وزیر اعظم جناب نریندر مودی نے آج جموں و کشمیر کے سری نگر میں وکست بھارت وکست جموں کشمیر پروگرام سے خطاب کیا۔ انہوں نے تقریباً 5000 کروڑ روپے مالیت کے ہولیسٹک ایگریکلچر ڈیولپمنٹ پروگرام کو قوم کے لیے وقف کیا اور سودیش درشن اور پرشاد اسکیم کے تحت 1400 کروڑ روپے سے زیادہ مالیت کے سیاحت کے شعبے سے متعلق متعدد پروجیکٹوں کا آغاز کیا جس میں ‘حضرت بل درگاہ کی مربوط ترقی’، سری نگر کا منصوبہ بھی شامل ہے۔ وزیر اعظم نے ‘دیکھو اپنا دیش عوام کی پسند کے سیاحتی مقام پول’ اور ‘چلو انڈیا گلوبل ڈائس پورامہم’ کا بھی آغاز کیا اور چیلنج بیسڈ ڈیسٹینیشن ڈیولپمنٹ (سی بی ڈی ڈی) اسکیم کے تحت منتخب کردہ سیاحتی مقامات کا اعلان کیا۔ جموں و کشمیر کے تقریباً 1000 نئی سرکاری بھرتیوں کے تقرری نامے تقسیم کیے اور مختلف سرکاری اسکیموں کے استفادہ کنندگان سے بھی بات چیت کریں گے جن میں خواتین  اچیورس ، لکھ پتی دیدیاں، کسان، کاروباری افراد وغیرہ شامل ہیں۔

پلوامہ سے تعلق رکھنے والے ناظم نذیر نے جو شہد کی مکھیوں کے پالنے والے ہیں، نے وزیر اعظم تک حکومت سے فوائد حاصل کرکے اپنے کاروبار کو بڑھانے کے بارے میں اپنے سفر کے بارے میں بتایا کہ کس طرح انہوں نے 50 فیصد سبسڈی پر شہد کی مکھیاں پالنے کے لیے 25 بکس خریدے۔ انہوں نے پورے سفر میں اپنی معاشی ترقی پر بھی روشنی ڈالی جہاں انہوں نے دھیرے دھیرے پرائم منسٹر ایمپلائمنٹ جنریشن پروگرام کے تحت 5 لاکھ روپے حاصل کرکے شہد کی مکھیاں پالنے کے لیے 200 خانوں تک توسیع کی۔ اس کی وجہ سے مسٹر نذیر نے اپنے لیے ایک برانڈ بنایا اور ایک ویب سائٹ بنائی جس نے ملک بھر میں تقریباً 5000 کلو گرام کے ہزاروں آرڈرز حاصل کیے، اپنے کاروبار کو تقریباً 2000 شہد کی مکھیاں پالنے والے خانوں تک بڑھایا اور علاقے کے تقریباً 100 نوجوانوں کو شامل کیا۔ انہوں نے وزیر اعظم کو 2023 میں ایف پی او حاصل کرنے کے بارے میں مزید بتایا، جس سے انہیں اپنے کاروبار کو بڑھانے میں مدد ملی ہے۔ انہوں نے ڈیجیٹل انڈیا پہل شروع کرنے کے لیے وزیر اعظم کا شکریہ بھی ادا کیا، جس نے ملک میں فن ٹیک کے منظر نامے کو تبدیل کر دیا ہے۔ وزیر اعظم نے جموں و کشمیر میں ایک شیریں انقلاب کی راہ پر گامزن کرنے کے لیے ناظم کی کوششوں کی تعریف کی اور انہیں ان کی کامیابی پر مبارکباد دی۔ کاروبار کے قیام کے لیے حکومت سے ابتدائی مدد حاصل کرنے کے بارے میں وزیر اعظم کے استفسار پر، ناظم نے کہا کہ اگرچہ انھیں ابتدائی مشکلات کا سامنا کرنا پڑا، لیکن محکمہ زراعت نے آگے آ کر ان کے مقصد کی حمایت کی۔ یہ نوٹ کرتے ہوئے کہ شہد کی مکھیوں کا کاروبار ایک بالکل نیا شعبہ ہے، وزیر اعظم نے اس کے فوائد پر روشنی ڈالی اور کہا کہ شہد کی مکھیاں، ایک طرح سے کھیت مزدوروں کی طرح کام کرتی ہیں جو اسے فصلوں کے لیے فائدہ مند بناتی ہیں۔ ناظم نے کہا کہ زمیندار شہد کی مکھیاں پالنے کے لیے بغیر کسی قیمت کے زمین دینے کے لیے تیار ہیں کیونکہ یہ عمل کسانوں کے لیے بھی فائدہ مند ہے۔ وزیر اعظم نے مسٹر ناظم کو ہندوکش کے پہاڑوں کے ارد گرد وسطی ایشیا میں پیدا ہونے والے شہد کی تحقیق کرنے کا مشورہ دیا اور ان سے کہا کہ وہ خانوں کے ارد گرد مخصوص پھول اگا کر شہد کے لیے ایک نیا ذائقہ تیار کرنے کی طرف دیکھیں کیونکہ یہ ایک بہترین مارکیٹ ہے۔ انہوں نے اتراکھنڈ میں بھی اسی طرح کی کامیاب کوششوں کا ذکر کیا۔ وزیر اعظم مودی نے دنیا بھر میں زیادہ مانگ کی وجہ سے اکیسیا ہنی کی قیمت 400 روپے فی کلو سے بڑھ کر 1000 روپے فی کلو ہونے پر خوشی کا اظہار کیا۔ وزیر اعظم نے فکر و نظر کی واضحیت اور اپنا کاروبار چلانے میں ناظم کی طرف سے دکھائے جانے والی جرأت کی تعریف کی اور ان کے والدین کو بھی مبارکباد دی۔ انہوں نے کہا کہ ناظم صاحب ہندوستان کے نوجوانوں کو ہدایت بھی دے رہے ہیں اور ایک تحریک بن رہے ہیں۔

