তারকেস্বর মহাদেব কী জয়!

তারক বম! বোল বম!

ৱেস্ত বেঙ্গলগী রাজ্যপাল, সি.ভি. আনন্দ বোসজী, ঐগী মন্ত্রী-মন্দলগী মরুপ, শান্তনু থাকুরজী, ৱেস্ত বেঙ্গল বিধান সভাদা বিরোধী দলগী লুচিংবা, সুবেন্দু অদিকারীজী, এম.পি. অপরুপা পোদ্দারজী, সুকান্তা মজুমদারজী, সৌমিত্র খানজী, অতৈ দিগনিতরীশিং, নুপীশিং অমসুং নুপাশিং!

21শুবা ভারত অসি খোঙজেল য়াংনা খুমাং চাউশিল্লি। পুন্না ঐখোয়না 2047 ফাওবদা চাউখৎপা ভারত অমা ওইনবগী অচৌবা পান্দম অমা থম্মি। লৈবাক্কী লায়রবা, লৌমী, নুপী অমসুং নহারোলগী য়াইফনবা তৌবা অসিনা ঐখোয়গী মরু ওইবা থৌদাং ওইরি। ঐখোয়না মখোয়গী য়াইফনবা পান্দম থম্বা থৌশিলশিং লেপ্পা লৈতনা পাইখৎলি অমসুং ঙসিগী মালেমগী মসিদগী পোজিতিব ওইবা আউৎকমশিং উবা ফংলি। হৌখিবা দিকেদ অসিদা ঐখোয়গী লৈবাক্তা মীওই করোর 25 লায়রবদগী থোরকপা ঙমহনখি। মসিনা ঐখোয়গী সরকারগী মাইকৈ, পোলিসীশিং, ৱারেপশিং অমসুং নুংগী ওইবা ৱাখল্লোনশিং অসি চুম্মি অমসুং কান্নৈ তাক্লি।

মরুপশিং,

ঙসি ৱেস্ত বেঙ্গলদা লুপা করোর 700 রোমগী প্রোজেক্তশিং শঙ্গারি অমসুং উরেপ-উয়ুং তম্মি। মসিদা রেল, পোর্ত, পেত্রোলিয়ম অমসুং হাইদ্রোপাৱর সেক্তরশিংগী থৌশিলশিং কোনশিল্লি। ঐখোয়গী পান্দমদি ৱেস্ত বেঙ্গলগী রেলৱেজ অসি লৈবাক্কী অতৈ শরুকশিংদা খুমাং চাউশিল্লিবা অসিগা চপ মান্নবা খোঙজেলদা খুমাং চাউশিনবা ঙমহনবনি। ঙসি হৌদোকখিবা প্রোজেক্তশিংগী মরক্তা ঝারগ্রাম-সলগঝারি থর্দ লাইন অসিনা রেল ত্রান্সপোর্ত চাউনা হেনগৎহল্লগনি, রিজন অসিগী মনুংদা লৈরিবা ইন্দস্ত্রিশিং অমসুং তুরিজমগী গ্রোথ লৈহল্লগনি। অহেনবা ওইনা সোন্দালিয়া-চম্পাপুকুর অমসুং দনকুনি-ভত্তনগর-বালতিকুরি রেল রুৎশিং দব্লিং তৌবা অসিনা রুৎশিং অসিদা ত্রেন চৎথোক চৎশিন তৌনা হেনগৎহল্লগনি। তুংলমচৎকী মথৌ তাবশিং অদু খঙনা শ্যামা প্রসাদ মুখর্জী পোর্ত পাকথোক চাউথোকহল্লি অমসুং মরী লৈনবা স্কিম অহুমসু পাইখৎলি, মসিদা কেন্দ্র সরকারনা লুপা করোর 1000 হেন্না ইনভেস্ত তৌরি।

মরুপশিং,

ভারতনা মালেমদা করম্না চাউখৎপগা লোয়ননা অকোইববু ঙাকশেনবগে উৎখি। মসিগী মপুং ওইবা খুদম অসি হল্দিয়াদগী বারৌনি ফাওবা কি.মি 500 শাংবা ক্রুদ ওইল পাইপলাইন তিংবা অসিনা ওইরি। পাইপলাইন অসিনা বিহার, ঝারখন্দ, ওরিশা, অমসুং ৱেস্ত বেঙ্গল শিনবা থুংবদা লৈরিবা তোংআন-তোঙানবা রিফাইনরী অহুমদা ক্রুদ ওইল য়ৌহনগনি। ঙসি পস্চিম মেদিনিপুরদা LPG বোত্তলিং প্লান্ত শঙ্গাবা অসিনা জিলা তরেৎকী দিমান্দশিং থুংহনগনি, মসিনা LPGগী মথৌ তাবা থুংহনবগা লোয়ননা নহারোলদা থবক্কী খুদোংচাবা কয়ামরুম পীরগনি। মখা তানা সিৱেজ ত্রীৎমেন্ত প্লান্ত অমা হৌখিবনা হুঘলি তুরেলদা পোল্লুসন থোকপা হন্থহন্দুনা হাওরা, কমরহাতি, অমসুং বারনগরগুম্বা মফমশিংদা লৈরিবা মীওই লাখ কয়াদা কান্নবা পীরগনি।

