উপ-রাস্ত্রপতিগী লোইশঙ
ভারতনা খুমাং চাউশিল্লকপা অসিনা মালেমগী শান্তি অমদি তংদু লৈতাবগীদমক থাজবা অমা পীরি – উপ রাস্ত্রপতি
ভারত অসি মখা তানা স্লীপিং জায়ন্ত ওইদ্রে হায়না উপ-রাস্ত্রপতিনা ফোঙদোকখ্রে
শান্তি হায়বা অসি শক্তি লৈবা মফমদগী লাক্কদবনি; লানগীদমক মতম চুপ্পদা শেম-শাদুনা লৈবা অসিনা শান্তি লাক্নবা খ্বাইদগী শাফবা লম্বেল ওইরি– ভি.পি.
মালেমগী শরুক অমা হেক্তা চাউনা অমাং অতা থোকপা অসিনা লান শোক্নরিবা লৈবাকশিং অদুদগী হেন্দোক্তুনা মালেমগী ইকনোমীদা শাফু পীরি - VP
ভি.পি. না ইন্তরনেস্নেল স্ত্রেতেজিক এঙ্গেজমেন্ত প্রোগ্রাম (IN-STEP)দা শরুক য়ারিবশিংদা ৱা ঙাংখ্রে
Posted On:
21 MAR 2024 2:26PM by PIB Imphal
উপ রাস্ত্রপতি, শ্রী জগদীপ ধনখরনা ঙসি হায়খি মদুদি “মালেমগী শান্তি, তংদু লৈতাবা অমসুং গ্লোবেল ওর্দরদা চাউনা থাজবা পীবগা” লোয়ননা ইকনোমী অমসুং তেক্নোলোজীদা ভারতনা খুমাং চাউশিনখ্রে। মহাক্না মখা তারদুনা হায় মদুদি ভারতনা মালেমগী শান্তি, তংদু লৈতবা অমসুং ইং চিকপা পুরক্নবা অমসুং লেংদনা থম্নবা ৱাখল মান্নবা লৈবাকশিংগা লোয়ননা চৎমিন্নবা ফিরেপ লৌখি।
ভি.পি.না ৱাফম অসি ঙসি উপা-রাস্ত্রপতি নিৱসতা ইন্তরনেস্নেল স্ত্রেতেজিক এঙ্গেজমেন্ত প্রোগ্রাম (IN-STEP) হৌদোকপদা শরুক য়ারিবশিংগা ৱারী শাবদা ফোঙদোকখিবনি। লৈবাক 21দগী ইন্তরনেস্নেল দেলিগেৎশিং অমসুং ভারতকী ওফিসর 8 য়াওবা চয়োল অনিগী থৌরম অসি নেস্নেল দিফেন্স কোলেজনা শিনবনি।
মহাক্কী ৱারোল পীবদা শ্রী ধনখরনা হায় মদুদি ভারত অসি হৌজিক মীওই খরনা হায়নরম্বা পোতেন্সিএল লৈবা নত্ত্রগা স্লীপিং জায়ন্ত ওইদ্রে; মসি খুমাং চাউশিল্লক্লি অমসুং খুমাং চাউশিল্লিবা অসি খাম্বা ঙমলরোই। “ভারতকী থোইদোক হেন্দোকপা গ্রোথ স্তোরী অসিনা স্কেপতিক্সশিংদগী হেন্দোকখি, মসিনা মীৎয়েং শান্না উবা ঙম্বা লুচিংবা, ইনক্লুসিব দিবেলপমেন্ত অমসুং লেংদ্রবা অখাং কনবা অদু উৎলি”, হায়না মহাক্না মখা তাখি।
ঙসিগী দাইনামিক্স জিওপোলিতিক্স মরক্তা ভারতনা অমুক্তা ওইখিদ্রিবা মওংদা খুমাং চাউশিল্লিবা অসিগী মতাংদা পল্লদুনা ভি.পি.না হায় মদুদি চাউখৎলক্লিবা ইকনোমী, হেনগৎলক্লিবা দিপ্লোমেসী অমসুং সোফ পাৱর হেনগৎলক্লিবা অসিগী মরক্তা মসিনা ভারতপু শান্তিগী শোইফদ্রবা ইকোসিস্তেম অমা পুরক্নবা ভারত্তা মালেমনা মীৎয়েং থম্মি। মহাক্না IN-STEP কোর্স অসি মাইকৈ অসিদা পাইখৎপা অচৌবা থোঙথাং অমনি ফোঙদোকখি।
মালেমগী শান্তি অমসুং সেক্যুরিতী অসি গ্রোথকীদমক মরু ওই হায়রদুনা উপ-রাস্ত্রপতিনা হায় শান্তি হায়বা অসি শক্তি লৈবা মফমদগী লাক্কদবনি। লানগীদমক মতম চুপ্পদা শেম-শাদুনা লৈবা অসিনা শান্তি লাক্নবা খ্বাইদগী শাফবা লম্বেল ওইরি, হায়না মহাক্না মখা তাখি।
মালেমগী মফম অমা হেক্তদা চাউনা অমাং-অতা থোকপা অসিনা লান শোক্নরিবা লৈবাকশিংদা নত্তনা গ্লোবেল ইকনোমী অমসুং সপ্লাই চেনশিংদা লৈবাক কয়াদা চৈথেং পীরি হায়রদুনা ভি.পি.না হায় অসিগুম্বা অচৌবা অমাং অতাগী সোল্যুসন অসি দিপ্লোমেসী অমসুং দাইলোগনা ওইগনি। “আইসোলেসন এপ্রোচ অসি মমাংঙৈগী পাম্বৈ ওইরি” হায়রদুনা ভি.পি.না অরুবা তানফম অসিদা লৈবাকশিংনা কান্নরবা দিস্কোর্সতা লৈবাকশিং নৈনবগী মথৌ তাই হায়খি।
IN-STEPনা কান্নরবা পোলিসীমেকিং অমসুং লান লোইশিন্নবগী য়ুম্ফম ওইনা ম্যুচুএল দাইলোগ অমসুং পুন্না থবক তৌমিন্ননবা ঐখোয়গী অপুনবা ফিরেপ অদু তাক্লি হায়না মহাক্না ফোঙদোকখি। থৌরম অসিদা ইন্দিয়ন আর্মদ ফোর্সেস, পেরামিলিতরী, ফোরেন সর্ভিসেস অমসুং মীরৈবাক 21গী মীহুৎশিংদগী ইনাক খুল্লবা ৱাখল্লোনশিংগী পুনশিল্লি।
থৌরম অসিদা রাজ্য সভাগী সেক্রেতরী, শ্রী রাজিৎ পুনহানি, NDCগী কম্মানদেন্ত, লেফতেনেন্ত জেনরেল এস এস দাহিয়া অমসুং IN-STEP প্রোগ্রামগী শরুক য়ারিবশিংনা শরুক য়াখি।
অমসুং পাবীয়ু : উপ-রাস্ত্রপতিনা ইন্তরনেস্নেল স্ত্রেতেজিক এঙ্গেজমেন্ত প্রোগ্রাম (IN-STEP)কী শরুক য়ারিবশিংদা থমখিবা ৱারোল
*****
(Release ID: 2016015)
Visitor Counter : 40