وزیراعظم کا دفتر
وزیر اعظم نریندر مودی نے بیلجیئم کے وزیر اعظم الیگزینڈر ڈی کرو سے بات کی
دونوں رہنماؤں نے دوطرفہ تعلقات کو مزید مضبوط بنانے کے طریقوں پر تبادلہ خیال کیا
وزیر اعظم نے پہلی جوہری توانائی چوٹی کانفرنس کی کامیاب میزبانی پر وزیر اعظم ڈی کرو کو مبارکباد دی
دونوں رہنماؤں نے باہمی دلچسپی کے علاقائی اور عالمی امور پر تبادلہ خیال کیا
Posted On:
26 MAR 2024 4:50PM by PIB Delhi
وزیر اعظم جناب نریندر مودی نے آج بیلجیئم کے وزیر اعظم مسٹر الیگزینڈر ڈی کرو کے ساتھ ٹیلی فون پر بات چیت کی۔
وزیر اعظم نے برسلز میں پہلی جوہری توانائی چوٹی کانفرنس کی حالیہ کامیاب میزبانی پر وزیر اعظم ڈی کرو کو مبارکباد دی۔
دونوں رہنماؤں نے ہندوستان اور بیلجیم کے درمیان بہترین تعلقات کا جائزہ لیا۔ انہوں نے تجارت، سرمایہ کاری، کلین ٹیکنالوجی، سیمی کنڈکٹر، ادویات سازی ، سبز ہائیڈروجن، اطلاعاتی ٹکنالوجی، دفاع، بندرگاہوں سمیت مختلف شعبوں میں دوطرفہ شراکت داری کو مزید مستحکم کرنے کے طریقوں پر تبادلہ خیال کیا۔
دونوں رہنماؤں نے یورپی یونین کی کونسل کی بیلجیئم کی جاری صدارت کے تحت ہندوستان - یورپی یونین اسٹریٹجک پارٹنرشپ کو مزید تقویت دینے کے عزم کا اعادہ کیا۔
انہوں نے علاقائی اور عالمی پیش رفت پر تبادلہ خیال کیا۔ انہوں نے مغربی ایشیا کے خطے میں امن و سلامتی کی جلد بحالی اور روس-یوکرین تنازعہ کے لیے تعاون اور حمایت کو بڑھانے کی ضرورت پر اتفاق کیا۔
دونوں رہنماؤں نے رابطے میں رہنے پر اتفاق کیا۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ ت ع(
6340
(Release ID: 2016404)
Visitor Counter : 49
Read this release in:
English
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam