مرکزی وزیر جناب انوراگ ٹھاکر نے آج کہا ہے کہ حکومت نے خود اپنی دفاعی صلاحیتوں کو بڑھانے کا عزم کیا ہے۔ ہندوستان کی دفاعی پیداوار اس وقت ایک لاکھ کروڑ روپے کی ہے اور دفاعی برآمدات سولہ ہزار کروڑ روپے کی ہے۔ انہوں ن ے مزید کہا کہ یہ برآمداتی مالیت آئندہ دو برسوں میں بڑھ کر چالیس ہزار کروڑ روپے ہو جائے گی۔

تاہم وزیر موصوف نے کہا کہ جنگ ہر ملک کے لئے تباہ کن ہے اور ہندوستان سے زیادہ اچھی طرح یہ بات اور کون جان سکتا ہے، جسے چا ر مرتبہ جنگ میں دھکیلا جا چکا ہے۔ آ ج نئی دلی میں ایک کتاب کی رسم اجراء کے موقع پر اظہار خیال کرتے ہوئے انہوں نے وزیراعظم جناب نریندر مودی کے اس بیان کو دوہرایا کہ یہ وقت جنگ کا نہیں، بلکہ تبادلۂ خیال اور مذاکرات کا ہے۔

وزیر موصوف نے کہا کہ اسرائیل نے ایک قوم کی حیثیت سے دشوار حالات جھیلے ہیں اور اس کے باوجود وہ طاقت کی ایک تابناک علامت بن کر ابھرا ہے ، جو اختراع کے میدان کا قائد ہے۔ انہوں نے کہا کہ دوسری جنگ عظیم کے بعد ہولوکاسٹ کے خوفناک مرحلے سے نکل کر اب اسرائیل ایک ایسا ملک ہے، جو اپنے پیروں پر کھڑا ہے۔

***

ش ح۔ ع س۔ ک ا