سری نگر کے احتشام ماجد بھٹ بیکری کے ایک کاروباری ہیں جنہوں نے فوڈ ٹکنالوجی کی مہارت کی ترقی کے پروگرام کے ذریعے بیکری میں نئی اختراعات کیں۔ انہیں  گورنمنٹ پولی ٹیکنک فار ویمن اسکل ڈیولپمنٹ کے انکیوبیشن سنٹر نے سپورٹ کیا۔ حکومت کے سنگل ونڈو سسٹم نے انہیں اور ان کی ٹیم کو مختلف محکموں سے تمام این او سی حاصل کرنے میں مدد کی۔ وزیر اعظم نے انہیں بتایا کہ پچھلے 10 برسوں میں حکومت کروڑوں نوجوانوں کو ان کے اسٹارٹ اپ کے خوابوں کو پورا کرنے میں ہر طرح کی مدد فراہم کر رہی ہے۔ وزیر اعظم نے مختلف اضلاع سے اپنے دوستوں کو اپنے کاروباری منصوبوں میں شامل کرنے پر ان کی تعریف کی۔ وزیر اعظم نے کہا،‘‘ ہماری کوشش ہے کہ ہمارے نوجوانوں کے خیالات وسائل اور مالیات کی کمی کا شکار نہ ہوں۔ انہیں اعتماد کے ساتھ آگے بڑھنا چاہئے۔ جموں و کشمیر کی یہ بیٹیاں پوری قوم کے نوجوانوں کے لیے نئی متاثر کن مثالیں پیدا کر رہی ہیں”۔ انہوں نے غریب بیٹیوں کی دیکھ بھال کرنے پر ان کی تعریف کی۔

گاندربل کی حمیدہ بانو ڈیری کے کاروبار سے وابستہ ہیں۔ انہوں نے وزیر اعظم کو بتایا کہ انہوں نے نیشنل رورل لائیولی ہڈز مشن (این آر ایل ایم) سے فائدہ اٹھایا اور دودھ کی مصنوعات کے لیے ایک پروسیسنگ یونٹ کھولا۔ انہوں نے دوسری خواتین کو بھی ملازمت دی۔ انہوں نے وزیراعظم کو مصنوعات کی کوالٹی چیکنگ، پیکجنگ اور مارکیٹنگ کے بارے میں بھی معلومات دی۔ اس کی دودھ کی مصنوعات پریزرویٹوز سے عاری ہیں اور اس نے وزیر اعظم کو اپنی نازک مصنوعات کی مارکیٹنگ کے وسیع طریقے سے آگاہ کیا۔ وزیر اعظم نے ان کی کاروباری ذہانت اور غذائیت کے کام کو جاری رکھنے کے لیے ان کی تعریف کی۔ انہوں نے معیار کا خیال رکھنے اور ماحول دوست طریقے سے اپنا کاروبار کرنے پر بھی ان کی تعریف کی۔

