وزیر اعظم جناب نریندر مودی 14 مارچ کو شام 5 بجے دہلی کے جے ایل این اسٹیڈیم میں پی ایم سواندھی اسکیم کے استفادہ کنندگان سے خطاب کریں گے۔ وہ اس موقع پر دہلی کے 5,000 خوانچہ فروشوں   سمیت 1 لاکھ اسٹریٹ وینڈرس (ایس وی ) کو اسکیم کے تحت قرض بھی تقسیم کریں گے۔ وزیر اعظم اس پروگرام کے دوران دہلی میٹرو کے فیز 4 کے دو اضافی کوریڈورز کا سنگ بنیاد بھی رکھیں گے۔

پسماندہ طبقوں کو معاشی مدد فراہم کرنے کے وزیر اعظم کے وژن کی رہنمائی میں، پی ایم  سوانیدھی  کا آغاز یکم جون 2020 کو وبائی امراض کی وجہ سے پیدا ہونے والے عالمی معاشی بحران کے درمیان کیا گیا تھا۔ یہ سڑک فروشوں کی پسماندہ برادریوں کے لیے تبدیلی کا باعث ثابت ہوا ہے۔ اب تک، 82 لاکھ سے زیادہ کا قرض، جس کی رقم 10,978 کروڑ روپے سے زیادہ ہے، ملک بھر میں 62 لاکھ سے زیادہ اسٹریٹ وینڈرز کو تقسیم کیے گئے ہیں۔ اکیلے دہلی میں ہی  تقریباً 2 لاکھ قرضوں کی تقسیم کا مشاہدہ کیا گیا ہے، جس کی رقم 232 کروڑ روپے ہے۔ یہ اسکیم ان لوگوں کے لیے مالی شمولیت اور مجموعی فلاح و بہبود کی علامت بنی ہوئی ہے جو تاریخی طور پر محروم رہے ہیں۔

پروگرام کے دوران، وزیر اعظم دہلی میٹرو کے دو اضافی کوریڈورز: لاجپت نگر - ساکیت-جی بلاک اور اندرلوک - اندرا پرستھ کا سنگ بنیاد بھی رکھیں گے۔ یہ کوریڈورز مل کر 20 کلومیٹر سے زیادہ لمبائی کے ہوں گے اور رابطے کو بہتر بنانے اور ٹریفک کی بھیڑ کو مزید کم کرنے میں مدد کریں گے۔

لاجپت نگر سے ساکیت جی بلاک کوریڈور کے اسٹیشنوں میں شامل ہوں گے: لاجپت نگر، اینڈریوز گنج، گریٹر کیلاش - 1، چراغ دہلی، پشپا بھون، ساکیت ڈسٹرکٹ سینٹر، پشپ وہار، ساکیت جی - بلاک۔ اندرلوک – اندرا پرستھ راہداری کے اسٹیشنوں میں اندرلوک، دیا بستی، سرائے روہیلا، اجمل خان پارک، نبی کریم، نئی دہلی، ایل این جے پی اسپتال، دہلی گیٹ، دہلی سچیوالیا، اندرا پرستھ شامل ہوں گے۔

*****************

ش ح ۔ا م۔م ص۔

U:6066