2023-24 ఆర్థిక సంవత్సరంలో సరకు రవాణా వ్యాపారం, మొత్తం రాబడి,పట్టాలు వేయడంలో  తన చరిత్రలో నూతన రికార్డు నెలకొల్పడానికి  భారతీయ రైల్వే సిద్ధంగా ఉంది. 
తాజా సమాచారం ప్రకారం ఈ రోజు 2024 మార్చి 15 నాటికి రైల్వే ద్వారా జరిగిన సరుకు రవాణా  1500 ఎంటీ  దాటింది.  ఇంతకుముందు 2022-23 ఆర్థిక సంవత్సరంలో రైల్వే  1512  ఎంటీ  సరుకు రవాణా చేసి రికార్డు సృష్టించింది. ఈ రికార్డును 2023-24 ఆర్థిక సంవత్సరంలో ఇప్పటికే రైల్వే అధిగమించింది. 
ప్రస్తుత  2023-24 ఆర్థిక సంవత్సరంలో భారతీయ రైల్వే మొత్తం ఆదాయం  2024 మార్చి 15 నాటికి   రూ. 2.40 లక్షల కోట్లకు చేరింది. గత ఏడాది మార్చి 15 నాటికిమొత్తం ఆదాయం రూ. 2.23 లక్షల కోట్లుగా ఉంది. గత ఏడాదితో పోల్చి చూస్తే ప్రస్తుత ఆర్థిక సంవత్సరంలో రైల్వే ఆదాయం   17000 కోట్ల వరకు పెరిగింది. ప్రస్తుత  2023-24 ఆర్థిక సంవత్సరంలో భారతీయ రైల్వే మొత్తం వ్యయం రూ. 2.26 లక్షల కోట్ల వరకు ఉంది. .

 2023-24 ఆర్థిక సంవత్సరంలో  ప్రయాణించిన మొత్తం ప్రయాణీకుల సంఖ్య 648 కోట్లుగా ఉంది, గత సంవత్సరం ఇదే కాలానికి చెందిన గణాంకాలతో పోలిస్తే  ప్రయాణీకుల సంఖ్య   52 కోట్ల వరకు పెరిగింది. గత ఏడాది మొత్తం ప్రయాణీకుల సంఖ్య 596 కోట్లు.
2024 మార్చి 15 నాటికి  భారతీయ రైల్వే 5100 కిలోమీటర్ల పొడవునా రైల్వే మార్గం నిర్మించింది.  ప్రస్తుత ఆర్థిక సంవత్సరంలో  సగటు రోజువారీ పట్ల వేయడం  రోజుకు 14 కిలో మీటర్లకు మించి ఉంది. 

***