جلسے سے خطاب کرتے ہوئے وزیراعظم نے کہا کہ زمین پر جنت میں آنے کے احساس کو الفاظ میں بیان نہیں کیا جا سکتا۔ انہوں نے کہا کہ فطرت کی یہ بے مثال شکل، ہوا، وادی، ماحول اور کشمیری بھائیوں اور بہنوں کا پیار و محبت۔ انہوں نے پنڈال کے باہر شہریوں کی موجودگی کو بھی تسلیم کیا، اور 285 بلاکس کے 1 لاکھ سے زیادہ لوگ ویڈیو لنک کے ذریعے ایونٹ سے جڑے۔ اس بات پر زور دیتے ہوئے کہ نیا جموں و کشمیر وہ ہے جس کا کئی دہائیوں سے انتظار کیا جا رہا ہے، وزیر اعظم نے کہا، ’’ڈاکٹر شیاما پرساد مکھر جی نے اس جموں و کشمیر کے لیے قربانی دی تھی۔‘‘ انہوں نے کہا کہ نئے جموں و کشمیر کی آنکھوں میں مستقبل کی چمک ہے اور تمام رکاوٹوں کو دور کرنے کا عزم ہے۔ پی ایم مودی نے کہا ’’140 کروڑ شہری جموں و کشمیر کے لوگوں کے مسکراتے چہرے دیکھ کر سکون محسوس کرتے ہیں’’۔

جموں و کشمیر کے لوگوں کے پیار کے لیے اظہار تشکر کرتے ہوئے وزیر اعظم نے کہا ‘‘مودی اس پیار کا قرض چکانے میں کوئی کسر نہیں چھوڑیں گے۔ میں یہ ساری محنت آپ کا دل جیتنے کے لیے کر رہا ہوں اور مجھے یقین ہے کہ میں صحیح راستے پر ہوں۔ میں آپ کا دل جیتنے کی کوشش جاری رکھوں گا۔ یہ مودی کی گارنٹی ہے اور آپ سب جانتے ہیں کہ مودی کی گارنٹی کا مطلب گارنٹی کی تکمیل کی گارنٹی ہے۔’’

جموں کے اپنے حالیہ دورہ کو یاد کرتے ہوئے جہاں انہوں نے 32,000 کروڑ روپے کے بنیادی ڈھانچے اور تعلیم کے منصوبوں کا آغاز کیا، پی ایم مودی نے آج کے تقرری خطوط کے ساتھ سیاحت اور ترقی اور زراعت سے متعلق منصوبوں کا ذکر کیا۔ وزیر اعظم نے کہا کہ ‘‘ترقی کی طاقت، سیاحت کی صلاحیت، کسانوں کی صلاحیتیں اور جموں و کشمیر کے نوجوانوں کی قیادت وِکست جموں کشمیر کی راہ ہموار کرے گی’’۔ وزیر اعظم نے مزید کہا، ‘‘جموں کشمیر صرف ایک جگہ نہیں ہے، جموں کشمیر ہندوستان کا سربراہ ہے۔ اور سر اونچا ہونا ترقی اور عزت کی علامت ہے۔ لہٰذا، وکست جموں و کشمیر وکست بھارت کی ترجیح ہے”۔

