবগা লোয়ননা মীয়ামদা পাক শন্না খঙহনবগী মরুওইবা ৱাফমসু থমখি
পি.এম.না লাক্কদৌরিবা অশাবা থারুক্কী ফোর্কাস্ত অমদি লৈফম থোকপা চাংদগী হেন্না শারবা য়াবগী ৱাফমশিংগী মরমদা শম্লপ্পা ৱাফম থমখি
পি.এম.না হকশেলগী লমদা শেম শারিবশিংসু য়েংশিনখি
তঙায় ফদবা IEC / এৱ্যার্নেস মচাকশিং – মরুওইনা লম লমগী লোন্দা, ফম্পাক পুম্নমক্কী খুত্থাঙদা মতম চানা য়েন্থোকপগী মরুওইবা ৱাফম থমখি
হকশেল মন্ত্রালয় অমসুং NDMA না থোকপা এদভাইজরীশিং লম-লমগী লোন্দা হন্দোক্কদৌরি অমসুং পাক শন্না য়েন্থোক্কদৌরি
Posted On:
11 APR 2024 9:18PM by PIB Imphal
প্রধান মন্ত্রী শ্রী নরেন্দ্র মোদীনা লাক্কদৌরিবা অশাবা থারুক্কী মতাঙদা শেম শারিবশিং য়েংশিন্নবা মীফম অমা পাঙথোকখ্রে।
প্রধান মন্ত্রীগী মফমদা লাক্কদৌরিবা অশাবা ঈশিং নুংশিৎগী থারুক (এপ্রিলদগী জুন ফাওবা) অসিগী ফোর্কাস্ত য়াওনা এপ্রিলদগী জুন, ২০২৪ ফাওবগী অইং অশাগী ওইরক্কদবা ফীভম, লৈবাক্কী মফম অয়াম্বদা, মরুওইনা ময়ায় ভারত অমসু নোংচুপ পেনিন্সুলর ভারতকী মফমশিংদা চাং ৱাংনা, লৈফম থোকপা চাংদগী হেন্না শারক্কদৌরিবা অসিগী মতাঙদা শম্লপ্পা ৱাফম থমখি।
হকশেলগী লমদা মথৌ তাবা হিদাক লাংথকশিং, ইন্ত্রাভেনস ফ্লুইদশিং, আইস পেক, ORS অমসুং থক্নবা ঈশিংগী মতাঙদা শেম শারিবশিং য়েংশিনখি।
তঙায় ফদবা IEC / এৱ্যার্নেস মচাকশিং – মরুওইনা লম লমগী লোন্দা, তেলিভিজন, রেদিও অমসুং সোসিএল মীদিয়ানচিংবা ফম্পাক পুম্নমক্কী খুত্থাঙদা মতম চানা য়েন্থোকপগী মরুওইবা ৱাফম থমখি। জেনেরেল মীখলগা মপা চাননা ২০২৪দা লৈফম থোকপা চাংদগী হেন্না শাগদবা মরম্না, MoHFW অমসুং NDMA না থোকপা এদভাইজরীশিং লম-লমলগী লোলশিংদা হন্দোকপা অমসুং পাক শন্না য়েন্থোকপগী তঙায় ফদে হায়বা ৱাফম খন্নখি।
প্রধান মন্ত্রীনা লৈঙাক্না মপুং ওইনা চঙশিনবগী মরুওইবা ৱাফম থমখি। কেন্দ্র, স্তেত অমসুং দিস্ত্রিক্তকী থাক্কী লৈঙাক্কী মশা পুম্নমক লোয়ননা তোঙান তোঙানবা মন্ত্রালয়শিংনা খোঙজেল মান্ননা থবক তৌমিন্নবগী মথৌ তাই হায়না মহাক্না হায়খি। প্রধান মন্ত্রীনা লায়েংশঙশিংদা মতিক চানা শেম শাবগা লোয়ননা মীয়ামদা পাক শন্না খঙহনবগী মথৌ তাবসু ফোঙদোকখি। মহাক্না লম্মৈ চাকপশিং থুনা খঙদোকপা অমসুং মুত্থৎপগী মথৌ তাবা ৱাফমসু থমখি।
প্রিন্সিপাল সেক্রেতরী তু পি.এম., হোম সেক্রেতরী, ইন্দিয়ন মেতিওরোলোজিকেল দিপার্তমেন্ত (IMD), অমসুং নেস্নেল দিজাস্তর মেনেজমেন্ত ওথোরিতীগী ওফিসিএলশিংনা মীফম অদুদা শরুক য়াখি।
***
(Release ID: 2017825)
Visitor Counter : 26
Read this release in:
English
,
Urdu
,
Marathi
,
Hindi
,
Hindi_MP
,
Nepali
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam