براہ راست ٹیکسوں کے مرکزی بورڈ (سی بی ڈی ٹی) نے ٹیکس دہندگان کو یکم اپریل 2024 سے جائزہ سال، 25-2024 (مالی سال 24-2023 سے متعلقہ) کے لیے اپنے انکم ٹیکس ریٹرن (آئی ٹی  آر) داخل کرنے میں سہولت فراہم کی ہے۔آئی ٹی آر کے کام کاج یعنی آئی ٹی آر-1،آئی ٹی آر-2 اورآئی ٹی آر-4، جو عام طور پر ٹیکس دہندگان کے ذریعہ استعمال ہوتے ہیں، 1 اپریل 2024 کے بعد سے ٹیکس دہندگان کے لیے اپنے ریٹرن فائل کرنے کے لیے ای فائلنگ پورٹل پر دستیاب ہیں۔ کمپنیاں بھی یکم اپریل کے بعد سے آئی ٹی آر- 6 کے ذریعے اپنا آئی ٹی آر  فائل کر سکیں گی۔

اس کے پیش نظر سی بی ڈی ٹی نے آئی ٹی آر فارمز کو جلد مطلع کیا تھا، جس کی شروعات آئی ٹی آر 1 اور 4 سے ہوئی تھی جو 22 دسمبر 2023 کو جاری کیے گئے تھے،آئی ٹی آر-6 کو 24 جنوری 2024 کو اور آئی ٹی آر-2 کو 31 جنوری 2024 کو جاری کیا گیا تھا۔

ای ریٹرن انٹرمیڈیریز (ای آر آئی) کی سہولت کے لیے، آئی ٹی آر-1، آئی ٹی آر- 2، آئی ٹی آر-4 اور آئی ٹی آر-6 کے لیے جے ایس او این اسکیم اور جائزہ سال کے لیے ٹیکس آڈٹ رپورٹس کی اسکیم کو بھی دستیاب کرایا گیا ہے۔ 2024-25۔ ای فائلنگ پورٹل کے ڈاؤن لوڈ سیکشن کے تحت اس تک رسائی حاصل کی جاسکتی ہے۔

اس طرح، ٹیکس دہندگان کو یکم اپریل 2024 سے ای فائلنگ پورٹل پر  جائزہ سال 2024-2025 کے لیے آئی ٹی آر-1، آئی ٹی آر- 2، آئی ٹی آر-4 اور آئی ٹی آر-6 فائل کرنے کے قابل بنایا گیا ہے۔ درحقیقت جائزہ سال 2024-2025 کے لیے تقریباً 23,000آئی ٹی آر 2024-25 پہلے ہی آج تک فائل ہو چکے ہیں۔ آئی ٹی آر-3، 5 اور 7 فائل کرنے کی سہولت جلد ہی دستیاب کرادی جائے گی۔

حالیہ دنوں میں یہ پہلی بار ہوا ہے کہ محکمہ انکم ٹیکس نے ٹیکس دہندگان کو نئے مالی سال کے پہلے دن اپنے ریٹرن داخل کرنے کے قابل بنایا ہے۔ یہ تعمیل میں آسانی اور ہموار ٹیکس دہندگان کی خدمات کی طرف ایک اور بڑا قدم ہے۔

انکم ٹیکس ریٹرن ویب سائٹ کا لینڈنگ پیج: https://eportal.incometax.gov.in/iec/foservices/#/login

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 6450)