وزیر اعظم نے اس وقت کو یاد کیا جب ملک میں نافذ قوانین جموں و کشمیر میں لاگو نہیں ہوتے تھے اور انہوں نے غریبوں کی فلاح و بہبود کے لیے ان اسکیموں کا ذکر کیا جن سے محروم افراد فائدہ نہیں اٹھا سکتے تھے۔ قسمت کی تبدیلی پر روشنی ڈالتے ہوئے وزیر اعظم نے کہا کہ آج سری نگر سے پوری قوم کے لیے اسکیمیں شروع کی گئی ہیں اور جموں و کشمیر ملک میں سیاحت کی راہ پر گامزن ہے۔ لہذا، وزیر اعظم نے کہا، ہندوستان میں 50 سے زیادہ مقامات سے لوگ اس موقع پر شامل ہوئے ہیں۔ انہوں نے سودیش درشن اسکیم کے ساتھ ساتھ اس کے اگلے مرحلے کے آغاز کے تحت آج قوم کو وقف کیے جانے والے چھ پروجیکٹوں کا ذکر کیا۔ انہوں نے بتایا کہ سری نگر سمیت ملک کے مختلف شہروں کے لیے تقریباً 30 پروجیکٹ شروع کیے گئے ہیں جبکہ پرساد اسکیم کے تحت 3 پروجیکٹوں کا افتتاح اور 14 دیگر شروع کیے گئے ہیں۔ انہوں نے مزید کہا کہ درگاہ حضرت بل میں عوام کی سہولت کے لیے جاری ترقیاتی کام بھی مکمل کر لیے گئے ہیں۔ وزیر اعظم نے ‘دیکھو اپنا دیش عوام کی پسند’ مہم کے بارے میں بتایا جہاں حکومت کی جانب سے 40 مقامات کی نشاندہی کی گئی ہے جو اگلے 2 سالوں میں سیاحتی مقامات کے طور پر تیار کیے جائیں گے۔ مہم کے تحت وزیر اعظم نے وضاحت کی کہ حکومت عوامی رائے کی بنیاد پر پسندیدہ ترین سیاحتی مقامات تیار کرے گی۔ انہوں نے این آر آئیز کو ہندوستان آنے کی ترغیب دینے کے لیے ‘چلو انڈیا’ مہم کا بھی ذکر کیا۔ آج کے ترقیاتی کاموں کے لیے جموں و کشمیر کے شہریوں کو مبارکباد دیتے ہوئے وزیر اعظم نے کہا کہ اس سے خطے کی سیاحت کی صنعت کو ترقی دینے اور روزگار کے نئے مواقع پیدا کرنے میں مدد ملے گی۔

وزیراعظم نے کہا کہ جب ارادے نیک ہوں اور وعدوں کو پورا کرنے کا عزم ہو تو نتائج آنے کے پابندہوتے ہیں۔ انہوں نے جموں و کشمیر میں جی- 20 سربراہی اجلاس کی کامیاب میزبانی پر روشنی ڈالی۔

سیاحت میں تبدیلی لانے والی ترقی کے بارے میں ذکر کرتے ہوئے وزیر اعظم نے کہا، ‘‘ایک وقت تھا جب لوگ سوال کرتے تھے کہ جموں و کشمیر سیاحت کے لیے کون آئے گا۔ آج جموں و کشمیر سیاحت کے تمام ریکارڈ توڑ رہا ہے۔’’ انہوں نے مزید وضاحت کی، ‘‘صرف 2023 میں، جموں و کشمیر نے 2 کروڑ سے زیادہ سیاحوں کا استقبال کیا، پچھلے ریکارڈ کو پیچھے چھوڑتے ہوئے، پچھلے 10 برسوں میں، امرناتھ یاترا میں سب سے زیادہ تعداد میں یاتریوں نے شرکت کی، اور ویشنو دیوی نے بھی عقیدت مندوں میں نمایاں اضافہ ریکارڈ کیا۔‘‘ غیر ملکی سیاحوں کی آمد میں اضافے اور مشہور شخصیات اور بین الاقوامی مہمانوں کے لیے بڑھتی ہوئی کشش کو اجاگر کرتے ہوئے، وزیر اعظم نے کہا، ‘‘اب، یہاں تک کہ ممتاز مشہور شخصیات اور غیر ملکی مہمان بھی جموں و کشمیر کی وادیوں کو تلاش کرنے اور ویڈیوز اور ریلز بنانے کے لیے آتے ہیں۔’’

زراعت کی طرف بڑھتے ہوئے، وزیر اعظم نے جموں و کشمیر کی زرعی پیداوار کی مضبوطی پر زور دیا، جس میں زعفران، سیب، خشک میوہ جات اور چیری شامل ہیں، اور اس خطے کو ایک اہم زرعی مرکز کے طور پر پہچانا ہے۔ انہوں نے کہا کہ 5,000 کروڑ روپے کے زرعی ترقیاتی پروگرام کے نتیجے میں اگلے 5 برسوں میں جموں و کشمیر کے زرعی شعبے میں بے مثال ترقی ہوگی، خاص طور پر باغبانی اور مویشیوں کی ترقی پر توجہ دی جائے گی۔ انہوں نے کہا کہ "یہ اقدام ہزاروں نئے مواقع پیدا کرے گا، خاص طور پر باغبانی اور مویشی پالنے کے شعبوں میں"۔

