গুজরাতকী রাজ্যপাল আচার্য় শ্রী দেবব্রতজী, মুখ্য মন্ত্রী শ্রী ভুপেন্দ্র ভাই পতেলজী, মন্ত্রী মন্দলগী রেলৱে মন্ত্রী অশ্বিনী বৈশ্নোজী, পার্লিয়ামেন্তগী মরুপ অমসুউং গুজরাত প্রদেশ ভারতীয় জনতা পার্তীগী প্রসিদেন্ত শ্রী সি.আর. পতিল, অমসুং লৈবাক অসিগী মফম খুদিংমক্তগী য়াওরক্লিবা রাজ্যপাল পুম্নমক, ইকাই খুম্নরবা মুখ্য মন্ত্রীশিং, এম.পি.শিং, এম.এল.এ.শিং, মন্ত্রীশিং অমসুং ঐগী মাংদা স্ক্রীনদা উরিবা থৌরম অসিদা শরুক য়ারিবা মীওই লাখ কয়া মফম 700 হেনবদগী শরুক য়ারিবশিং, মসি রেলৱেজকী পুৱারীদা ভারতকী মফম খুদিংমক্তা অমুক্তংদা পাঙথোকপা অচৌবা থৌরম অমা ওইরি। থৌরম অসি চহি চামা অসিদা অহানবা ওইনা পাঙথোক্লি। ঐহাক্না অচৌবা থৌরম অসিগীদমক রেলৱেজতা নুংঙাইবা ফোঙদোকচরি।

চাউখৎপা ভারত অমগীদমক ইন্নোভেসনগী থবক পাইখৎলক্লিবা অসি লেপ্পা লৈতনা হেনগৎলক্লি। লৈবাক্কী মফম খুদিংদা প্রোজেক্তশিং শঙ্গারি, অনৌবা স্কিমশিং হৌদোক্লি। করিগুম্বা ঐহাক্না 2024গী চহিসি খক্তগী হায়রগনু মসি হৌখিবা নুমিৎ 75 শুবতা ঙাইরি, মসিগী নুমিৎশিং অসিদা লুপা করোর লাখ 11গী প্রোজেক্তশিং শঙ্গাখি অমসুং উরেপ-উয়ুং তমখি। অমসুং হৌখিবা নুমিৎ 10-12 অসি খক্তদনা করোর লাখ 7রোমগী প্রোজেক্তশিং হৌদোকখ্রে। ঙসিগী থৌরম অসি ভিকসিৎ ভারতকী পান্দম ফংনবা হোৎনবদা য়াম্না মরু ওইবা খোঙথাং অমনি। থৌরম অসিদা লুপা করোর লাখ অমগী প্রোজেক্তশিং শঙ্গাখি অমসুং উরেপ-উয়ুং তমখি।

অমসুং অদোমনা য়েংবীয়ু, ঙসি লৈবাক অসিদা রেলৱেজকী লুপা করোর 85,000 রোমগী প্রোজেক্তশিংসু কত্থোকখি। মসিগী মতুংদা মতম য়াম্না লৈত্রে, ঐহাক্না চাউখৎ-থৌরাংগী খোঙজেল থিন্থহনবা পামদ্রে। অমসুং ঙসি লুপা করোর 20,000 হেনবগী দহেজতা পেত্রোনেৎ LNGগী পেত্রোকেমিকেলস কমপ্লেক্সকী উরেপ-উয়ুং তমখি। প্রোজেক্ত অসিনা হাইদ্রোজেন পুথোকপা অমসুং লৈবাক অসিদা পোলিপ্রোপিলিনগী দিমান্দ শাহৌ পীবদা মতেং পাংলগনি। ঙসি অসিমক মহারাস্ত্র অমসুং গুজরাত্তা এক্তা মোলশিংগী উরেপ-উয়ুং তমখি। এক্তা মোলশিং অসিনা ভারতকী কোত্তেক ইন্দস্ত্রী অমসুং হেন্দিক্রাফিং লৈবাক্কী কাচিন কোয়া খুদিংমক্তা য়ৌহনবা ঙমগনি, মসিনা সরকারগী ভোকেল ফোর লোকেলগী মিসন মপাঙ্গল কনখৎহনগনি অমসুং ভিকসিৎ ভারতকী য়ুম্ফম চেৎশিনহনগনি অমসুং মসিদা ঐখোয়না ‘এক ভারত স্রেস্থ ভারত’গী য়ুম্ফম থোনবসু উবা ফংগনি।

