ঙসি প্রধান মন্ত্রী শ্রী নরেন্দ্র মোদীনা নোংচুপ বেঙ্গলগী নদিয়া জিলাগী কৃষ্ণনগরদা লুপা করোর ১৫,০০০ রোমগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোকখ্রে অমসুং উরেপ-উয়ুং তমখ্রে। চাউখৎ-থৌরাংগী প্রোজেকশিংগী মনুংদা পৱার, রেল অমসুং লম্বীগী হিরমশিং য়াওরি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ঙসিগী থৌরম অসি নোংচুপ বেঙ্গল বিকসিত রাজ্য অমা ওইনা মাইকৈদা থাংজিনবা অতোপ্পা খোঙথাং অমনি। মহাক্না ঙরাং অরামবাগতা লুপা করোর ৭,০০০ হেনবগী রেলৱে, হিথাংফম অমসুং পেত্রোলিয়ম সেক্তরশিংগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোকখ্রে অমসুং উরেপ-উয়ুং তমখ্রে। নোংচুপ বেঙ্গলগী মীয়াম হিংবদা লাইহন্নবা মৈ, লম্বী অমসুং রেলৱে সেক্তরশিংগী লুপা করোর ১৫,০০০ রোমগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোকপা অমসুং উরেপ-উয়ুং তম্বগী খুদোংচাবা ফংবা অসি ঐ লাইবক ফবনি। হায়রিবা প্রোজেকশিং অসিনা  নোংচুপ বেঙ্গলগী চাউখৎপা য়াংখৎকনি অমসুং নহারোলশিংদা থবক ফংনবগী খুদোংচাবশিং পীরগনি। চাউখৎ-থৌরাংগী প্রোজেকশিং অসিগীদমক রাজ্য অসিগী মীয়ামদা নুংঙাইবা ফোঙদোকচরি।

চাউখৎ-থৌরাংগী থবকশিংদা মৈগী মরুওইবা পল্লদুনা, প্রধান মন্ত্রীনা হায়খি নোংচুপ বেঙ্গলগী হৌজিক্কী অমসুং তুংগী দরকার ওইবা মৈ মশাগী ওক্নবা পুথোকচনবা ঐখোয়গী সরকারনা থবক পায়খৎলে। দামোদর ভেল্লি কোর্পোরেসনগী কোয়লাগী থর্মেল পৱার প্রোজেক পুরুলিয়াগী রঘুনাথপুরদা লৈবা রঘুনাথপুর থর্মেল সুপর পৱার স্তেস ফেজ-২ (মেগাৱাত ২X৬৬০) না রাজ্য অসিদা লুপা করোর ১১,০০০ হেন্না থাদরক্লগনি। মসিনা রাজ্য অসিগী দরকার ওইবা মৈ ফংহল্লগনি অমসুং লমদম অসিগী শেন-থুম চাউখৎপা হেনগৎহল্লগনি। লুপা করোর ৬৫০ রোম চঙনা শেমগৎপা মেজিয়া থর্মেল পৱার স্তেসনগী য়ুনিত ৭ অমসুং ৮কী ফ্লু গ্যাস দিসলফুরাইজেসন(এফ জি দি) সিস্তেম অসিনা মহৌশাগী অকোয়বগী ফিবম লুম্না লৌবগী খুদম অমনি।

প্রধান মন্ত্রীনা হায়খি নোংচুপ বেঙ্গলনা লৈবাক অসিগী অমসুং নোংপোক থংবা রাজ্য কয়াগী নোংপোক থোং ওইরে অমসুং নোংপোক্কী ওইনা মফম অসিদা খুদোংচাবা কয়া লৈরে। মরম অদুনা লম্বীশিং, রেলৱেশিং, এয়রৱেশিং অমসুং ঈশিং লম্বীশিং মতমগা চুনবা মওংদা শেমগৎনবা সরকারনা থবক পায়খৎলি। লুপা করোর  ২০০০ চঙনা পায়খৎখিবা এন.ঐচ-১২গী ফারাক্কা-রাইগঞ্জ সেক্সন লেন মরি ওনখৎপগী প্রোজেক(কিমি ১০০) ঙসি শঙ্গারে অমসুং মসিনা চৎপদা চঙবা মতম তঙ্খায় হন্থরগনি। মসিনা অনকপ সহরশিংদা মী চিনবা হন্থরগনি অমসুং লৌমীশিংদা মতেং পাংবগা লোয়ননা মফম অসিগী শেন-থুম তানবগী থবকশিং হেনগৎলগনি।