مزید برآں، انہوں نے جموں و کشمیر کے کسانوں کے کھاتوں میں پی ایم کسان سمان ندھی اسکیم کے تحت تقریباً 3,000 کروڑ روپے کی براہ راست منتقلی کا ذکر کیا۔ پھلوں اور سبزیوں کے ذخیرہ کرنے کی صلاحیت کو بڑھانے اور ان کے طویل عرصے تک رکھنے کو یقینی بنانے کے لیے جموں و کشمیر میں ذخیرہ کرنے کی سہولیات کو بڑھانے کے لیے اہم سرمایہ کاری کی گئی ہے۔ مزید برآں، وزیر اعظم نے نشاندہی کی کہ ‘دنیا کی سب سے بڑی گودام اسکیم’ کے آغاز میں جموں و کشمیر میں متعدد گوداموں کی تعمیر شامل ہوگی۔

جموں و کشمیر میں ترقی کی تیز رفتاری کاحوالہ دیتے ہوئے ، وزیر اعظم نے 2 ایمس کا ذکر کیا کیونکہ ایمس جموں کا پہلے ہی افتتاح ہو چکا ہے اور ایمس کشمیر میں کام جاری ہے۔ انہوں نے خطے میں 7 نئے میڈیکل کالجوں، 2 کینسر ہسپتالوں اورآئی آئی ٹی اور آئی آئی ایم جیسے اداروں کے بارے میں بات کی۔ انہوں نے کہا کہ جموں و کشمیر میں 2 وندے بھارت ٹرینیں چل رہی ہیں اور سری نگر سے سنگلدان اور سنگلدان سے بارہمولہ تک ریل خدمات شروع ہو چکی ہیں۔ رابطوں کی اس توسیع نے اقتصادی سرگرمیوں کو ایک رفتار دی ہے۔ جموں اور سری نگر کو اسمارٹ سٹی بنانے کے لیے نئے پروجیکٹوں کا ذکر کرتے ہوئے وزیر اعظم نے کہا کہ آنے والے وقتوں میں جموں و کشمیر کی کامیابی کی کہانی پوری دنیا کے لیے ایک مثال بنے گی۔

اپنے من کی بات پروگرام میں دستکاری اور خطہ کی صفائی ستھرائی کے اپنے تذکرے کو یاد کرتے ہوئے، وزیر اعظم نے جموں کشمیر کے کنول کے ساتھ تعلق پر زور دیا۔

جموں و کشمیر کے نوجوانوں کی ہر شعبے میں ترقی کے لیے حکومت کی کوششوں پر روشنی ڈالتے ہوئے وزیر اعظم نے کہا کہ ہنر مندی سے لے کر کھیلوں تک نئے مواقع پیدا ہو رہے ہیں اور جموں و کشمیر کے ہر ضلع میں جدید کھیلوں کی سہولیات کا ذکر کیا۔ انہوں نے 17 اضلاع اور جموں وکشمیر میں متعدد قومی کھیلوں کے ٹورنامنٹس کی میزبانی کرنے والے کثیر مقصدی انڈور اسپورٹس ہالز کی مثال دی۔ وزیر اعظم نے مزید کہا،‘‘ اب جموں و کشمیر ملک کے سرمائی کھیلوں کی راجدھانی کے طور پر ابھر رہا ہے۔ حال ہی میں منعقدہ کھیلو انڈیا سرمائی کھیلوں میں تقریباً 1000 کھلاڑیوں نے حصہ لیا ہے’’ ۔

