ਕੋਲਾ ਮੰਤਰਾਲੇ ਦੀ ਅਗਵਾਈ ਹੇਠ ਇੰਡੀਅਨ ਨੈਸ਼ਨਲ ਕਮੇਟੀ ਵਰਲਡ ਮਾਈਨਿੰਗ ਕਾਂਗਰਸ 29 ਫ਼ਰਵਰੀ, 2024 ਨੂੰ ਵਿਗਿਆਨ ਭਵਨ, ਨਵੀਂ ਦਿੱਲੀ ਵਿਖੇ “ਕੋਲ ਲੌਜਿਸਟਿਕਸ ਪਲਾਨ ਅਤੇ ਨੀਤੀ” ਨੂੰ ਲਾਂਚ ਕਰਨ ਲਈ ਇੱਕ ਸਮਾਗਮ  ਕਰਵਾਉਣ ਜਾ ਰਹੀ ਹੈ।

ਕੇਂਦਰੀ ਕੋਲਾ, ਖਾਣਾਂ ਅਤੇ ਸੰਸਦੀ ਮਾਮਲਿਆਂ ਬਾਰੇ ਮੰਤਰੀ ਸ਼੍ਰੀ ਪ੍ਰਹਿਲਾਦ ਜੋਸ਼ੀ ਇਸ ਸਮਾਗਮ ਵਿੱਚ ਮੁੱਖ ਮਹਿਮਾਨ ਦੇ ਤੌਰ ’ਤੇ ਹਿੱਸਾ ਲੈਣਗੇ ਅਤੇ “ਕੋਲਾ ਲੌਜਿਸਟਿਕਸ ਯੋਜਨਾ ਅਤੇ ਨੀਤੀ” ਦਾ ਉਦਘਾਟਨ ਕਰਨਗੇ। ਨੀਤੀ ਆਯੋਗ ਸਮੇਤ ਵੱਖ-ਵੱਖ ਮੰਤਰਾਲਿਆਂ ਦੇ ਸੀਨੀਅਰ ਅਧਿਕਾਰੀ ਅਤੇ ਕੋਲਾ, ਰੇਲਵੇ, ਬਿਜਲੀ, ਸਟੀਲ, ਖਾਣਾਂ, ਬੰਦਰਗਾਹਾਂ, ਸ਼ਿਪਿੰਗ ਅਤੇ ਜਲ ਮਾਰਗ, ਸਟੀਲ, ਬਿਜਲੀ ਅਤੇ ਹੋਰ ਖੇਤਰਾਂ ਦੇ ਉਦਯੋਗਾਂ ਦੇ ਨੁਮਾਇੰਦੇ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣਗੇ।

