জয় হিন্দ !

জয় হিন্দ !

জয় হিন্দ !

অরুনাচল প্রদেস, মনিপুর, মেঘালয়, নাগালেন্দ, সিক্কিম অমসুং ত্রিপুরাগী রাজ্যপালশিং অমসুং চীফ মিনিস্তরশিং, কেন্দ্রগী মন্ত্রীমন্দগী ঐগী মরুপশিং, রাজ্যশিংগী মিনিস্তরশিং, এম.পিশিং, এম.এল.এশিং, অতোপ্পা মীয়ামগী মীহুৎশিং অমসুং রাজ্যশিংগী ঐগী নুংশিরবা ইনাওশিং অমসুং ইচলশিং !

লৈবাক শীনবা থুংনা বিকসিত রাজ্য বিকসিত ভারত’কী কুহ্মৈ অমা হরাও-তয়াম্না পাংথোক্লি। হৌজিক চৎথরিবা কুহ্মৈ অসি বিকসিত রাজ্যদগী বিকসিত ভারত ওইহন্নবা কুহ্মৈনি। মীয়াম মশিং য়াম্না শরুক য়াবদা ঐ অপেনবা ফাওই। মসিগী মথক্তা মনিপুর, মেঘালয়, নাগালেন্দ, সিক্কিম অমসুং ত্রিপুরাগীদগী মীওই লিশিং কয়া থৌরম অসি তেক্নোলোজগী মতেংনা শরুক য়ারি। অৱাং-নোংপোক চাউখৎহন্নবগীদমক অদোম ঐনা থম্মোয় শেংনবা থাগৎপা ফোঙদোকচরি। ঐ অরুনাচল প্রদেসতা কয়ারক চৎখ্রে, অদুবু ঙসিগী অসিনা অখন্নবা অমনি। ঐনা য়েংখিবা মফম খুদিংদা, ঐনা মীয়ামগী সমুদ্র অমা উরে, মসিদা মশিং য়াম্লবা ইমাশিং অমসুং ইচলশিং য়াওরি অমসুং অঙকপা ফিবম অমা ওইরে। বিকসিত অৱাং-নোংপোক্কীদমক অৱাং-নোংপোক্কী মীয়ামদা অনৌবা হরাওবা উবা ফংলে। থবক অসিগীদমক নারী শক্তিগী মতেং ফংবদা ঐনা তৌবীমল খঙবা উৎচরি।

মরুপশিং

“অৱাং-নোংপোক অসি ভারতকী অস্তালক্ষমী’ নি। লমদম অসি খা অমসুং খা-নোংপোক এসিয়াগা শম্নদুন তুরিজম, ললোন-ইতিক অমসুং নাৎকী মরীশিংগী অকনবা মরী অমা লৈনরি। ঙসি লুপা করোর ৫৫,০০০ রোমগী প্রোজেকশিং হৌদোক্লে। অরুনাচল প্রদেসতা ইমুং লিশিং কয়া মখোয়গী পাক্কাগী য়ুমশিং ফংলে, অরুনাচল অমসুং ত্রিপুরাদা ইমুং লিশিং কয়া তোতি ঈশিং ফংলে অমসুং লমদম অসিগী রাজ্য কয়াদা লম্বী-থোংগা মরী লৈনবা প্রোজেকশিং পায়খৎলে। বিকসিত নোর্থইস্ত অমগী গরেন্তিগা লোয়ননা লাইরিক-লাইশু, লম্বী, রেলৱেজ, ইনফ্রাস্ত্রকচর, হোস্পিতালশিং অমসুং তুরিজমগী প্রোজেকশিং পায়খৎলে। হৌখিবা চহি ৫দা কাইথোকখিবা ফন্দশিং অসি মমাঙগী মতমদগী শরুক মরি হেল্লে। মাইপাক্নবা হোৎনবদা কংগ্রেসনা চহি ২০ চঙনা হোৎনখিবা অদু ঐখোয়না চহি ৫দা পাংথোক্লে। ঐখোয় চহি ২০ ঙাইগদৌরিবরা ? অদোম মোদীগী থবকশিংদা অপেনবা ফাওবরা?

মরুপশিং,

অৱাং-নোংপোক্কী য়েংলগা কেন্দ্র সরকারনা মিসন প্লাম ওইল পায়খৎলে অমসুং মিসন অসিগী মখাদা অহানবা থাউগী মিল ঙসি শঙ্গারে। মিসন প্লাম ওইলনা ভারতনা অচাথাউগী লমদা অত্মানির্ভর ওইহল্লগনি অমসুং লৌমীশিংগী শেন্থোক হেনগৎহল্লগনি। লৌমীশিংগী প্লাম থাবগীদমক ঐনা থাগৎপা ফোঙদোকচরি।

