আয়ুশ্মান ভারত হেল্থ একাউন্তশিং (ABHA) অসি ভারতকী ফ্লেগশিপ নেস্নেল হেল্থ প্রোতেক্সন স্কিম ওইরিবা  আয়ুশ্মান ভারত প্রধান মন্ত্রী জন অরোগ্যা য়োজনা (AB-PMJAY)গী মরু ওইবা মচাক অমনি। ABHA অসি কেশলেস ত্রাঞ্জেক্সনশিং তৌনবা অমসুং আয়ুশ্মান ভারত স্কিমগী মখাদা হেল্থকিয়র সর্ভিসেসকা মরী লৈনবা ফাইনান্সিএল এস্পেক্তশিং য়েংশিন্নবা দিজাইন তৌখি। মসিদা আয়ুশ্মান ভারত হেল্থ একাউন্তশিংগী মরমদা শন্দোক্না পীরি:

1. ৱাহৌদোক:

আয়ুশ্মান ভারত হেল্থ একাউন্ত (ABHA) অসি মীওই অমগী হেল্থ রেকোর্দ পুম্নমকপু লিঙ্ক তৌনবা শীজিন্নরিবা একাউন্ত/ নম্বর অমনি। ABHA না দিজিতেল হেল্থ ইকোসিস্তেম অমা শেমগৎনবা পান্দম থম্লি অমসুং হেল্থকিয়র দিজিতেলাইজেসন প্রমোৎ তৌনবা পান্দম থম্লি। মীওই খুদিংমক্না হেল্থ আই.দি. নত্ত্রগা ABHA জেনরেৎ তৌনবা আয়ুশ্মান ভারত দিজিতেল মিসন (ABDM) দা এনরোল তৌবা য়াই।

2. পান্দম:

আয়ুশ্মান ভারত হেল্থ একাউন্তশিংগী পান্দমদি আয়ুশ্মান ভারত স্কিম অসি ইমপ্লিমেন্ত তৌনবগীদমক্তা অপনবা লৈতবা অমসুং ইফিসিএন্ত ওইবা ফাইনান্সিএল ফ্রেমৱার্ক অমা পীবনি। মসিনা হেল্থকিয়র সর্ভিসশিংগীদমক্তা এলোকেৎ তৌরিবা ফন্দশিংগী ত্রান্সপরেন্সি, একাউন্তেবিলিতি অমসুং এক্সেসিবিলিতি লৈহনগনি।

3. মওং-মতৌশিং:

কেশলেস ত্রাঞ্জেক্সনশিং: ABHAনা ইম্পেনেল হেল্থকিয়র ফেসিলিতীশিংদা লায়েংনবা পাম্লিবা ইলিজিবল ওইবা বেনিফিসরীশিংগীদমক কেশলেস ত্রাঞ্জেক্সনশিং তৌবা ঙমহল্লি। মসিনা মেদিকেল ইমর্জেন্সীগী মতমদা বেনিফিসরীশিংদা শেলগী পোৎলুম পীবা হন্থহল্লি।

ইলেক্ত্রোনিক হেল্থ রেকোর্দশিং (EHR): ABHAনা ইলেক্ত্রোনিক হেল্থ রেকোর্দশিং পুনশিল্লি, মসিনা পেসেন্তকী ই-পাউ থম্বা অমসুং লৌথোকপা য়াহনবদা মতেং পাংই। মসিনা মেদিকেল হিস্তরীশিং ঙাকপা অমসুং হেল্থকিয়র দেলিভরীবু স্ত্রুমলাইন তৌবদা মতেং পাংই।

পোর্তেবিলিতী: একাউন্তশিং অসি আয়ুশ্মান ভারত স্কিমগী মখাদা পেনেল তৌরবা তোঙান তোঙানবা হেল্থকিয়র প্রোভাইদরশিংগী মরক্তা পোর্তেবল ওইনবা দিজাইন তৌখ্রে। মসিনা বেনিফিসরীশিংনা মখোয়গী লৈফমগী খেন্নবা লৈতনা সর্ভিসশিং অপনবা লৈতনা ফংবা ঙমহল্লি।