‘‘جموں و کشمیر آج آزادی سے سانس لے رہا ہے، اس لیے نئی بلندیوں کو حاصل کر رہا ہے"، وزیر اعظم نے آرٹیکل 370 کی تنسیخ کاذکر کرتے ہوئے یہ بات کہی کہ جس سے نوجوانوں کی صلاحیتوں کا احترام ہوا ہے اور سب کے لیے مساوی حقوق اور یکساں مواقع پیدا ہوئےہیں۔ انہوں نے پاکستان سے آنے والے پناہ گزینوں، والمیکی برادری اور صفائی ستھرائی کے کارکنوں کو ووٹنگ کا حق حاصل کرنے، ایس سی زمرے کے لیے والمیکی برادری کے مطالبات کو پورا کرنے، درج فہرست قبائل، پڈاری قبیلے کے لیے اسمبلی میں نشستوں کے ریزرویشن، اور پڈاری قبیلے، پہاڑی نسلی گروہ، گڈا برہمن اور کولی کمیونٹیز کو درج فہرست قبائل میں شامل کرنے کے بارے میں بات کی۔ وزیر اعظم نے یہ بھی نشاندہی کی کہ جموں و کشمیر میں خاندانی سیاست نے دیگر پسماندہ طبقات کو پنچایت، میونسپلٹی اور میونسپل کارپوریشن میں ریزرویشن کے حق سے محروم کردیا جیسا کہ حکومت میں فراہم کیا گیا ہے۔ پی ایم مودی نے مزید کہا، ’’آج ہر طبقے کو اس کے حقوق واپس کیے جا رہے ہیں’’۔

جے اینڈ کے بینک کی تبدیلی پر بات کرتے ہوئے وزیر اعظم نے ماضی کی بدانتظامی کو یاد کیا اور اسے خاندانی سیاست اور بدعنوانی کا شکار قرار دیا۔ وزیراعظم نے بینک کی صحت بحال کرنے کے لیے اصلاحات کی فہرست بیان کی۔ انہوں نے بینک کو 1000 کروڑ روپے کی امداد اور غلط تقرریوں کے خلاف کارروائی کا ذکر کیا۔ اینٹی کرپشن بیورو اب بھی ایسی ہزاروں تقرریوں کی تحقیقات کر رہا ہے۔ انہوں نے گزشتہ 5 سالوں میں شفاف بھرتیوں پر روشنی ڈالی۔ نتیجے کے طور پر، جے اینڈ کے بینک کا منافع 1700 کروڑ روپے تک پہنچ گیا ہے اور کاروبار 5 سال پہلے 1.25 کروڑ روپے سے 2.25 لاکھ کروڑ روپے تک پہنچ گیا ہے۔ ڈپازٹس بھی 80,000 کروڑ روپے سے بڑھ کر 1.25 لاکھ کروڑ روپے ہو گئے۔ این پی اے جو 5 سال پہلے 11 فیصد سے تجاوز کر گیا تھا اسے 5 فیصد  تک نیچے لایا گیا ہے۔ بینک کا حصہ بھی 5 سال پہلے 12 روپے سے 12 گنا بڑھ کر 140 روپے تک پہنچ گیا ہے۔وزیر اعظم مودی نے کہا ،‘‘ جب ایماندار حکومت ہو، نیت عوام کی فلاح و بہبود کی ہو، تب ہی عوام کو ہر مشکل سے نکالا جا سکتا ہے’’۔

اس بات کی طرف اشارہ کرتے ہوئے کہ جموں و کشمیر آزادی کے بعد سے خاندانی سیاست کا سب سے بڑا شکار رہا ہے، وزیر اعظم نے لوگوں کو یقین دلایا کہ جموں و کشمیر کی ترقی کی مہم کسی قیمت پر نہیں رکے گی اور یہ خطہ اگلے 5 سالوں میں مزید تیزی سے ترقی کرے گا۔

وزیراعظم نے اپنے خطاب کا اختتام رمضان کے مقدس مہینے پر پوری قوم کو نیک خواہشات کا اظہار کرتے ہوئے کیا۔ وزیراعظم نے ان الفاظ کے ساتھ اپنا خطاب ختم کیا۔‘‘میری خواہش ہے کہ رمضان کے مہینے سے ہر کسی کو امن اور ہم آہنگی کا پیغام ملے۔ کل مہاشیو راتری ہے، میں سب کو اس مقدس تہوار کی نیک خواہشات پیش کرتا ہوں’’۔

اس موقع پر جموں و کشمیر کے لیفٹیننٹ گورنر جناب منوج سنہا اور مرکزی وزیر مملکت ڈاکٹر جتیندر سنگھ بھی موجود تھے۔

