ஜம்மு-காஷ்மீரின் துணைநிலை ஆளுநர் திரு. மனோஜ் சின்ஹா அவர்களே, எனது அமைச்சரவை சகா டாக்டர் ஜிதேந்திர சிங் அவர்களே, எனது மதிப்பிற்குரிய நாடாளுமன்ற சகாவும், இந்த மண்ணின் மைந்தருமான குலாம் அலி அவர்களே, ஜம்மு காஷ்மீரின் எனதருமை சகோதர, சகோதரிகளே!

இந்தச் சொர்க்க பூமியில் இருப்பது, இயற்கையின் இந்த இணையற்ற அழகை அனுபவிப்பது, இந்த அழகிய காற்றை சுவாசிப்பது மற்றும் எனது காஷ்மீர் சகோதர சகோதரிகளே, உங்கள் அன்பின் அரவணைப்பால் அரவணைக்கப்படுவது போன்ற உணர்வை வார்த்தைகளால் விவரிக்க முடியவில்லை!

ஜம்மு-காஷ்மீர் முழுவதிலுமிருந்து மக்கள் மைதானத்திற்கு வெளியே கூடியிருப்பதாகவும், 285 வட்டங்களைச் சேர்ந்த சுமார் ஒரு லட்சம் பேர் காணொலிக் காட்சி தொழில்நுட்பத்தின் மூலம் இணைக்கப்பட்டுள்ளதாகவும் ஆளுநர் சாஹிப் குறிப்பிட்டார். இன்று ஜம்மு காஷ்மீர் மக்களுக்கு எனது மனமார்ந்த வாழ்த்துக்களை தெரிவித்துக் கொள்கிறேன். பல தசாப்தங்களாக நாம் ஆவலுடன் எதிர்பார்த்த புதிய ஜம்மு-காஷ்மீர் இதுதான். இந்த புதிய ஜம்மு காஷ்மீருக்காக டாக்டர் ஷியாமா பிரசாத் முகர்ஜி தனது வாழ்க்கையைத் தியாகம் செய்தார். இந்த புதிய ஜம்மு-காஷ்மீரின் எதிர்காலம் பிரகாசமாக பிரகாசிக்கிறது; இந்த புதிய ஜம்மு-காஷ்மீர் சவால்களை சமாளிக்கும் நம்பிக்கையைக் கொண்டுள்ளது. உங்களின் புன்னகை தவழும் முகத்தை ஒட்டுமொத்த தேசமும் பார்த்துக் கொண்டிருக்கிறது, இன்று 140 கோடி நாட்டுமக்கள் நிம்மதியை உணர்கிறார்கள்.

நண்பர்களே,

சமீபத்தில் நான் ஜம்மு சென்றிருந்தபோது, ரூ.32,000 கோடி மதிப்பிலான உள்கட்டமைப்பு மற்றும் கல்வி தொடர்பான திட்டங்களை தொடங்கி வைத்தேன். இன்று, குறுகிய காலத்தில், உங்கள் அனைவரையும் சந்திக்க ஸ்ரீநகரில் இருக்கும் வாய்ப்பை நான் பெற்றுள்ளேன். இங்கு, அடிக்கல் நாட்டி, சுற்றுலா மற்றும் மேம்பாட்டை மையமாகக் கொண்ட எண்ணற்றத் திட்டங்களைத் தொடங்கி வைக்கும் பெருமையை நான் பெற்றுள்ளேன். கூடுதலாக, விவசாயத் துறை தொடர்பான திட்டங்கள் நமது விவசாயிகளுக்கு அர்ப்பணிக்கப்பட்டுள்ளன, மேலும் 1000 இளைஞர்கள் அரசு வேலைகளுக்கான நியமனக் கடிதங்களைப் பெற்றுள்ளனர். வளர்ச்சியின் சாத்தியக்கூறுகள், சுற்றுலாவின் வாய்ப்புகள், நமது விவசாயிகளின் திறன்கள் மற்றும் ஜம்மு-காஷ்மீரில் உள்ள இளைஞர்களின் தலைமை ஆகியவை 'வளர்ந்த ஜம்மு-காஷ்மீரை' உருவாக்குவதில் முக்கியமானவை. ஜம்மு-காஷ்மீர் பாரதத்தின் 'தலையை' குறிக்கிறது, இது பாரதத்தின் கண்ணியத்தை குறிக்கிறது. உயர்ந்த தலை என்பது முன்னேற்றத்தையும் கௌரவத்தையும் குறிக்கிறது. எனவே, வளர்ச்சியடைந்த இந்தியாவை அடைவதற்கு வளர்ச்சியடைந்த ஜம்மு-காஷ்மீர் மிக முக்கியமானது.