রিএল-তাইম মোনিতররি: ABHAনা ফন্দশিং শীজিন্নবগী মতাংদা ত্রেক তৌনবা অমসুং রিসোর্সশিং অসি মওং চুম্না য়েন্থোক্নবা রিল-তাইম মোনিতরিং মেকানিজমশিং য়াওরি। মসিনা হেল্থকিয়র রিসোর্সশিংবু লান্না শীজিন্নবা থিংবদা অমসুং য়েন্থোকপদা ওপ্তিমাইজ তৌবদা মতেং পাংই।

ত্রান্সপরেন্সী অমসুং একাউন্তেবিলিতী: দিজিতেল ত্রাঞ্জেক্সনশিং অমসুং ইলেক্ত্রোনিক রেকোর্দশিং থম্নবা প্রোমোৎ তৌদুনা, ABHA না হেল্থকিয়র সিস্তেমদা ত্রান্সপরেন্সী অমসুং একাউন্তেবিলিতী হেনগৎহল্লি। মসিনা শেঞ্জা-থুমজা তৌবগী খুদোংচাবা হন্থহল্লি অমসুং শেনফমশিং অদু মখোয়না পাম্লিবা পান্দম অদুগীদমক শীজিন্নবা ঙমহল্লি।

4. কম্পোনেন্তশিং:

বেনিফিসরী মশক খঙদোকপা: ABHAনা আয়ুশ্মান ভারত স্কিমগী মখাদা ইলিজিবল ওইরবা বেনিফিসরীশিং মশক খঙদোকপা অমসুং রেজিস্ত্রেসন তৌবা য়াওরি। বেনিফিসরী খুদিংমকপু ত্রেকিং অমসুং মেনেজমেন্ত তৌবা লাইথোকহন্নবগীদমক্তা য়ুনিক হেল্থ আইদেন্তিফিকেসন নম্বর (UHID) পীরি।

ফন্দশিংগী মেনেজমেন্ত: ABHAনা বেনিফিসরীশিংনা শীজিন্নবা হেল্থকিয়র সর্ভিসশিংগীদমক ফন্দশিংগী এলোকেসন অমসুং দিসব্সমেন্ত মেনেজ তৌই। মসিনা ফন্দশিং অসি হেল্থকিয়র প্রোভাইদরশিংদা অথুবা মতমদা অমসুং সেক্যুরিতী লৈনা ত্রান্সফর তৌবসু ঙমহনগনি।

ক্লেম সেত্তল তৌবা: বেনিফিসরীশিংদা পীবা সর্ভিসশিংগীদমক্তা হেল্থকিয়র প্রোভাইদরশিংনা পীবা ক্লেমশিংবু ABHAনা প্রোসেস তৌই অমসুং সেতল তৌই। মসিদা ক্লেমশিং অদুগী ওথেন্তিসিতী ভেরিফাই তৌবা অমসুং মদুগী মতুং ইন্না পেমেন্ত পীবা য়াওরি।

ওদিৎ অমসুং ওভরসাইৎ: ABHAনা ফন্দশিং শীজিন্নবা য়েংশিন্নবা অমসুং ইরিগ্যুলরিতীশিং নত্ত্রগা  দিসক্রিপেন্সীশিং খঙদোক্নবা ওদিৎ অমসুং ওভরসাইৎ মেকানিজমশিং য়াওরি। মসিনা রিগুলেসনশিং ঙাক্না চৎপদা মতেং পাংই অমসুং হেল্থকিয়র সিস্তেমগী ইন্তিগ্রিতী ঙাক্তুনা থম্মী।

5. কান্নবশিং:

ফাইনান্সিএল প্রোতেক্সন: ABHAনা আয়ুশ্মান ভারত স্কিমগী মখাদা হেল্থকিয়র সর্ভিসশিংগী অচংমলশিং কভর তৌদুনা খুন্নাইগী শোত্থরবা কাংলুপশিংদা শেলগী ঙাকশেল পীরি। মসিনা বেনিফিসরীশিংগী ফুরিৎ খাওদগী পুথোকপা শেনফম হন্থহল্লি অমসুং ক্বালিতী লৈবা হেল্থকিয়র এক্সেস তৌবা হেনগৎহনবদা মতেং পাংই।

ইফিসিএন্ত ওইবা হেল্থকিয়র দেলিবরী: কেশলেস ত্রাঞ্জেক্সনশিং অমসুং ইলেক্ত্রোনিক হেল্থ রেকোর্দশিং লায়থোকহন্দুনা, AB-HAনা হেল্থকিয়র ফংহনবগী ইফিসিএন্সীদা মতেং পাংলি। মসিনা এদমিনিস্ত্রেতিবগী খুদোংচাদবশিং অমসুং থিন্থবশিং হন্থহল্লি, মসিনা হেল্থকিয়র প্রোভাইদরশিংদা পেসেন্ত কিয়রদা মীৎয়েং চংবা ঙমহল্লি।