پس منظر

ایک ایسے قدم کے طور پر جو جموں و کشمیر کی زرعی معیشت کو بڑا فروغ دے گا، وزیر اعظم نے ‘ہولیسٹک ایگریکلچر ڈیولپمنٹ پروگرام’ (ایچ اے ڈی پی) کو قوم کے نام وقف کیا۔ ایچ اے ڈی پی ایک مربوط پروگرام ہے جس میں جموں و کشمیر میں زرعی معیشت کے تین بڑے شعبوں یعنی باغبانی، زراعت اور مویشی پروری کی سرگرمیوں کے تمام شعبے شامل ہیں۔ یہ پروگرام ایک وقف دکش کسان پورٹل کے ذریعے تقریباً 2.5 لاکھ کسانوں کو ہنر مندی سے آراستہ کرے گا۔ پروگرام کے تحت، تقریباً 2000 کسان خدمت گھر قائم کیے جائیں گے اور کسان برادری کی فلاح و بہبود کے لیے مضبوط ویلیو چینز قائم کی جائیں گی۔ یہ پروگرام جموں و کشمیر کے لاکھوں پسماندہ خاندانوں کو فائدہ پہنچانے کے لیے روزگار کے مواقع فراہم کرے گا۔

وزیر اعظم کا وژن ان مقامات پر عالمی معیار کے بنیادی ڈھانچے اور سہولیات کی تعمیر کے ذریعے ملک بھر میں نمایاں زیارت گاہوں اور سیاحتی مقامات کا دورہ کرنے والے سیاحوں اور زائرین کے مجموعی تجربے کو بہتر بنانا ہے۔ اس کے مطابق وزیر اعظم نے 1400 کروڑ روپے سے زیادہ کی سودیش درشن اور پرشاد اسکیموں کے تحت متعدد اقدامات  کاوقف اور افتتاح کیا۔ وزیر اعظم کی طرف سے قوم کے نام وقف کیے جانے والے پروجیکٹوں میں سری نگر، جموں و کشمیر میں ‘حضرت بل درگاہ کی مربوط ترقی’ کی ترقی شامل ہے۔ میگھالیہ میں شمال مشرقی سرکٹ میں سیاحتی سہولیات تیار کی گئی ہیں۔ بہار اور راجستھان میں روحانی سرکٹ؛ بہار میں دیہی اور تیرتھنکر سرکٹ؛ ، جوگولمبا گڈوال ضلع، تلنگانہ  میں گولمبا دیوی مندر کی ترقی؛ اور ا انوپور ضلع، مدھیہ پردیش مر کنٹک مندر کی ترقی ان میں شامل ہیں۔

حضرت بل کی درگاہ  پر آنے والے زائرین اور سیاحوں کے لیے عالمی معیار کا بنیادی ڈھانچہ اور سہولیات پیدا کرنے، اور ان کے جامع روحانی تجربے کو بڑھانے کے لیے، ‘حضرت بل کے مزار کی مربوط ترقی’ پروجیکٹ پر عمل کیا گیا ہے۔ منصوبے کے اہم اجزاء میں مزار کی باؤنڈری وال کی تعمیر سمیت پورے علاقے کی سائٹ کی ترقی شامل ہے۔ درگاہ حضرت بل کی روشنی مزار کے ارد گرد گھاٹوں اور دیوری راستوں کی بہتری؛ صوفی تشریحی مرکز کی تعمیر؛ سیاحوں کی سہولت کے مرکز کی تعمیر؛ اشارے کی تنصیب؛ کثیر منزلہ کار پارکنگ؛ عوامی سہولت بلاک کی تعمیر اور درگاہ کے داخلی گیٹ وے سمیت  وغیرہ شامل ہیں ۔