প্রধান মন্ত্রীনা হায়খি নোংচুপ বেঙ্গলগী ফজরবা পুৱারিদা রেলৱে শরুক অমা ওইরি অমসুং মমাঙগী সরকারশিংনা রাজ্য অসিগী হেরিতেচ অমসুং খুদোংচাবশিং চুম্না পুখৎখিদে। হৌখিবা চহি ১০দা নোংচুপ বেঙ্গলদা রেলৱে ইনফ্রাস্ত্রকচর চাউখৎনবা সরকারনা থবক কয়া পায়খৎলে অমসুং হান্নদগী হেন্না শেন শরুক অনি থাদরে। ঙসি রেলৱে প্রোজেক মরি মীয়ামদা কৎথোকপা অসিনা রাজ্য অসি মতমগা চুননা চাউখৎহনবদা মতেং পাংলগনি অমসুং বিকসিত বেঙ্গলগী ৱাশকশিং থবক ওইনা পাংথোক্লগনি। মীয়ামদা মহাক্কী য়াইফ-পাউজেল পীদুনা মহাক্কী ৱারোল লোইশিনখি।

থৌরম অদুদা শরুক য়াখিবশিংগী মনুংদা নোংচুপ বেঙ্গলগী রাজ্যপাল দোক্তর সি ভি অনন্দ বোস অমসুং পোর্তস , সিপ্পিং অমসুং ৱাতরৱেজগী রাজ্য মন্ত্রী শ্রী সান্তনু থাকুর য়াওখি।

নুঙগীৱারোল

লৈবাক অসিদা পৱার সেক্তর মপাঙ্গল কনখৎহন্নবা প্রধান মন্ত্রীনা পুরুলিয়া জিলাদা লৈবা রঘুনাথপুর থর্মেল সুপর পৱার স্তেস ফেজ-২ (মেগাৱাত ২X৬৬০) গী উরেপ-উয়ুং তমখ্রে। দামোদার ভেল্লি কোর্পোরেসনগী কোয়লাদা য়ুম্ফম ওইবা থর্মেল পৱার প্রোজেক অসিদা অফবা মখলগী মৈ য়াম্না শীজিন্নদবা ক্রিতিকেল তেক্নোলোজি শীজিন্নরি। মসিগী অনৌবা প্লান্ত অসি লৈবাক অসিগী ইনর্জি ৱাৎহন্দনবা মাইকৈদা থাংজিবা খোঙথাং অমনি।

প্রধান মন্ত্রীনা মেজিয়া থর্মেল পৱার স্তেসনগী য়ুনিত ৭ অমসুং ৮কী ফ্লু গ্যাস দিসলফুরাইজেসন(এফ জি দি) সিস্তেম শঙ্গাখ্রে। লুপা করোর ৬৫০ চঙনা শেমগৎপা ফ্লু গ্যাস দিসলফুরাইজেসন(এফ জি দি) সিস্তেম অসিনা ফ্লু গ্যাসশিংদগী সলফর দাইওক্সাইদ লৌথোক্কনি অমসুং অশেংবা ফ্লু গ্যাস পুথোক্কনি অমসুং সিমেন্ত শাবদা শীজিন্নবা য়াবা জিপসম পুথোক্কনি।

প্রধান মন্ত্রীনা এন.ঐচ-১২(কিমি ১০০)গী ফারাক্কা-রাইগঞ্জ সেক্সনগী লেন মরি ওনখৎপগী লম্বী প্রোজেক শঙ্গাখ্রে। লুপা করোর ১৯৮৬ রোম চঙনা পায়খৎপা প্রোজেক অসিনা লম্বী চিনবা হন্থহনগনি, চৎথোক-চৎশিন নুংঙাইবা হেনগৎহনগনি অমসুং নোংচুপ বেঙ্গল অমসুং অৱাং-নোংপোক লমদমগী খুন্নাই অমসুং শেন-থুম চাউখৎহনবদা মতেং পাংগনি।

প্রধান মন্ত্রীনা নোংচুপ বেঙ্গলদা লুপা করোর ৯৪০ হেনবগী রেল প্রোজেক মরি লৈবাক মীয়ামদা কৎথোকখ্রে। প্রোজেকশিংগী মনুংদা দামোদার-মোহিসিলা রেল লাইন দবল ওইহনবা; রামপুরহত অমসুং মুরারাইগী মরক্তা অহুমশুবা লাইন; বাজারসাউ-অজিমগঞ্জ রেল লাইন দবল ওইহনবা; অমসুং অজিমগঞ্জ-মুর্সিদবাদ শম্নবা অনৌবা রেল লাইন য়াওরি। প্রোজেকশিং অসিনা রেলদা চৎথোক-চৎশিন নুংঙাইবা হেনগৎহনগন ফ্রেদ পুথোক-পুশিন য়াহল্লগনি অমসুং খুন্নাই, উদোগ অমসুং শেন-থুম চাউখৎহনবদা মতেং পাংগনি।

Speaking at the launch of development initiatives in Krishnanagar, West Bengal. https://t.co/sNYdONiF8I

— Narendra Modi (@narendramodi) March 2, 2024

***