দেতাদা য়ুম্ফম ওইরগা ৱারেপ লৌবা: ABHAনা ইভিদেন্সতা য়ুম্ফম ওইবা ৱারেপ লৌবা অমসুং পোলিসী শেম্বা মতমদা শিজিন্নবা য়াবা মমল য়াম্লবা দেতা ইনসাইৎশিং পুথোকই। মসিনা হেল্থকিয়রগী শীংনবশিং মায়োক্নবদা মতেং পাংই অমসুং য়েংশিনবগী অপুনবা ক্বালিতী হেনগৎহল্লি।

ABHA য়ুজর অমনা ABDMগী মখাদা কান্নবশিং এক্সেস তৌনবা মখাদা পীরিবা আইদেন্তিফায়রশিং অমসুং য়ুজর এপ অসি লৈ:

ABHA নম্বর: য়ুনিক হেল্থ আইদেন্তিফায়র অমা দিজিৎ 14গী রেন্দম নম্বর অমা ওইনা: লৈবাক শিনবা থুংনা তোঙান তোঙানবা হেল্থ কিয়র প্রোভাইদরশিংদা লৈবা মীওই অমগী য়ুনিক আইদেন্তিতি অমা।

ABHA এদ্রেস: ABHA এদ্রেস অসি দিজিতেল ওইনা মখোয়গী হেল্থ রেকোর্দশিং এক্সেস তৌবা অমসুং মখোয়গী রেকোর্দশিং অদু তোঙান তোঙানবা হেল্থকিয়র প্রোভাইদরশিংদা শিয়র তৌবা য়ানবা লাইনা নীংশিংবা ঙম্বা য়ুজর নেম অমনি। ABHA গী এদ্রেস অমনা ‘name@abdm’ গুম্না উবা য়াই। মসিদা ABHA মোবাইল এপ্লিকেসনদা সাইন ইন তৌনবসু মথৌ তাবা য়াই।

ABHA মোবাইল এপ্লিকেসন: ABHA মোবাইল এপ্লিকেসন অসিনা মীওই খুদিংমক্না মখোয়গী হকশেলগী রেকোর্দশিং দিজিতেলগী মওংদা লাইনা এক্সেস তৌবা অমসুং শেয়র তৌবা য়াবা সোলুসন অমা পীরি। মসিনা অনাবশিংবু দিজিতেল লেবোরেতরী রিপোর্তশিং, প্রেসক্রিপ্সনশিং অমসুং দাইগ্নোসিসশিং দোক্তরশিং, লেবোরেতরীশিং, হোস্পিতালশিং অমসুং ৱেলনেস সেন্তরশিং য়াওনা তোঙান তোঙানবা হেল্থকিয়র প্রোভাইদরশিংদগী অপনবা লৈতনা ফংহনবদা মতেং পাংই। মসিগী এপ্রোচ অসি হকশেলগী দেতাবু সেক্যুর ওইবা অমসুং দেতা দ্রিবন ওইনা শেয়র তৌবা য়াহল্লি।