মরুপশিং,

অদোম মোদীগী গরেন্তিগী মরমদা য়াম্না তোইনা তারে, মসিদা তশেংনা করি তাক্লিবগে ? অরুনাচল প্রদেসতা লাকপীয়ু, কমদৌনা মোদীগী গরেন্তি থবক ওইনা পাংথোকপগে হায়বা য়েংবীয়ু। লমদম অসিদা চাউখৎ-থৌরাংগী থবকশিং পায়খৎতুনা অৱাং-নোংপোক শীনবা থুংনা মোদী কি গরেন্তিগী ৱাহন্থোক খঙলে। মহাক্না ২০১৯দা উরেপ-উয়ুং তমখিবা সেলা তন্নেল অমসুং দোনি পোলো এয়রপোর্ত শঙ্গারে। ওইনিংবা মতম, থা নত্ত্রগা চহি ওইগেরা,  লৈবাক্কীদমক অমসুং লৈবাক্কী মীয়ামগী য়াইফনবা মোদীনা থবক পাংথোক্লি। কনাগুম্বা খরনদি মসি মীখল খক্তগী য়েংলগা পায়খৎপনি হায়না খল্লি।

মরুপশিং,

অনৌবা মওং অমদা অৱাং-নোংপোক্তা উদোগ চাউখৎনবা  উন্নাতি স্কিম হন্দক মন্ত্রীমন্দলনা অয়াবা পীখ্রে। সরকারগী থবক খুতৌ অমা ওইনা স্কিম নোংমদা লাউথোক্লে অমসুং চৎন-কাংলোনশিং পীরে। হৌখিবা চহি ১০দা অনৌবা ইনফ্রাস্ত্রকচরশিং পায়খৎলে, ঙমখৈগী য়ানদবশিং ৱারোইশিন পুরক্নবা শান্তিগী একোর্দ কয়া পুরক্লে অমসুং য়ানবা কয়া লৈরে। মথংগী খোঙথাংদি, লমদম অসিদা উদোগ পাকথোক-চাউথোকহনবনি। লুপা করোর ১০,০০০গী উন্নাতি স্কিমনা শেন থাদবা অমসুং থবক ফংবদা অনৌবা খুদোংচাবা কয়া পীরগনি। লমদম অসিগী নহারোলশিংগীদমক স্তার্দঅপশিং, অনৌবা তেক্নোলোজিশিং, হোমস্তেশিং অমসুং তুরিজমগা মরী লৈনবা খুদোংচাবশিং শেমগৎনবা মহাক্না মীৎয়েং চঙলে।

মরুপশিং,

অৱাং-নোংপোক্কী নুপীশিংগী হিংবদা লাইহন্নবা সরকারনা থবক কয়া পায়খৎলে। ঙরাং মালেমগী নুপীশিংগী নুমিৎ থৌরমদা গ্যাস সিলিন্দরগী মমল লুপা ১০০ হন্থরে। মীয়ামদা তোতি ঈশিং ফংহন্নবা শিংথানিঙাই ওইবা থবকশিং পায়খৎপগীদমক অরুনাচল প্রদেসকী চীফ মিনিস্তরগী অপুনবা কাংবু থাগৎপা ফোঙদোকচরি। চাউখৎপগী তোঙান-তোঙানবা পেরামিতরশিংদা অরুনাচল অমসুং অৱাং-নোংপোক মাংজিল থাবদা অপেনবা ফাওই। নুমিৎকী অহানবা মঙালগুম চাউখৎ-থৌরাংগী থবকশিং অরুনাচল অমসুং অৱাং-নোংপোক য়ৌরক্লে। রাজ্য অসিগী য়ুমথোং ৪৫,০০০দা থক্নবা ঈশিং ফংহন্নবা প্রোজেক শঙ্গারে। অমৃত সরোভর কেম্পেনগী মখাদা সরোভর কয়া শেমগৎলে, সেল্ফ হেল্প গ্রুপশিংগী মতেংগা লোয়ননা খুঙ্গংশিংদা লাখপতি দিদি কয়া শেমগৎলে। লৈবাক অসিদা লাখপতি দিদি করোর ৩ শেমগৎনবা ঐখোয়না পান্দম থম্লি অমসুং মসিদগী অৱাং-নোংপোক্কী নুপীশিংশু কান্নবা ফংগনি।

মরুপশিং,
মমাঙগী সরকারশিংনা ঙমখৈদা লৈবা খুঙ্গংগী চাউখৎ-থৌরাং মীরাইখি। ঐখোয়না পাংথোক্লিবা থবকশিং অসি লৈবাক্কী দরকার ওইবগী মতুংইন্না পায়খৎপনি অমসুং মীখলগী য়েংলগা পায়খৎপা নত্তে। মহাক্কী মথংগী তামর্দা ইঞ্জিনিয়ারিংগী অঙকপা অমা ওইরিবা সেলা তন্নেলদা দিফেন্সকী মীওইশিং উন্নবা মহাক লাক্কনি। তন্নেল অসি কুম্বী-কালেন নাইদনা চৎপা য়াবা লম্বী ফংহনগনি অমসুং তৱাংগী মীয়াম চৎথোক-চৎশিন হেন্না নুংঙাইহল্লগনি। লমদম অসিদা তন্নেল কয়া শেমগৎপগী থবকশিং পায়খৎলি।