প্রোজেক্তশিং অসিগীদমক ঐহাক্না ইরৈবাকচাশিংদা নুংঙাইবা ফোঙদোকচরি। অমসুং ঐহাক্না ঐগী নহা ওইরিবা মরুপশিংদা হায়জনীংবা পাম্বদি ভারত অসি নৌরিবা লৈবাক অমনি, লৈবাক অসিদা নহারোল মশিং য়াম্না লৈ ঐহাক্না ঐগী নহা ওইরিবা মরুপশিংদা অখন্ননা হায়জনীংবদি ঙসি শঙ্গারিবশিং অসি নখোয়গী ঙসিগীদমক্তনি অমসুং ঙাই উরেপ-উয়ুং তম্মিবা অসিনা নখোয়গী অফবা তুংলমচৎকী গরেন্তী ওইরি।

মরুপশিং,

নীংতম্বা ফংলবা মতুংগী সরকারশিংনা রাজনিতীবু মরু ওইনা লৌখিবগী মওংশিংনা ইন্দিয়ন রেলৱেজ অসি মসিগী অচৌবা ভিক্তিম অমা ওইহনখি। 2014গী মমাংদা রেলৱে বজেৎ 25-30 অসি হান্না য়েংবীয়ু। লৈবাক অসিগী পার্লিয়ামেনতদা রেলৱে মন্ত্রীনা করি হায়খি? মদুদী মফম অদুদা য়ৌহনগনি। ঐখোয়গী বোক্স 6 লৈরিবা অসি 8 ওইহল্লগনি। ত্রেন য়ৌরবসু মদু চাউখৎহন্নবা মাংদা চংশিন্নবা থবক তৌরমখিদে অসুম্না 21শুবা চহিচা ফাওবা ঝল্লবদি করি ওইরমগনি? অমসুং ঐহাক্না অহানবদা তৌবা অসি রেলৱে বজেৎ জেনরেল বজেৎতা হাপচিনখিবা অসিনি। মসিনা মরম ওইদুনা জেনরেল বজেৎতগী রেলৱেগী চাদিং তৌবা ঙমহনখি।

দিকেদশিং অসিদা চাং নাইদবা, ওইরম্বা ফীভম উখ্রে। প্লেৎফোর্মদা করম্বা ত্রেন লৈরি হায়বা ফাওবা য়েংদে, মসি কয়াম থেংনবা লাকপগে মীয়াম্না উবা ফংখি। মতম অদুদা য়ুমদা মোবাইল লৈতে মখোয়না স্তেসনদা চৎলবা মতুংদা থেংলে হায়বা উবা ফংই। মরী মরাশিংদা ত্রেন লাক্ত্রে ঙাইরম্মু হায়নৈ, মদুসু লাকনি লাক্লোই খঙদে, লাক্তবা তারগনা য়ুমদা অমুক হল্লি। লুনানবা, শাফবা, খুদোংচাব, পুম্নমক অসি পেসেঞ্জরগী মরাইবকনি খনদোকই।

2014দা চহি 10গী মমাংদা অৱাং নোংপোক্কী কোনুং তরুক্তা রেলৱে কন্নেক্তিবিতী য়ৌহনবা ঙমখিদে অমসুং অনমেন রেলৱে ক্রোসিং 10,000 হেন্না লৈরমখি অমসুং রেলৱে লাইন চাদা 35 খক্তা ইলেক্ত্রিফাইদ তৌখি অমসুং রেলৱে রিজর্বেসনশিং অসি শেঞ্জা-থুমজানা মাংহনখি অমসুং ক্যু শাংনা লেপলমখি। ফীভম অসিদা মীকুপ খুদিং কনানা অৱাবা মায়োক্নৈ? কনানা চৈথেং নংলি…” ঐখোয়গী লৈবাক্কী মীচম প্রজা, মিদ্দল ক্লাসকী ইমুং, অপিকপা লৌমীশিং, অপিকপা ওন্তপ্রিনোরশিংনি। অদোম নীংশিংলিব্রা, রেলৱে রিজর্বেসনগী ফীভম অসি কমদৌরমখি। লাইন শাংনা লেপ্পা, ব্রোকরেজ, কম্মিসন, পুং কয়া লেপ্পা। মীয়াম্না খনখি ফীভম অসি অসুম্না তৌরবনিনা করিগুম্বা অমা লৈরে।  