நண்பர்களே,

நாட்டின் பிற பகுதிகளுக்கு பொருந்தும் சட்டங்கள் ஜம்மு-காஷ்மீருக்கு பொருந்தாது என்ற ஒரு காலம் இருந்தது. இதேபோல், ஏழைகளுக்கான நலத்திட்டங்கள் நாடு தழுவிய அளவில் அமல்படுத்தப்பட்டாலும், அதன் பலன்கள் பெரும்பாலும் ஜம்மு-காஷ்மீரில் உள்ள எனது சகோதர சகோதரிகளை சென்றடையவில்லை. காலம் வெகுவாக மாறிவிட்டது. இன்று, ஸ்ரீநகரில் உள்ளூர்வாசிகளுக்கு மட்டுமின்றி, ஒட்டுமொத்த நாட்டிற்கும் பயனளிக்கும் முன்முயற்சிகள் தொடங்கப்பட்டுள்ளன. ஜம்மு-காஷ்மீருக்கு மட்டுமல்ல, முழு நாட்டிற்கும் புதிய சுற்றுலா முயற்சிகளை ஸ்ரீநகர் முன்னெடுத்து வருகிறது. இந்திய சுற்றுலாப் பயணிகள் தங்கள் பயணங்களின் போது உள்ளூர் பொருளாதாரத்திற்கு பங்களிக்க வேண்டும் என்று வலியுறுத்துதல். சுற்றுலாப் பயணிகள் தங்கள் மொத்த பயண பட்ஜெட்டில் குறைந்தது 5-10% அவர்கள் எங்கு சென்றாலும் உள்ளூர் தயாரிப்புகளை வாங்குவதற்கு ஒதுக்குமாறு நான் அறிவுறுத்துகிறேன். இது உள்ளூர் வருமானம் மற்றும் வேலைவாய்ப்பை அதிகரிப்பது மட்டுமல்லாமல், நிலையான சுற்றுலாவையும் வளர்க்கிறது. இது வருகை தருவது மட்டுமல்ல; இது உள்ளூர் பொருளாதாரத்தை ஆதரிப்பது பற்றியது. நானும் இன்று ஸ்ரீநகர் பயணத்தின் போது இந்த நடைமுறையைப் பின்பற்றினேன். நான் ஒரு நல்ல விஷயத்தைப் பார்த்தேன், அதை வாங்க முடிவு செய்தேன். இந்த முயற்சி உள்ளூர் பொருளாதாரத்தை வலுப்படுத்துவதை நோக்கமாகக் கொண்டுள்ளது.

நண்பர்களே,

இந்தத் திட்டங்களை செயல்படுத்துவதன் மூலம், இந்த பிராந்தியத்தில் சுற்றுலாத் துறை செழித்து, புதிய வேலை வாய்ப்புகளை உருவாக்கும். இந்த வளர்ச்சி முயற்சிகளுக்காக ஜம்மு காஷ்மீரைச் சேர்ந்த எனது சகோதர, சகோதரிகளுக்கு எனது மனமார்ந்த வாழ்த்துக்களைத் தெரிவித்துக் கொள்கிறேன். இப்போது, ஒரு புதிய முயற்சியை உங்களுக்கு அறிமுகப்படுத்த விரும்புகிறேன். இந்த பகுதி நீண்ட காலமாக திரைப்பட படப்பிடிப்புகளுக்கு விருப்பமான இடமாக இருந்து வருகிறது. எனது அடுத்த பணி பாரதத்தில் திருமணங்களை ஊக்குவிப்பது. வெளிநாட்டில் திருமணம் செய்து கொள்ள மக்கள் பெரும்பாலும் கணிசமான தொகையை செலவழிக்கிறார்கள். இருப்பினும், இந்தியாவில் தங்கள் திருமணங்களை நடத்துவது குறித்து பரிசீலிக்க மக்களை ஊக்குவிக்கும் இந்தியாவில் திருணம் செய்வோம் என்ற கருத்தை நான் முன்மொழிகிறேன். ஜம்மு காஷ்மீரில் திருமணத்தை நடத்த வேண்டும் என்ற ஆசையை மக்கள் வளர்த்துக் கொள்ள வேண்டும். இங்கு திருமணங்களை நடத்துவதன் மூலம், குடும்பங்கள் மூன்று முதல் நான்கு நாட்களுக்கு ஆடம்பரமான கொண்டாட்டங்களை அனுபவிக்க முடியும், இது உள்ளூர் மக்களுக்கு வாழ்வாதார வாய்ப்புகளை வழங்குகிறது. இந்தப் பிரச்சாரத்தை ஆதரிக்க நான் அர்ப்பணிப்புடன் இருக்கிறேன்.

நண்பர்களே,

சுற்றுலாவைத் தவிர, விவசாயம் மற்றும் விவசாய பொருட்கள் ஜம்மு-காஷ்மீரில் குறிப்பிடத்தக்க பங்கைக் கொண்டுள்ளன. ஜம்மு-காஷ்மீரின் குங்குமப்பூ, ஆப்பிள், உலர் பழங்கள் மற்றும் செர்ரிகள் இதை ஒரு முக்கிய பிராண்டாக நிலைநிறுத்தியுள்ளன. ரூ.5,000 கோடி முதலீட்டுடன் வேளாண் மேம்பாட்டுத் திட்டங்கள், அடுத்த ஐந்து ஆண்டுகளில் இந்தத் துறையை மேலும் வலுப்படுத்தும், குறிப்பாக தோட்டக்கலை மற்றும் கால்நடைகளுக்கு பயனளிக்கும்.

என் நண்பர்களே,

இந்த மண் ஆதி சங்கராச்சாரியாரின் அடிச்சுவடுகளால் புனிதப்படுத்தப்பட்டுள்ளது. நாளை மஹாசிவராத்திரியை கொண்டாடும் வேளையில், உங்களுக்கும், நாட்டு மக்கள் அனைவருக்கும் இந்த புனிதமான பண்டிகையை முன்னிட்டு எனது மனமார்ந்த நல்வாழ்த்துக்களை தெரிவித்துக் கொள்கிறேன். இன்று இந்தத் திட்டங்களுக்காக உங்கள் அனைவருக்கும் மீண்டும் ஒருமுறை எனது மனமார்ந்த வாழ்த்துக்களைத் தெரிவித்துக் கொள்கிறேன். ஜம்மு-காஷ்மீரில் லட்சக்கணக்கான மக்களுடன் நின்று, உங்கள் அன்பையும் ஆசிகளையும் பெறுவது எனக்கு உண்மையிலேயே பெருமை அளிக்கிறது.

மிகவும் நன்றி!

***

PKV/BS/AG/KV