Ka Kynhun Myntri jong ka sorkar pdeng, ba la khlieh da u Myntri Rangbah duh Narendra Modi, ka la mynjur ia ka PM-Surya Ghar: Muft Bijli Yojana ha ka jingmang tyngka kaba T. 75,021 klur ban buh solar ha ki tnum iing bad pynbiang bording ei haduh 300 unit man ka bnai sha 1 klur tylli ki longiing. U Myntri Rangbah duh u la plie paidbah ia ka skhim ha ka 13 tarik Rymphang, 2024.

Ki mat ba kongsan jong ka skhim kilong:

Ka Central Financial Assistance (CFA) na ka bynta ka Solar ha ki tnum iing jong ki iing sah

1. Ka skhim ka pynbiang ka CFA kaba 60% jong ka bai system kaba 2 kW system bad 40% ka jinglut shuh shuh ia ki system hapdeng ka bor kaba 2 haduh 3 kW. Ia ka CFA yn buh pud ha ka 3 kW. Ha ki dor ba mynta, kane kamut ka subsidy kaba T. 30,000 na ka bynta 1 kW system, T. 60,000 na ka bynta 2 kW system bad T. 78,000 na ka bynta 3 kW system lane kham halor.
2. Ki longiing ki lah ban aplai subsidy lyngba ka rynsan jong ka ri bad kin lah ban jied ia u nongdie ba biang ban buh ia ka solar ha ki tnum iing. Ka Rynsan jong ka ri kan iarap ia ki longiing ha ka kam shim rai jong ki da kaba ai ka jingtip kaba donkam kum ki jingheh ki system ba iahap, ki jingkhein ia ki jingmyntoi, ka jingbuh kyrdan ia ki nongdie bad kiwei kiwei.
3. Ki longiing kin lah ban ioh ia ka jingai ram kiba duna sut bad ki bym hap ban buh bynda kumba 7% mynta ban buh ia ki RTS system ha ki iing kiba haduh 3 kW.

Kiwei kiwei ki bynta jong ka Skhim

1. Yn shna ia ka Modal Solar Village ha man ka distrik jong ka ri ban long kum ka nuksa na ka bynta ka jingpdiang ia ka rooftop solar ha ki jaka nongkyndong.
2. Ki kynhun pyniaid shnong ha ki jaka sor bad ki kynhun Panchayati Raj kin ioh jingmyntoi na ki jingmyntoi ba ion haba kyntiew ia ka jingbuh RTS ha ki jaka jong ki.
3. Ka skhim ka ai kawei ka bynta na ka bynta ka jingsiew ia ka jingshngain na ka bynta ki rukom treikam kiba don nongrim ha ki Renewabme Energy Service Company (RESCO) kumjuh ruh ka jingbei tyngka ia ki projek ba thymmai ha ka RTS.

Ka Jingjop bad ki jingmyntoi

Lyngba kane ka skhim, ki longiing kin lah ban tyngkai bai bording kumjuh ruh ki lah ban kamai lyngba ka jingdie ia ka bording kaba tam sha ki DISCOM. Ka 3 kW system kan lah ban pynmih palat 300 unit shi bnai ha ka ia ka longiing.

Kane ka skhim kan wanrah shuh shuh 30 GW ka bor pynmih bording solar lyngba ki solar ha ki tnum iing ha ki jaka ba sah ki briew, da kaba pynmih 1000 BU ka bording bad kan pynduna 720 million ton ka jingpynmih CO₂  kaba iaryngkat bad ka jingpyllait palat 25 snem kaba iaryngkat bad ki jingpynmih ha ki 25 snem ka samoi jong ki system ha ki tnum iing.

La antad ba ka skhim kan plie kumba 17 lak ki lad ioh kam ha ki kam pynmih mar, ki jingpynpoi mar, ki jingdie, jingpyndait, O&M bad kiwei kiwei ki jingai jingshakri.

Ban ioh ia ki Jingmyntoi jong ka PM-Surya Ghar: Muft Bijli Yojana

Ka sorkar ka la plie paidbah ia ka campaign kaba heh naduh ba la sdang ia ka skhim ban ai jingtip bad ka jingkhot aplikeshon na ki longiing kiba kwah ia kane. Ki longiing ki lah ban pynrung kyrteng hi dalade ha ka https://pmsuryaghar.gov.in ban ioh ia ki jingmyntoi hapoh ka skhim.

******