মরুপশিং,

ঐখোয়গী সরকারনা ফত্রবা ফীভমশিং অসিদগী রেলৱেজ ফগৎহন্নবা হোৎনখি। হৌজিক রেলৱেজকী চাউখৎ-থৌরাং অসি সরকারগী মরু ওইবশিংদা চল্লি। 2014দগী বজেৎ শরুক তরুক হেনগৎহনখি অমসুং প্রজাশিংদা মথংগী চহি 5দা রেলৱেজকী অওনবা অসি ৱাখলনা লামবা ফংলরোই। ঙসিগী নুমিৎ অসি মসিগী শক্তি অসিগী খুদমনি। লৈয়াক্কী নহারোলন লৈবাক অসি করম্বা মখল ওইগনি অমসুং করম্বা মখলগী রেলৱে পাম্মি লেপকদবনি। চহি 10গী থবক অসি শপ্নগী ত্রেলরনি। তুংদা লম্বী শাংনা লৈরি। ঙসি গুজরাত, মহারাস্ত্র, য়ু.পি., উত্তরাখন্দ, কর্নাতকা, তমিল নাদু, দিল্লী, এম.পি., তেলঙগানা, আন্ধ্র প্রদেশ, বিহার, ঝারঝন্দ, ৱেস্ত বেঙ্গল, ওরিশা রাজ্য অয়াম্বদা ভন্দে ভারত ত্রেনশিং চেনখিবতা নত্তনা মসিগী মশিং সেনচুরী য়ৌখ্রে। ভন্দে ভারত নেৎৱার্কনা লৈবাক অসিগী জিলা 250 য়ৌরে। মীয়ামগী অপাম্বশিংগী মতুং ইন্না ভন্দে ভারতকী রুৎশিং শাংদোকহনখি। অহমদাবাদ-জামনগর ভন্দে ভারত ত্রেন্না হৌজিক দ্বারকা য়ৌরগনি। অমসুং ঐহাক্না দ্বারকাদা স্নান তৌরুরগা লাকপদা ঙাইরি। অজমের-দিল্লী সরাই রোহিল্লা ভন্দে ভারত এক্সপ্রেসনা হৌজিক চান্দিগর য়ৌরগনি। গোরাখপুর-লখনৌ ভন্দে ভারত এক্সপ্রেসনা হৌজি প্রয়াগরাজ য়ৌরগনি। অমসুং হন্দক্তা কুম্ভ মেলাসু পাঙথোক্কদৌরি মরম অসিনা মসিগী মরু ওবসু হেনগৎলক্লি। তিরুবনন্থাপুরম-কসরগোদ ভন্দে ভারত ত্রেন অসি মেঙ্গলুরু ফাওবা য়ৌহনখ্রে।

মরুপশিং,

রেলৱেজনা লৈবাক অসিবু চাউখৎপা অমসুং শেন্মীৎলোনদা কম্পিতেন্ত ওইহনবদা মরু ওইবা থৌদাং লৌরি। মরম অসিনা রেলৱেদা অওনবা পুরক্লিবা অসি ভিকসিৎ ভারতকী গরেন্তীনি। রেলৱে ত্রেকশিং খোঙজেল য়াংনা শেম্মিবা, রেলৱে স্তেসন 1300 হেন্না নৌনা শেমগৎখিবা, ভন্দে ভারত, নমো ভারত অমসুং অমৃত ভারতগুম্বা নেক্স-জেনরেসন ত্রেনশিং লমথাবা অমসুং মোদর্নাইজ রেলৱে ইঞ্জিনশিং অমসুং কোচ ফেক্তরীশিং হৌদোকখি। পুম্নমক অসিনা 21শুবা চহিচাদা ইন্দিয়ন রেলৱেজকী শক্তমদা অওনবা পুরক্লি।