ਕੋਲਾ ਮੰਤਰਾਲੇ ਨੇ ਭਾਰਤ ਦੀ ਊਰਜਾ ਸੁਰੱਖਿਆ ਲਈ ਵੱਖ-ਵੱਖ ਪਹਿਲਕਦਮੀਆਂ ਸ਼ੁਰੂ ਕੀਤੀਆਂ ਹਨ, ਜਿਸ ਦਾ ਟੀਚਾ ਮਾਲੀ ਸਾਲ 2030 ਤੱਕ 1.5 ਬਿਲੀਅਨ ਟਨ ਕੋਲਾ ਪੈਦਾ ਕਰਨਾ ਹੈ। ਕੋਲਾ ਨਿਕਾਸੀ ਲਈ ਤਕਨੀਕੀ ਤੌਰ 'ਤੇ ਉੱਨਤ, ਏਕੀਕ੍ਰਿਤ, ਲਾਗਤ ਪ੍ਰਭਾਵਸ਼ਾਲੀ, ਲਚਕਦਾਰ, ਟਿਕਾਊ ਅਤੇ ਭਰੋਸੇਮੰਦ ਲੌਜਿਸਟਿਕ ਈਕੋ-ਸਿਸਟਮ ਨੂੰ ਵਿਕਸਤ ਕਰਨ ਲਈ ਇੱਕ ਦੂਰਅੰਦੇਸ਼ੀ ਦ੍ਰਿਸ਼ਟੀ ਨਾਲ ਏਕੀਕ੍ਰਿਤ ਕੋਲਾ ਲੌਜਿਸਟਿਕਸ ਯੋਜਨਾ ਅਤੇ ਨੀਤੀ ਤਿਆਰ ਕੀਤੀ ਗਈ ਹੈ। ਇਸ ਰਣਨੀਤਕ ਢਾਂਚੇ ਦਾ ਮੰਤਵ ਦਰਾਮਦ ਕੀਤੇ ਜਾਣ ਵਾਲੇ ਕੋਲੇ 'ਤੇ ਨਿਰਭਰਤਾ ਨੂੰ ਘਟਾ ਕੇ ਆਤਮਨਿਰਭਰ ਭਾਰਤ ਦੇ ਵਿਜ਼ਨ ਦੇ ਅਨੁਸਾਰ ਮਾਲੀ ਸਾਲ 2030 ਤੱਕ ਕੋਲਾ ਖੇਤਰ ਦੇ ਅੰਦਰ ਤੇਜ਼ੀ ਨਾਲ ਮੰਗ ਅਤੇ ਸਪਲਾਈ ਨੂੰ ਉਤਸ਼ਾਹਿਤ ਕਰਨਾ ਹੈ।

ਸਾਲ 2030 ਤੱਕ ਕੋਲੇ ਦੇ ਉਤਪਾਦਨ ਨੂੰ ਲਗਭਗ ਦੁੱਗਣਾ ਕਰਨ ਦੇ ਮੰਤਵ ਨਾਲ ਕੋਲਾ ਮੰਤਰਾਲੇ ਨੇ ਦੇਸ਼ ਭਰ ਵਿੱਚ ਕੋਲਾ ਲੌਜਿਸਟਿਕਸ ਬੁਨਿਆਦੀ ਢਾਂਚੇ ਦੇ ਵਿਕਾਸ ਲਈ ਇੱਕ ਵਿਆਪਕ ਕਾਰਜ ਯੋਜਨਾ ਤਿਆਰ ਕੀਤੀ ਹੈ। ਮੁੱਖ ਪ੍ਰੋਜੈਕਟਾਂ ਵਿੱਚ ਪਹਿਲੀ-ਮੀਲ ਕਨੈਕਟੀਵਿਟੀ, ਕੋਲੇ ਦੀ ਪਾਣੀ ਦੀ ਆਵਾਜਾਈ, ਰੇਲ ਨਿਕਾਸੀ ਸਮਰੱਥਾ ਵਿੱਚ ਵਾਧਾ ਅਤੇ ਕੋਲੇ ਦੀ ਤੱਟੀ ਸ਼ਿਪਿੰਗ ਵੀ ਸ਼ਾਮਲ ਹਨ।

ਇਹ ਸਮਾਗਮ ਕੋਲਾ ਕੱਢਣ ਦੀਆਂ ਪ੍ਰਕਿਰਿਆਵਾਂ ਨੂੰ ਅਨੁਕੂਲ ਬਣਾਉਣ 'ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ ਦੇਸ਼ ਭਰ ਵਿੱਚ ਬੁਨਿਆਦੀ ਢਾਂਚੇ ਦੇ ਸੰਮਲਿਤ ਵਿਕਾਸ ਲਈ ਵਿਸਤ੍ਰਿਤ ਚਰਚਾ ਅਤੇ ਸੁਝਾਵਾਂ ਨੂੰ ਉਤਸ਼ਾਹਿਤ ਕਰਨ ਦਾ ਇੱਕ ਯਤਨ ਹੈ।

**************

ਬੀਵਾਈ/ਏਜੀ