মরুপশিং,

রাজ্য অমা হেক্তদা ইনফ্রাস্ত্রকচরগী প্রোজেক্ত অমা হৌবা মতমদা মদুনা মফম অদুগী মীয়ামগীদমক চাউখৎপগী এভেন্যু কয়ামরুমগী লম্বী য়াৎলি। চই অসিদা ভারত সরকারনা ৱেস্ত বেঙ্গলদা রেলৱেজ চাউখৎহন্নবা লুপা করোর 13,000 হেনবা বজেৎ অমা এল্লোকেৎ তৌখি, মসি 2014-মমাংগী চাংশিংগা চাংদম্নবদা শরুক অহুম হেল্লি। ঐখোয়গী পান্দমদি রেলৱে লাইনশিং ইলেক্ত্রিফিকেসন তৌবা হেনগৎহনবা, পেসেঞ্জর ফেসিলিতীশিং হেনগৎহনবা অমসুং রেলৱে স্তেসনশিং নৌনা শেমগৎপনোই। হৌখিবা দিকেদ অসিদা রেলৱে প্রোজেক্ত কয়ামরুম মমাংদগী পন্দুনা লৈরকখিবশিং ৱেস্ত বেঙ্গলদা মাইপাক্না লোইশিনবা ঙমখি। মসিগী মথক্তা বেঙ্গলদা রেলৱে ত্রেক কিলোমীতর 3000 হেন্না মতম অসিগী মনুংদা ইলেক্ত্রিফাইদ তৌখি। রেলৱে স্তেসন 100গী ময়া ৱেস্ত বেঙ্গলদা হৌজিক অমৃত ভারত স্তেসন স্কিমগী মখাদা শেমগৎলি, মসিনা রেলৱে ইনফ্রাস্ত্রকচর মোদর্নাইজ তৌনবা পুম্নমক শুনা য়াওরবা খোঙথাং অমা উৎলি। পনবা য়াবদি, তারকেশ্বর রেলৱে স্তেসন অসি অমৃত স্তেসন অমদা ওন্থোকখি। মসিগী মথক্তা অনৌবা ত্রেন সর্ভিস 150 হেন্না হৌখিবা চহি 10 অসিদা ৱেস্ত বেঙ্গলদা হৌদোকখি, মসিদা অনৌবা ভন্দে ভারত এক্সপ্রেস ত্রেন মঙা য়াওরি, মসিনা বেঙ্গল পেসেঞ্জরশিংদা নৌনা শেমদোক্লবা রেল ত্রেবেল এক্সপরিয়েন্স অমা ফংহল্লি।

মরুপশিং,

ৱেস্ত বেঙ্গল মীয়ামগী মতেংগা লোয়ননা ঐখোয়না চাউখৎপা ভারত অমগী মঙলান অদু থুংহনবা ঙমগনি হায়না ঐহাক্না থাজৈ। অমুক হন্না ঐহাক্না ৱেস্ত বেঙ্গলগী মীয়ামদা ঙসি হৌদোকখিবা প্রোজেক্তশিংগীদমক নুংঙাইবা ফোঙদোকচরি। সরকারগী থৌরম আসি হৌজিক লোইশিল্লগনি অমসুং মথংগী মিনিৎ 10 দা ঐহাক্না অহাংবা লমহংদা চৎলগনি। অহাংবা লমথাংগী মরক্তা ৱা ঙাংবগী মশাগী মগুন অমা লৈজৈ অমসুং ঐহাক্না ঙসি ফোঙদোক্কদবা কয়া লৈ। অদুম ওইনমক ঐহাক্না প্লেৎফোর্ম অদুদা ঙাংনবা ঐগী ৱাফমশিং খাক্তুনা থম্মগে। ঐহাক্না চাউখৎ-থৌরাংগী থৌশিল অসিগীদমক থমোয় শেংনা নুংঙাইবা ফোঙদোকচরি। কাইনরি, খুরুমজরি!

***