মরুপশিং,

গতী শক্তি কার্গো তর্মিনেল পোলিসীগী মখাদা কার্গো তর্মিনেল শাবা অসি পাকথোক-চাউথোকহনখি। মসিনা কার্গো তর্মিনেল শাবা খোঙজেল য়াংশিনহনখি। লেন্দ লীসিং পোলিসী অসি লাইথোকহনখি। মসি ত্রান্সপরেন্সী লৈহন্নবা ওনলাইন ওইহনখি। লৈবাক অসিগী ত্রান্সপোর্তেসন সেক্তর মপাঙ্গল কনখৎহন্নবা, গতী শক্তি য়ুনিভরর্সিতী লিংখৎখি। ঐখোয়না ইন্দিয়ন রেলৱেগী মোদর্নাইজেসনগা মরী লৈনবা থবক মখা চত্থখি অমসুং অনমেন ক্রোসিং লৌথোকপা অমসুং ওতোমেতিক  সিগনেলিং সিস্তেমশিং ইনস্তোল তৌবগী প্রোজেক্তশিং পাইখৎখি। ঐখোয়না লৈবাক অসিনা চাদা 100 ইলেক্ত্রিফিকেসন তৌনবা মাইকৈদা চংশিল্লি। সোলর-পাৱর স্তেসনশিং অমসুং জন ঔশাধি কেন্দ্রশিং স্তেসনশিং অসিদা শেমগৎলি।

অমসুং মরুপশিং,

রেলৱে ত্রেনশিং, ত্রেকশিং অমসুং স্তেসনশিং মেন্যুফেকচরিং তৌবা অসিনা মেদ ইন ইন্দিয়াগী ইকোসিস্তেম অমা শেমগৎলি।  মেদ ইন ইন্দিয়া লোকোমোতিব অমসুং কোচশিং অসি শ্রী লঙ্কা, মোজমবিক, সেনেগল, ম্যান্মার, অমসুং সুদানগুম্বা লৈবাকশিংদা এক্সপোর্ত তৌরি। মেদ ইন ইন্দিয়া সেমি হায়-স্পীদ ত্রেনশিংগী দিমান্দ অসিনা অসিগুম্বা ফেক্তরী কয়া থোকহনবা ঙমগনি। রেলৱে নৌনা শেমগৎপা, অনৌবা ইনভেস্তমেন্তশিংনা অনৌবা থবক্কী খুদোংচাবশিং পীরি।

মরুপশিং,

মীওই খরনা ইলেক্ত্রোরেল লেন্সকী খুত্থাংদা ঐখোয়গী খোঙথাংশিং অসিদা য়েংনবা হোৎনরি। ঐখোয়গীদমক্তা চাউখৎ-থৌরাংগী প্রোজেক্তশিং অসি সরকার শেম্নবা নত্তে মসি লৈবাক শেমগৎনবা মিসন অমনি। মমাংগী মীরোলনা থেংনখিবা অৱাবা অদু মথংগী মীরোলনা থেংনররোই অমসুং ‘মসি মোদীগী গরেন্তীনি।

মরুপশিং,

BJPগী হৌখিবা চহি 10দা চাউখৎ-থৌরাংগী অতোপ্পা খুদম অসি ইস্তর্ন অমসুং ৱেস্তর্ন দেদিকেতেদ ফ্রৈত কোরিদোরশিং খুদোল তমখিবা অসিনা ওইরি। পোৎ পুবা ত্রেনশিংগীদমক তোখাইবা ত্রেক অসিনা খোঙজেল হেনগৎহনগনি অমসুং মসি লৌউ-শিংউ, ইন্দস্ত্রী, এক্সপোর্ত অমসুং বিজিনেসকীদমক মরু ওই। হৌখিবা চহি 10 অসিদা ইস্ত অমসুং ৱেস্ত কোস্তশিং শম্নহল্লিবা ফ্রৈত কোরিদোর অসি শাবা লোইশিনখি। ঙসি ফ্রৈত কোরিদোরগী কিলোমীতর 600 রোম শঙ্গাখি অমসুং অহমদাবাদতা ওপরেসন কন্ত্রোল সেন্তর শঙ্গাখি। সরকারগী খোঙথাংশিংনা মরম ওইরগা পোৎ পুবা ত্রেনশিংগী খোঙজেল অসি কোরিদোর অসিদা শরুক অনি হেন্না হেনগৎহনখি হায়না মহাক্না ফোঙদোককি। ইন্দস্ত্রিএল কোরিদোর অসি অপুনবা কোরিদোরদা শেমগৎখি। ঙসি, রেলৱে গুদস শেদ, গতী শক্তি মলতিমোদেল কার্গো তর্মিনেল, দিজিতেল কন্ত্রোল স্তেসন, রেলৱে ৱার্কশোপ, রেলৱে লোকো শেদ অমসুং রেলৱে দিপোৎ মফম কয়াদা শঙ্গাখি। মসিনা ফ্রৈত ত্রান্সপোর্তেসনদা য়াম্না অফবা কান্নবা পীরগনি।

