ఉష్ణోగ్రతలు పెరుగుతుండడంతో రాష్ట్రాలను అప్రమత్తం చేసిన కేంద్ర ఆరోగ్య మంత్రిత్వ శాఖ, ఎన్ డి ఎం ఏ; వేసవి నెలల్లో ఆస్పత్రులలో అగ్నిప్రమాదాల నివారణపై చర్యలు చేపట్టాల్సిందిగా ఉమ్మడి సూచనలు జారీ

వేసవి నెలల్లో ఉష్ణోగ్రతలు పెరిగేకొద్దీ, ఆసుపత్రుల్లో అగ్నిప్రమాదాలు గణనీయమైన ముప్పుగా పరిణమిస్తాయి. దీనిని నివారించడానికి, కేంద్ర ఆరోగ్య మంత్రిత్వ శాఖ, నేషనల్ డిజాస్టర్ మేనేజ్‌మెంట్ అథారిటీ (ఎన్ డి ఎం ఏ) అన్ని రాష్ట్రాలు/యుటిలకు ఉమ్మడి సలహాను జారీ చేశాయి, ఇటువంటి విధ్వంసకర సంఘటనలను నివారించడంలో ముఖ్యమైన క్రియాశీల చర్యల గురించి పేర్కొన్నాయి.  
రాష్ట్ర ఆరోగ్య విభాగాలు, రాష్ట్ర విపత్తు నిర్వహణ అధికారులు తమ అధికార పరిధిలోని అన్ని గుర్తింపు పొందిన ఆసుపత్రులు విషయంలో తక్షణ చర్యలు తీసుకునేలా చూడటానికి  సహకారంతో పనిచేయాలని ఆదేశించారు:
సమగ్ర తనిఖీలు:
అగ్ని మాపక సమ్మతిని అంచనా వేయడానికి అన్ని ఆసుపత్రులలో సమగ్ర ఫైర్ సేఫ్టీ ఆడిట్ / ఆన్-సైట్ తనిఖీలను  నిర్వహించాలి. అగ్నిమాపక వ్యవస్థలు, అగ్ని అలారాలు, అగ్ని పొగ డిటెక్టర్లు, అగ్నిమాపక ఎక్స్‌టింగ్విషర్లు, ఫైర్ హైడ్రెంట్‌లు,  ఫైర్ లిఫ్ట్‌లు ఉన్నాయ, పూర్తిగా పనిచేసేలా ఉన్నాయ అని నిర్ధారించుకోవాలి. 
ఎలక్ట్రికల్ లోడ్ ఆడిట్లు:  తగినంత విద్యుత్ లోడ్ సామర్థ్యంలో క్లిష్టమైన సమస్యను పరిష్కరించాలి. ఆసుపత్రులు తప్పనిసరిగా ఎలక్ట్రికల్ లోడ్ ఆడిట్‌లను  ప్రత్యేకించి కొత్త పరికరాలను జోడించేటప్పుడు లేదా ఖాళీలను ఐసీయూ లుగా మార్చేటప్పుడు. నిర్వహించాలి, గుర్తించిన వైరుధ్యాలు ఏవైనా ఉంటే వెంటనే సరిదిద్దాలి.
• అగ్నిమాపక ఎన్ఓసి వర్తింపు: ఆసుపత్రులు తప్పనిసరిగా నియంత్రణ అవసరాలకు కట్టుబడి ఉండాలి.  వాటి సంబంధిత రాష్ట్ర అగ్నిమాపక విభాగాల నుండి చెల్లుబాటు అయ్యే ఫైర్ నో-అబ్జెక్షన్ సర్టిఫికేట్‌లను (ఎన్ఓసిలు) పొందాలి. అగ్నిమాపక భద్రతా నిబంధనలను అవలంబించే ముందు నిర్మించిన పాత భవనాలలో విద్యుత్ లోడ్లను తిరిగి క్రమాంకనం చేయడానికి ప్రాధాన్యత ఇవ్వాల్సి ఉంటుంది.

రెగ్యులర్ మెయింటెనెన్స్ మరియు టెస్టింగ్: అన్ని భద్రతా పరికరాల కోసం నిర్వహణ షెడ్యూల్‌ను ఏర్పాటు చేయండి. ఇందులో అగ్నిమాపక యంత్రాల యొక్క నెలవారీ తనిఖీలు, ఫైర్ అలారంలు మరియు హైడ్రెంట్‌ల యొక్క త్రైమాసిక పరీక్షలు మరియు సంబంధిత భారతీయ ప్రమాణాలకు అనుగుణంగా వాటి ప్రభావాన్ని ధృవీకరించడానికి వార్షిక వృత్తిపరమైన తనిఖీలు ఉండాలి.