6. CGHS কর্মচারীশিংগী কান্নবশিং:

• ABHA না লৈবাক অসিগী দিজিতেল হেল্থ ইকোসিস্তেমদা CGHS বেনিফিসরীসিং ইন্তিগ্রেৎ তৌহনগনি।
• CGHS গী বেনিফসরী অমনা মোবাইল দিভাইস্তা দাউনলোদ তৌরবা মহাক্কী অপাম্বা পর্সনেল হেল্থ রেকোর্দ (PHR) এপ অমহেক্তদা শেম্বা অমসুং লিঙ্ক তৌরবা হেল্থ রেকোর্দশিং অদু য়েংবা ঙমগনি।
• CGHS গী বেনিফিসরী অমনা মহাক্কী হকশেলগী রেকোর্দশিং অসি দিজিতেল ওইনা সেক্যুর ওইবা মওংদা হোস্পিতাল অমদগী অতোপ্পা হোস্পিতাল অমদা/ হেল্থকিয়র প্রোভাইদর অমদগী অতোপ্পা হোস্পিতাল অমদা ত্রান্সফর তৌবা ঙমগনি।
• খুদম: অখন্নবা দোক্তর অমনা অখন্নবা হোস্পিতাল অমদা অখন্নবা পেসেন্ত অমগীদমক শেমখিবা হেল্থ রেকোর্দকী কেস অদু য়েংসি। হায়রিবা পেসেন্ত অদু মখা তাবা লায়েংবগীদমক্তা অতোপ্পা হেল্থকিয়র প্রোভাইদর অমদা চৎপা য়াই। মমাংগী হোস্পিতালদা থম্লিবা মহাক্কী হকশেলগী রেকোর্দশিং অসি কমপ্রিহেন্সিব হেল্থকিয়র প্রোবিজনগী মতেং পীনবগীদমক্তা মথংগী হেল্থকিয়র প্রোভাইদরদসু ফংহনগদবনি। মসি হেল্থ কিয়র প্রোভাইদর পুম্নমক্তা পেসেন্তকী হেল্থ রেকোর্দশিং মশক খঙলবা য়ুনিক এন্তিতী (হেল্থ ID) না ওইথোকহল্লি। পেসেন্ত অদুগী অয়াবা লৌরবা মতুংদা, রেকোর্দশিং অসি হৌজিক লৈরিবা হেলথকিয়র প্রোভাইদর অদুদা ফংহল্লি।
• তুংলমচৎতা, CGHS গী বেনিফিসরী অমনা ৱেলনেস সেন্তরদা লৈবা দোক্তরগী কা/ রেজিস্ত্রেসন দেস্ককী মমাংদা লৈবা QR কোদ মহাক্কী মোবাইল দিভাইসকী খুত্থাংদা স্কেন তৌদুনা দোক্তরগী OPD গী এপোইন্তমেন্ত হকথেংননা লৌবা ঙমগনি।

7. CGHS বেনিফিসরী IDগা লোয়ননা ABHA নম্বর শেম্নবা/লিঙ্ক তৌনবা খোঙথাংশিং:

মাংজৌননা মথৌ তাবশিং:

মোবাইল নম্বর অদু CGHS কার্দকা লোয়ননা লিঙ্ক শোইদনা তৌবা।

পীরিবা ফোন নম্বর অদুগা আধার কার্দকা লোইদনা লিঙ্ক তৌবা।

স্তেপ 01: CGHS ৱেবসাইৎ www.cghs.nic.in হাংদোকউ অমসুং বেনিফিসরী লোগ-ইনগী থোংদা লোগ-ইন তৌ

স্তেপ 02: ‘অপদেৎ’ তেবতা চৎলু অমসুং ক্লিক তৌ  ‘ক্রিএৎ/লিঙ্ক ABHA ID’

স্তেপ 03: “বেনিফিসরী নেম”গী মমাংদা ‘ক্রিএৎ/লিঙ্ক ABHA ID’গী ওপ্সন অমা লৈগনি। ওপ্সন অদুদা ক্লিক তৌ।

স্তেপ 04: বেনিফিসরীগী ABHA নম্বর লৈতবা তারবদি ‘আই দোন হেব এন ABHAনম্বর’দা ক্লিক তৌ

আধার নম্বর নম্মু

কনসেন্ত মেসেস অয়াবা পীয়ু

আধার OTP লাকহন্নবা ক্লিক তৌ

       আধার OTP নম্মু

‘ভেরিফাই OTP’দা নম্মু

করিগুম্বা দেতা অদু মাইপাক্না চান্নরবদি ABHA নম্বর শেমগনি অমসুং CGHS বেনিফিসরী IDগা মাইপাক্না লিঙ্ক তৌগনি।

* করিগুম্বা বেনিফিসরী অমগী হান্নদগী ABHA নম্বর লৈরবদি স্তেপ 04দা ‘আই দোন হেব এন ABHAনম্বর’দা নম্বগী মহুৎ দিজিৎ 14 ওইবা ABHA নম্বর অদু নমদুনা OTP ভেরিফাই তৌনবা মখা চত্থৌ।

অহেনবা ই-পাউগীদমক মসিদা চংবীয়ু: https://abha.abdm.gov.in/abha/v3/

মখাদা পীরিবা লিঙ্ক অসিদা ‘@cghsindia’ য়ুত্যুব চেনেলদা ফংবা ABHA নম্বর শেম্বা/লিঙ্ক তৌবগী স্তেপ-বাই-স্তেপ ওইবা থৌওংগী অকুপ্পা ৱারোল য়াওবা ভিদিওসু ফংগনি:

https://www.youtube.com/watch?v=ZVytyQv2ngo&t=90s

8. তুংগীদমক পাউতাকসিং:

পাকথোক চাউথোকপা অমসুং হেনগৎহনবা: ABHA অসি হেল্থকিয়র সেক্তরগী হোংলক্লিবা মথৌ তাবশিং থুংহন্নবা আনৌবা ফীচরশিং অমসুং ফঙ্কস্নেলিতীশিং ইনকোর্পোরেৎ তৌদুনা মতমগা ইরোইননা ফগৎলকপা অমসুং পাকথোক চাউথোরকপা য়াই।

অতৈ স্কিমশিংগা ইন্তিগ্রেসন তৌবা: ABHA বু অতোপ্পা হেল্থকিয়র স্কিমশিং অমসুং ইনিসিএতিবশিংগা পুনশিন্নদুনা য়ুনিফাইদ অমসুং কম্প্রিহেন্সিব হেল্থকিয়র ইকোসিস্তেম অমা শেমগৎপগী ওইথোকপা লৈ।

রিসর্চ অমসুং ইন্নোভেসন: হেল্থকিয়র ফাইনান্সিং অমসুং দেলিভরী মোদেলশিংদা মখা তানা রিসর্চ অমসুং ইন্নোভেসন তৌবনা ABHA গী ইফেক্তিবিতী অমসুং ইম্পেক্ত হেন্না মপাঙ্গল কনখৎহনবা ঙমগনি।

লোইশিল্লকপদা, আয়ুশ্মান ভারত হেল্থ একাউন্তশিংনা কেশলেস ত্রাঞ্জেক্সনশিং, ফন্দ মেনেজমেন্ত অমসুং আয়ুশ্মান ভারত স্কিমগী ইমপ্লিমেন্ত তৌবদা ত্রান্সপরেন্সী হেনগৎহনবদা মরু ওইবা থৌদাং অমা লৌরি। তেক্নোলোজী অমসুং দেতা-দাইরেস্ত এপ্রোচশিং শীজিন্নদুনা, ABHA না ক্বালিতী লৈবা হেল্থকিয়র ফংহন্নবা অমসুং খুন্নাইগী শোত্থরবা কাংলুপশিংদা শেলগী পোৎলুম হন্থহন্নবা পান্দম থম্লি।

লান্না থাজনবা  অমদি অচুম্বা:

লান্না থাজনবা 1: ABHA নম্বর ফংবনা আয়ুশ্মান ভারত - প্রধান মন্ত্রী জন আরোগ্য য়োজনা (AB-PMJAY) দা মিং চনবা ওইগদ্রা?

অচুম্বা : নত্তে, ABHA অসি মীওই অমগী হকশেলগী রেকোর্দ পুম্নমকপু লিঙ্ক তৌনবগীদমক শীজিন্নরিবা একাউন্ত/ নম্বর অমনি।

লান্না থাজনবা 2: আয়ুশ্মান ভারত হেল্থ একাউন্তকী মখাদা করি য়াওদবগে?

অচুম্বা : অয়ুশ্মান ভারত হেল্থ একাউন্ত হায়বসিনা AB-PMJAY য়াওনা অখন্নবা স্কিম অমগীদমক মীওই অমগী ইলিজিবিলিতী তাক্তে। আয়ুশ্মান ভারত হেল্থ একাউন্ত অসি হৌজিক লৈরিবা CGHS সর্বিসশিং নৎত্রগা হৌজিক লৈরিবা CGHS HMIS গী মহুৎ শিন্দোকপা নত্তে। মসি CGHSনা হৌজিক পীরিবা সর্ভিসশিংগী মথক্তা হাপচিল্লকপা/অদিত তৌবনি।

লান্না থাজনবা 3: ঐহাক্না ঐহাক্কী হকশেলগী রেকোর্দ পুম্নমক ঐহাক্কী ABHA গা লিঙ্ক তৌদুনা ঐহাক্না উৎনিংদবা ঐহাক্কী মেদিকেল হিস্তরী পুম্নমক দোক্তরশিংনা উবা ফংলগনি হায়না ঐহাক্না খল্লি। মসি করম্না থীংবা ঙমগনি?

