শেনবা চহি ২০২৪-২৫ মনুংদা পি.এম উজৱালা য়োজনা(পি এম য়ু ৱাই) বেনিফিসরিশিংদা চহি অমদা রিফিল ১২ ফাওবা কেজি ১৪.২গী সিলিন্দর অমদা(কেজি ৫গী সিলিন্দরগী চুনবা মমলদা) লুপা ৩০০গী সবসিদি মখা তানা পীবদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে। মার্চ ১,২০২৪ ফাওবদা, পি.এম উজৱালা য়োজনা বেনিফিসরি করোর ১০.২৭ লৈরে।

শেনবা চহি ২০২৪-২৫গী ওইনা অপুনবা চাদিং লুপা করোর ১২,০০০ ওইগনি। খুদোংচাবা ফংবা য়ারবা বেনিফিসরিশিংগী বেঙ্ক একাউন্তশিংদা হকথেংননা সবসিদি হাপচিনগনি।

খুঙ্গংগী অমসুং লায়রবা ইমুংশিংদা মৈখু চেন্দবা চাক থোংনা শিং এল.পি.জি ফংহন্নবা মে ২০১৬দা সরকারনা প্রধান মন্ত্রী উজৱালা য়োজনা হৌদোকখি। মসিদা লায়রবা ইমুংশিংগী অহল ওইরবী নুপীশিংদা দিপোজিত য়াওদনা এল.পি.জি কন্নেক্সন পীনবা য়োজনা অসি লিংখৎপনি।

লৈবাক অসিগী দরকার ওইবা এল.পি.জিগী চাদা ৬০ মপান লৈবাকশিংদগী পুরকপনি। মালেমগী ওইনা এল.পি.জি মমল হেনগৎলকপগী খুদোংচাদবা ঙাকথোক্নবা অমসুং প্রধান মন্ত্রী উজৱালা য়োজনা কঞ্জুমরশিংদা অহোংবা মমলদা এল.পি.জি হেন্না ফংহন্নবা মে ২০২২দগী হৌনা পি.এম উজৱালা য়োজনা(পি এম য়ু ৱাই) বেনিফিসরিশিংদা চহি অমদা রিফিল ১২ ফাওবা কেজি ১৪.২গী সিলিন্দর অমদা(কেজি ৫গী সিলিন্দরগী চুনবা মমলদা) লুপা ২০০গী সবসিদি পীবা হৌখিবনি। সরকারনা ওক্তোবর ২০২৩দা, পি.এম উজৱালা য়োজনা(পি এম য়ু ৱাই) বেনিফিসরিশিংদা চহি অমদা রিফিল ১২ ফাওবা কেজি ১৪.২গী সিলিন্দর অমদা(কেজি ৫গী সিলিন্দরগী চুনবা মমলদা) লুপা ৩০০গী সবসিদি পীবা হৌখি। ০১.০২.২৪ ফাওবদা, প্রধান মন্ত্রী উজৱালা য়োজনা কঞ্জুমরশিংদা য়ুমগী শীজিন্ননবা কেজি ১৪.২গী এল.পি.জি সিলিন্দর অমদা লুপা ৬০৩(দিল্লি)দা ফংহল্লে।

পি.এম.য়ু.ৱাই কঞ্জুমরশিংনা চাংচত্তা এল.পি.জি শীজিন্নবা  চাদা ২৯ হেনগৎলক্তুনা ২০১৯-২০দা রিফিল ৩.০১ ওইরম্বদগী ২০২৩-২৪দা রিফিল ৩.৮৭(জনুৱারি ২০২৪ ফাওবদা) ওইখি। য়োজনা অসিগী বেনিফিসরি খুদিংমক সবসিদি অসি ফংবা য়াই।

***