وزیر اعظم نے تقریباً 43 پروجیکٹوں کا بھی آغاز کیا جو ملک بھر میں زیارت گاہوں اور سیاحتی مقامات کی ایک وسیع رینج تیار کریں گے۔ ان میں اہم مذہبی مقامات جیسے آندھرا پردیش کے کاکیناڈا ضلع میں اناوارم مندر ،تمل ناڈو کے تھانجاور اور میولادوتھرائی ضلع اور پڈوچیری کے کرائیکل ضلع میں نواگرہ مندر؛ سری چامنڈیشوری دیوی مندر، میسور ضلع، کرناٹک؛ کرنی ماتا مندر، بیکانیر ضلع راجستھان؛ ما چنت پورنی مندر، ضلع اونا، ہماچل پردیش؛ باسیلیکا آف بوم جیسس چرچ، گوا، شامل ہیں ۔ پروجیکٹوں میں اروناچل پردیش میں میچوکا ایڈونچر پارک جیسے مختلف دیگر مقامات اور تجربہ کے مراکز کی ترقی بھی شامل ہے۔ گنجی، پتھورا گڑھ، اتراکھنڈ میں دیہی ٹورازم کلسٹر کا تجربہ؛ اننت گری جنگل، اننت گری، تلنگانہ میں ایکو ٹورازم زون؛ میگھالیہ کے زمانے کے غار کا تجربہ اور سہرا، میگھالیہ میں آبشار کے راستے کا تجربہ؛ سنمارا ٹی اسٹیٹ، جورہاٹ، آسام کا دوبارہ تصور کرنا۔ کنجلی ویٹ لینڈ، کپورتھلا، پنجاب میں ماحولیاتی سیاحت کا تجربہ؛ جولی لیہ بائیو ڈائیورسٹی پارک، لیہہ وغیرہ انہی پروجیکٹوں کاحصہ ہے ۔

پروگرام کے دوران وزیر اعظم نے چیلنج بیسڈ ڈیسٹینیشن ڈیولپمنٹ (سی بی ڈی ڈی) اسکیم کے تحت منتخب 42 سیاحتی مقامات کا اعلان کیا۔ 24-2023 کے مرکزی بجٹ کے دوران اعلان کردہ اختراعی اسکیم کا مقصد سیاحتی مقامات کی ترقی کے ساتھ ساتھ پائیداری کو فروغ دینا اور سیاحت کے شعبے میں مسابقت کو فروغ دینا ہے۔ 42 مقامات کی شناخت چار زمروں میں کی گئی ہے - 16 ثقافت اور ورثے کے زمرہ میں، 11 روحانی مقامات میں، 10 ایکو ٹورازم اور امرت دھروہار میں اور 5 وائبرنٹ ولیج  زمرےمیں۔

وزیر اعظم نے ‘دیکھو اپنا دیش عوام کی پسند 2024’ کی شکل میں سیاحت پر قوم کی نبض کو پہچاننے کے لیے پہلی بار ملک گیر پہل شروع کی۔ ملک گیر رائے شماری کا مقصد شہریوں کے ساتھ سب سے زیادہ پسندیدہ سیاحتی مقامات کی نشاندہی کرنا اور سیاحت کے 5 زمروں میں سیاحوں کے تاثرات کو سمجھنا ہے - روحانی، ثقافتی اور وراثتی، فطرت اور جنگلی حیات، ایڈونچر اور دیگر زمروں میں۔ چار اہم زمروں کے علاوہ، 'دوسری' کیٹیگری وہ ہے جہاں کوئی اپنے ذاتی پسندیدہ  مقام کو ووٹ دے سکتا ہے اور سیاحت کے پوشیدہ جواہرات کو غیر دریافت شدہ سیاحتی پرکشش مقامات جیسے وائبرنٹ بارڈر ویلجز، ویلنس ٹورازم، ویڈنگ ٹورازم وغیرہ کی شکل میں کھولنے میں مدد کرسکتا ہے۔ حکومت ہند کے شہری مشغولیت پورٹل مائی گو پلیٹ فارم پراس ر ائے شماری کی میزبانی کی جا رہی ہے۔

وزیر اعظم نے ہندوستانی تارکین وطن کو ناقابل یقین ہندوستان کے سفیر بننے اور ہندوستان میں سیاحت کو فروغ دینے کی ترغیب دینے کے لئے ‘‘چلو انڈیا گلوبل ڈائیسپورا مہم’’ کا آغاز کیا۔ یہ مہم وزیر اعظم کی کلریئن کال کی بنیاد پر شروع کی جا رہی ہے، جس میں انہوں نے ہندوستانی تارکین وطن سے درخواست کی کہ وہ کم از کم 5 غیر ہندوستانی دوستوں کو ہندوستان کا سفر کرنے کی ترغیب دیں۔ 3 کروڑ سے زیادہ بیرون ملک مقیم ہندوستانیوں کے ساتھ، ہندوستانی تارکین وطن ثقافتی سفیر کے طور پر کام کرتے ہوئے ہندوستانی سیاحت کے لئے ایک طاقتور محرک کے طور پر کام کرسکتے ہیں ۔

************

ش ح۔ ج ق۔ف ر

 (U: 5787)