অচুম্বা : দিজিতেলগী মওংদা অয়াবা পীবা অসি ABHA গা মরী লৈনবা হকশেলগী রেকোর্দ পুম্নমক্কীদমক ওইগনি হায়বা লৈতে। পেসেন্তকী অপাম্বগী মতুং ইন্না খনগৎলবা হেল্থ রেকোর্দশিং খক্তমক শেয়র তৌনবগীদমক পীবা য়াই। মরম অদুনা, নহাক্কী হকশেলগী রেকোর্দ পুম্নমকপু নহাক্কী ABHAগা লিঙ্ক তৌদুনা নহাক্না অয়াবা পীরকপা মতমদা নহাক্কী হকশেলগী রেকোর্দ পুম্নমকপু শেয়র তৌরোই। অয়াবা অসি গ্রেন্যুলার ওই। মসি পেসেন্ত অদুগী অপাম্বগী মতুং ইন্না হেলথ রেকোর্দ অমমমগীদমক তোঙান্না পীবা য়াই। অদুম ওইনমক, নহাক্না হকশেলগী রেকোর্দ পুম্নমক নহাক্কী দোক্তরগা শেয়র তৌনবগীদমক অয়াবা পীবা হায়বসি মহাক্না অচুম্বা ক্লিনিকেল দিসিজনশিং লৌবা ঙম্নবগীদমক্তা রিকম্মেন্দ তৌই।

লান্না থাজনবা 4: সরকার নত্ত্রগা অতৈ এন্তিতী অমহেক্তনা ABDMগী খুত্থাংদা মীওই অমগী হকশেলগী ফিভম য়েংশিনবা ঙমগদ্রা?

অচুম্বা ঙমদে। হকশেলগী রেকোর্দশিং অসি মখোয়না শেম্বা মফম অদুদা মরী লৈনবা হেল্থকিয়র প্রোভাইদরশিংনা শেম্মী অমসুং থম্মী (হৌজিক ফাওবদা অদুমক তৌরি) । ABDMনা হায়রিবা দেতা রেপোজিতরীশিং/ফিদুসিয়রীশিং অসি লিঙ্ক তৌন্নবা ইন্তেরোপেরবল ওইবা প্লেতফোর্মশিং শেমগৎলি। মসিবু ফেদরেতেদ আর্কিতেকচর হায়না খঙনৈ। মসিনা তাক্লিবদি হকশেলগী রেকোর্দশিং অসি মখোয়না শেম্বা মফম অদুদা চত্থদুনা থমগনি, মসি ABDMগী মমাংদসু তৌদুনা লাক্লি। লৈঙাক্না অসিগুম্বা দেতা অসি এক্সেস তৌবা ঙম্লোই। হৌজিক লৈরিবা ইকোসিস্তেম অসিদা অসিগুম্বা দেতাশিং অসি এক্সেস তৌনবগী অহেনবা পাম্বৈ অমত্তা শেমগৎপা নৎত্রগা খনবা লৈতে।

লান্না থাজনবা 5 : ঐগী দিজিতেল হেলথ রেকোর্দশিংদু ঐগী অয়াবা য়াওদনা অতোপ্পা দোক্তর নত্ত্রগা হেলথ ফেসিলিতীদা শেয়র তৌগদ্রা?

অচুম্বা : তৌরোই। নহাক্না অয়াবা পীরবা মতুংদা তোঙান তোঙানবা দিজিতেল হেলথ সিস্তেমশিং শীজিন্নদুনা অতোপ্পা দোক্তরশিং/ হোস্পিতালশিংগা অদোমগী রেকোর্দশিং শিয়র তৌগনি।

লান্না থাজনবা 6: সরকারনা ঐগী দেতা অসি করম্না শিজিন্নগনি?

অচুম্বা : দেতাশিংবু এনোনিমাইজেসন অমসুং এগ্রিগেসনগীদমক প্রোতোকোলশিং অমসুং অসিগুম্বা দেতাশিং অসি শীজিন্নবগী থৌওংশিং অসি স্তেকহোল্দরশিংগা কুপ্না তান্নরবা মতুংদা মশক তাক্কনি। মসিগী মতুংদা, মীয়াম্না পাম্লিবা পোলিসীশিং অমসুং অতোপ্পা মরী লৈনবা ইন্তরভেন্সনশিং শেম্নবগীদমক গবর্নমেন্তনা এনোনিমস রেকোর্দশিং শীজিন্নবা য়াই। মসি পাঙথোক্ত্রিবা ফাওবদা, হকশেলগী রেকোর্দশিং অসি সরকারনা শীজিন্নরোই।

লান্না থাজনবা 7: ঐগী হকশেলগী রেকোর্দশীং অসি ABDM সিস্তেমদা সেফ অমসুং সেক্যুর ওইব্রা?

