প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা রিএদজস্তমেন্ত ওফ রিপ্রজেন্তেসন ওফ সিদ্যুল্দ ত্রাইব্স ইন এসেমব্লী কন্সতিত্যুএন্সিজ ওফ দি স্তেত ওফ গোৱা বিল, ২০২৪ পার্লিয়ামেন্ততা পুথোক্নবা লো অমসুং জস্তিস মন্ত্রালয়গী ৱাফম অয়াবা পীখ্রে‍।

গোৱা স্তেত্তা সিদ্যুল্দ ত্রাইবশিংগী সংবিধান্না পীরিবা মঙমশিং ঙাক্তুনা থম্বা য়াহন্নবগীদমক, ইলেক্সন কম্মিসনবু দিলিমিতেসন ওফ পার্লিয়ামেন্তরী এন্দ এসেমব্লী কন্সতিত্যুএন্সী ওর্দর, ২০০৮ শেমদোক্নবা অমসুং গোৱা স্তেতকী লেজিস্লেতিব এসেমব্লীগী সীতশিং স্তেত অসিগী সিদ্যুল্দ ত্রাইবশিংগীদমক শিন্দোক শিঞ্জিন তৌহন্নবা মতিক হাপ্নবা লো অমা চৎনহনবা মথৌ তাই‍।

প্রপোজ তৌরিবা বিল অসিগী মচং ওইবা ৱাফমশিংদি:

(১) মসিনা সেন্সস কম্মিস্নরবু সেন্সস ২০০১ ফোঙখ্রবা মতুংদা সিদ্যুল্দ ত্রাইবশিংনি হায়না লাউথোকখ্রবা ত্রাইবশিংগী মীশিংগী ফিগর য়েংলগা গোৱা স্তেত্তা সিদ্যুল্দ ত্রাইবশিংগী মীশিং খঙদোক্নবা অমসুং লেপথোক্নবা মপাঙ্গল পীরি‍। সেন্সস কম্মিস্নরনা খঙদোকপগী অমসুং লেপথোকপগী মতুং ইন্না গেজেত ওফ ইন্দিয়াদা খেন্নবা মীশিংগী ফিগর ফোঙদোক্কনি অমসুং মদুগী তুংদা, ফোঙদোক্লিবা সংবিধানগী আর্তিকল ৩৩২গী মতুং ইন্না সিদ্যুল্দ ত্রাইবশিংদা চুনবা রিপ্রজেন্তেসন ফংহন্নবগী পান্দমদা মীশিংগী ফিগরদুনা অরোইবা ফিগরনি হায়না লৌগনি অমসুং মমাঙদা ফোঙখিবা ফিগর পুম্নমক্কী মথক্তা লৈগনি‍।

(২) মসিনা লেজিসলেতিব এসেমব্লীদা লৈরিবা কন্সতিত্যুএন্সীশিং শিন্দোক শিঞ্জিন তৌদুনা গোৱাগী লেজিসলেতিব এসেমব্লীদা সিদ্যুল্দ ত্রাইবশিংগী মতিক চাবা রিপ্রজেন্তেসন লৈহন্নবগীদমক ইলেক্সন কম্মিসনবু দিলিমিতেসন ওফ পার্লিয়ামেন্তরী এন্দ এসেমব্লী কন্সতিত্যুএন্সী ওর্দর, ২০০৮দা মথৌ তাবা শেমদোক শেমজিন তৌনবা মপাঙ্গল হাপকনি‍।

(৩) ইলেক্সন কম্মিসন্না সিদ্যুল্দ ত্রাইবশিংগী রিভাইজ তৌরবা মীশিংগী ফিগর লৌখৎকনি অমসুং সংবিধানগী আর্তিকল ১৭০ অমসুং ৩৩২, লোয়ননা দিলিমিতেসন এক্ত, ২০০২গী সেক্সন ৮গী মখাদা পীরিবা ৱাফমশিং মতুং ইসন্না লেজিসলেতিব এসেমব্লী কন্সতিত্যুএন্সীশিং শিন্দোক শিঞ্জিন তৌগনি‍।

(৪) লেজিসলেতিব এসেমব্লী কন্সতিত্যুএন্সীশিং শিন্দোক শিঞ্জিন তৌনবগীদমক, ইলেক্সন কম্মিসন ওফ ইন্দিয়ানা মশাগী ওইবা থৌওং লেপচগনি অমসুং মসিদা সিভিল কোর্ত অমূগী অকক্নবা মতিকশিং লৈগনি‍।

(৫) মসিনা ইলেক্সন কম্মিসন্দা দিলিমিতেসন ওর্দরদা শেমদোক্লিবশিং অমসুং মসি চৎনবা হৌবগী তাং গেজেত্তা ফোঙবগী মপাঙ্গল পীরি‍। শেমদোক্লবা দিলিমিতেসন ওর্দর অসিনা হৌজিক লৈরিবা লেজিসলেতিব এসেমব্লী শেম্বগী মওং মতৌশিং মসি থুপচিনদ্রিবা ফাওবা কায়হল্লোই‍।

(৬) প্রপোজ তৌরিবা বিল অসিনা ইলেক্সন কম্মিসন্দা হায়রিবা দিলিমিতেসন ওর্দর অসিদা মথৌ তাবা, অশোয়বশিং চুমথোক চুমশিন তৌনবা মপাঙ্গলসু পীরি‍।

***