মরুপশিং,

ঐখোয়গী মীৎয়েংদি ইন্দিয়ন রেলৱেজ অসি আর্ত্মনির্ভর ভারতকী অনৌবা মেদিয়ম অমা ওইহনবনি। ঐহাক্না ভোকেল ফোর লোকেলগী প্রমোতর অমা ওইরি মরম অসিদা ভোকেল ফোর লোকেলগী শক্তি লৈরবা মেদিয়ম অমা ওইরি। লৈবাক্কী বিশ্বাকর্মা, হেন্দিক্রাফকী মীওইশিং অমসুং নুপী সেল্ফ-হেল্প গ্রুপশিংনা শাবা প্রদক্তশিং অসি ৱান স্তেসন ৱান প্রদক্ত স্কিমগী মখাদা রেলৱে স্তেসনশিংদা য়োল্লগনি মসিদা স্তোল 1500 হাংখিবা লৈখ্রে। মসিনা লায়রবা ইচিল-ইনাওশিংদা চাউনা কান্নবা ফংহল্লি।

মরুপশিং,

ইন্দিয়ন রেলৱেজনা রিজনেলগী নাৎ অমসুং লাইনীংগা মরী লৈনবা তুরিজম প্রমোৎ তৌরি অমরোমদা চাউখৎপগা লোয়ননা হেরিতেজ য়োকখৎপগী মন্ত্র অদু ঙাক্না চৎলি। ঙসি ভারত গৌরব ত্রেনশিং রামায়ন সির্কিৎ, গুরু-কৃপা সির্কিৎ, অমসুং জেন য়াত্রাদা চেল্লি অমরোমদা আস্থা স্পেসিএল ত্রেন্না লৈবাক অসিগী কাচিন কোয়া খুদিংমক্তগী শ্রী রামগী ভক্তাশিংবু অয়োধ্যাদা পুরি। আস্থা ত্রেন 350রোমনা অয়োধ্যাদা রামলল্লা দর্শন তৌনবগীদমক ভক্তা লাখ 4.5 হেন্না চেল্লি।

মরুপশিং,

ইন্দিয়ন রেলৱেজনা মোদর্নিতীগী খোঙজেলদা মাংদা মখা তানা চংশিনগনি। মসি মোদীগী গরেন্তীনি। চাউখৎ-থৌরাংগী নুংঙাইবা ফোঙদোকপা অসি ইরৈবাকচা পুম্নমক্কী মতেংগা লোয়ননা মখা চত্থখিগনি। অমুক হন্না মুখ্য মন্ত্রী, রাজ্যপাল পুম্নমক অমসুং মাংদা লেপ্পীবা, ফম্মিবা মীওইশিং অমসুং মফম 700 হেনবদগী থৌরম অসিদা শরুক য়ারিবশিংদা ঐহাক্না থাগৎপা ফোঙদোকচরি অমসুং অয়ুক পুং 9-9:30দা থৌরম পাঙথোকপা অসি অরাইবা থবক নত্তে। অদুবু লৈবাক্কী মীয়ামগী ৱাখল অসি চাউখৎ-থৌরাংগা কন্নেক্ত তৌরি। মসিনা শক্তম অসি উবা ফংলিবনি। থৌরম অসিদা মশিং য়াম্না থোরক্তুনা শরুক য়ারিবশিং মখোয়না চাউখৎ-থৌরাং এক্সপরিয়েন্স তৌরি, মসিগী অনৌবা শাফু অসি জিলা 700তা লাক্লি। পুম্নমকপু অমুক হন্না ঐহাক্না থাগৎপা ফোঙদোকচরি। কাইনরি। খুরুমজরি।

***