অচুম্বা : ABDMনা মেদিকেল রেকোর্দ অমত্তা স্তোর তৌদে। মখোয় অসি হেল্থকিয়র প্রোভাইদরশিংনা মখোয়গী রিতেন্সন পোলিসীশিংগী মতুং ইন্না মতম পুম্নমক্তা শেম্মী অমসুং স্তোর তৌই অমসুং মসি মখা তানা চৎথখিগনি। ABDMনা পেসেন্ত অদুনা অয়াবা পীরবা মতুংদা ABDM নেৎৱার্ক্তা পান্দম থম্লিবা স্তেকহোল্দরশিংগী মরক্তা সেক্যুর ওইবা দেতা এক্সচেঞ্জ অমা লায়থোকহল্লি। মরম অদুনা, ABDM কমপ্লায়েন্ত এপ্লিকেসনশিংগী খুত্থাংদা, পেসেন্তশিংনা মখোয়না মখোয়গী হেল্থ IDগা লিঙ্ক তৌবা পাম্বা হেল্থ রেকোর্দশিং খনবগী, মখোয়গী দিজিতেল হেল্থ রেকোর্দশিং মখোয়গী দিভাইসশিংদা সেক্যুর ওইনা স্তোর তৌবগী, মখোয়গী রেকোর্দশিং ওনলাইনদা সেক্যুর ওইনা এক্সেস তৌবগী, অমসুং পেসেন্তশিংগী অয়াবা মতুংদা মখোয়গী হেল্থ রেকোর্দশিং হেল্থকিয়র প্রোভাইদরশিংগা সেক্যুর ওইনা শেয়র তৌমিন্নবগী খুদোংচাবা ফংলগনি। হেল্থ ID রেজিস্তর, হেল্থকয়র প্রোফেস্নেল রেজিস্ত্রী অমসুং হেল্থকিয়র ফেসিলিতী রেজিস্ত্রীগুম্বা রেজিস্ত্রীশিংগীদমক্তা খোমজিনখিবা দেতা খক্তমক সেন্ত্রেল ওইনা স্তোর তৌই। হায়রিবা দেতা সেৎশিং অসি তোঙান তোঙানবা দিজিতেল হেল্থ সিস্তেমশিংগী মরক্তা ইন্তরোপেরবিলিতী, থাজবা অমসুং মশক খঙদোকপা অমসুং অচুম্বা ৱারোলগী সোর্স অমখক্তমক ফংহন্নবগীদমক তঙাইফদবা মরম্না সেন্ত্রেল ওইনা স্তোর তৌগদবনি। মসিগী দেতা অসি সেক্যুর অমসুং শাফবা মওংদা স্তোর তৌগনি অমসুং প্রোসেস তৌগনি।

লান্না থাজনবা 8: সরকারগী হোস্পিতাল/CGHSগী মপান্দা ABHA শীজিন্নবা য়াব্রা??

অচুম্বা : হোয়, ABHA অসি সরকারগী হোস্পিতাল/ প্রোগ্রামগী মপান্দা শিজিন্নবা য়াই। অদুম ওইনমক, প্রাইবেৎ এক্তরশিংনা মখোয়না মসি শিজিন্নবা পাম্বিবরা নৎত্রগা পাম্বিদবরা হায়বদু লেপকদবনি। খুদম ওইনা হায়রবদা, প্রাইবেৎ হোস্পিতাল অমনা হেল্থ রেকোর্দ শেম্বা অমসুং লিঙ্ক তৌনবগীদমক্তা ABHA শিজিন্নবা য়াগনি। করিগুম্বা পেসেন্ত অদুনা ABHA শিজিন্নবা পামদ্রবদি, হোস্পিতাল/ প্রোগ্রাম অদুনা মখোয়না মখোয়গী লৈরিবা সিস্তেমগী শরুক অমা ওইনা শিজিন্নরিবা অতোপ্পা নম্বর অমা পীবা য়াই।

*****