মরুপশিং,

ঙমখৈদা লৈবা খুঙ্গংশিং অহানবা খুঙ্গংশিংনি হায়না মহাক্না মতম চুপ্পদা খল্লি অমসুং ভাইব্রেন্ত ভিল্লেজ প্রোগ্রাম অসি ৱাখল্লোন অসিগী খুদমনি। ঙসি খুঙ্গং ১২৫ রোমগী লম্বীগী প্রোজেকশিং হৌদোক্লে অমসুং খুঙ্গং ১৫০দা তুরিজমগা মরী লৈনবা প্রোজেকশিংগী উরেপ-উয়ুংশিং তম্লে। পি.এম-জনমান স্কিমগী মখাদা খ্বাইদগী খুদোংথিনিঙাই ওইরবা অমসুং চাউখৎত্রিবা ত্রাইবশিংগী খুদোংচাদবশিং কোকহন্নবা থবকশিং পায়খৎলে। ঙসি মনিপুরদা অসিগুম্বা ত্রাইবশিংগী অঙ্গনৱাদি সেন্তরশিং শানবা উরেপ-উয়ুং তমখ্রে।

মরুপশিং,

হিংবদা লাইহন্নবা অমসুং ললোন-ইতিক পাংথোকপা লাইহন্নবা লম্বী-থোং অমসুং ইলেক্ত্রিসিতিগা মরী লৈনবা চাউখৎ-থৌরাংগী থবকশিং হৌদোক্লে। হৌখিবা চহি ১০দা কিমি ৬০০০গী হায়ৱেশিং শেমগৎলে অমসুং কিমি ২০০০গী রেল লাইনশিং শেমগৎলে। পৱার সেক্তরদা ঙসি অরুনাচল প্রদেসতা দিবাং মল্তিপর্পজ হায়দ্রো পৱার প্রোজেক অমসুং ত্রিপুরাদা সোলার পৱার প্রোজেক থবক হৌরে। দিবাং দাম ভারতকী খ্বাইদগী ৱাংবা দাম ওইরে। মহাক্না অৱাং-নোংপোক্তা খ্বাইদগী ৱাংবা থোং অমসুং খ্বাইদগী ৱাংবা দাম লৈবাক মীয়ামদা কৎথোক্লে।

মরুপশিং,

ঙসিগী ঐগী খোঙচৎশিংগী মনুংদা অরুনাচল প্রদেস, অসাম, নোংচুপ বেঙ্গল অমসুং উত্তর প্রদেস য়াওরি। ভারতমচা খুদিংমক মহাক্কী ইমু-মনুংনি। মীয়ামদা পাক্কাগী য়ুম, লেম্না চেঙ, অফবা থক্নবা ঈশিং, মৈ, তোইলেত,গ্যাস কন্নেক্সন, লেম্না লায়য়েংবা অমসুং ইন্তরনেত কন্নেক্সন য়াওনা তঙাইফদবশিং ফংহন্দ্রিবা ফাওবা ঐ পোথারোই। ঙসি ঐনা মোদীগী ইমুং-মনুংগী ৱাফম পুখৎলকপদা, লৈবাক অসিনা পাউখুম পীরকখি, “ ঐ মোদীগী ইমুং-মনুংনি! ঐ মোদীগী ইমুং-মনুংনি!” হায়না অরুনাচল প্রদেসকী ঐগী ইনাওশিং অমসুং ইচলশিংনা লাউখি।

 ঐগী নুংশিরবা ইমুং-মনুংগী মীওইশিং,

অদোমগী মঙলানশিং ঐগী ৱাশকশিংনি। ঙসিগী চাউখৎ-থৌরাংগী প্রোজেকশিংগীদমক অৱাং-নোংপোক শীনবা থুংনা হরাওবা ফোঙদোকচরি। অদোমগী মোবাইল ফোনশিং লৌথোক্নবা অমসুং ফ্লাসলাইতশিং ঙালহন্নবা ঐনা হায়জরি। ঐখোয় অমতা ওইনা চাউখৎপগী কুহ্মৈগী হরাওবা ফোঙদোকমিন্নসি। মসিগী শক্তম অসিনা লৈবাক অসিদা থৌনা হাপকনি। ঐখোয় অমতা ওইনা লাউমিন্নসি-

ভারত মাত কি জয় !

ফ্লাসলাইত ঙানহল্লসি অমসুং হায়সি-

ভারত মাত কি জয় !

ভারত মাত কি জয় !

ভারত মাত কি জয় !

অদোম থাগৎচরি।

দিসক্লেমর: মসি প্রধান মন্ত্রীগী ৱারোলগী চাউরাক্না হন্দোকপনি। অশেংবা ৱারোল হিন্দীদা ঙাংখি।

***