জয় বদ্রিনাথ ! জয় বদ্রিনাথ।

পরম্বা হিঙ্গলাজ মাতা জি জয় ! হিঙ্গলাজ মাতা জি কি জয় !

ভাগবান শ্রী দাত্তাত্রেয়া! ভাগবান শ্রী দাত্তাত্রেয়া কি জয়!

ময়াম কমদৌরি? খুঙ্গং অসিগী অহল ওইরবা জোগিশিং খুরুমজরি, অহল মরুপশিংশু খুরুমজরি। বদ্রিনাথনা মচু হাপচিল্লে, ঐ হান্না বদ্রিনাথকী মনাক্তা চৎখ্রে, ঐ কয়ারক চৎখ্রে, অদুবু ঙসিগী অসিনা করিগুম্বা খরনি। অদোমগী তরাম্না ওকপা, অদোমগী হরাওবা অসি করিগুম্বা খরনি। ঐগী খুঙ্গংগী ময়াইদা, ঙসি করিগুম্বা খর উবা ফংলে, মমানা মহাক্কী য়ুমদা লাকপা মতমদা, মহাক্কী হরাওবা অসি তোপ-তোপ্পা অমনি, অসিগুম্বা ফিবম অমা উনা উরে, ঐগী ভক্ত খুদিংমক্কী থাজবদা ঐ মপুংফানা থাজবা থম্লি। ঙসিগী কোক নোল্লিবা অসিগা মান্নবা মওংদা, থা অমগী মমাংদা জনুৱারি ২২দা, অযোধ্যাদা প্রভু রামগী খুয়াদা চঙজখি। থা অমগী মমাং জনুৱারি ২২দা ঐখোয়না অযোধ্যাদা রাম লালাগী প্রান প্রাস্থিথা পাংথোক্নবা খুদোংচাবা অমা ফংখি।

মসিগী তুংদা, ফেব্রুৱারি ১৪ বসন্ত পঞ্চমী থৌরমদা অবু ধাবীদা মহাক্না গল্ফ লৈবাকশিংদা অহানবা হিন্দু লাইশঙ শঙ্গাখি। নুমিৎ ২-৩গী মমাঙদা উত্তর প্রদেসকী সম্বালদা কালকি ধাম শানবা উরেপ-উয়ুং তম্বগী খুদোংচাবা ঐ ফংখি। ঙসি অমুক তরাভতা বালিনাথ মহেদেব লাইশঙদা পুজা অমসুং দর্শন পাংথোকপগী খুদোংচাবা ফংলে।

মরুপশিং,

ভারত অমসুং মালেমগী ওইনা, ভলিনাথ সিব ধাম অসি লাইফম অমনি। রেৱারি ফুরুপকী ওইনা, গুরু অসি গাদিনি। লৈবাক শীনবা থুংবগী রেৱারি সোসাইতিগী ভক্তশিং ঙসি ঐ উরে। তোঙান-তোঙানবা রাজ্যশিংগী মীয়ামশু ঐ উরে। ময়ামদা ঐনা হরাওবা ফোঙদোকচরি।

মরুপশিং,

ভারতকী চাউখৎপগী খোঙচত্তা হৌজিক অসি য়াম্না মরুওইবা মতমনি। হৌজিক অসি ঈশ্বরগী থবক(দেব কাজ) নত্ত্রগা লৈবাক্কী থবক(দেস কাজ) অনিমক য়াংনা পায়খৎলিবা মতমনি। শেংলবা থৌরম অসিদা লুপা করোর ১৩,০০ রোমগী চাউখৎ-থৌরাংগী থবকশিং মীয়ামদা কৎথোক্লে নত্ত্রগা উরেপ-উয়ুং তম্লে। রেল,লম্বী, হিথাংফম, ত্রান্সপোর্ত, ঈশিং, সেকুরিতি, সহর শেমগৎপা অমসুং তুরিজমগী প্রোজেকশিং অসিনা হিংবদা লাইবা হেনগৎহনগনি অমসুং লমদম অসিগী নহারোলশিংদা অনৌবা থবক কয়া অমসুং মশানা মশাবু থবক পীজনবগী খুদোংচাবা কয়া ফংহনগনি।

ঐগী ইমুং-মনুংগী মীওইশিং,

ঙসি ঐ শেংলবা মহেসনাগী লমদমদা ঈশ্বরগী শক্তি অমা ফাওরি। ভাগবান কৃষ্ণ অমসুং ভাগবান মহাদেবগা লোয়ননা চহি লিশিং কয়া শুরবা অধ্যাতিক্কী লৌশিংগা লমদম অসিগী মীয়ামগা শম্নরি। শক্তি অসিনা মীয়ামগা গাদিপতি মহান্ত বিরাম-গিরি বাপু জিগী খোঙচৎকা শম্নহল্লে অমসুং মহাক্কী মফমদা ইকায়খুম্নবা উৎচরি। গাদিপতি মহান্ত বালদেবগিরি বাপুগী পান্দমশিং থবক ওইনা পাংথোকপগীদমক মহাক্না মহান্ত শ্রী জয়রামগিরি বাপুগী মফমদা কোক নোনখি। ঐহাক চহি ৪০ হেন্না বালদেবগিরি বাপু জিগা মরী লৈনরক্লে। অধ্যাতিক্কী মঙাল ফংনবা ঐনা গুজরাতকী চীফ মিনিস্তর ওইরিঙৈদা ঐগী য়ুমদা বাপু জি কয়ারক হন্না তরাম্না ওকখি। মহাক ২০২১দা লৈখিদ্রে অমসুং মহাক্কী পান্দমশিং থবক ওইনা পাংথোক্লবা মতুংদা ঙসি লৈখিদ্রবগী থৱায়না মীওই খুদিংমক বর পীগনি। ২১শুবা চহিচাগী চিংলেম্বা অমসুং ঈশ্বরগী মশক ওইরবা অরিবা চৎনবীশিংগা লোয়ননা চহি চা কয়া কুইরবা লাইশঙ শাবা লোইশিনখ্রে। মসি ক্রাফমেন অমসুং শিন্মী চা কয়াগী থবকশিংনা পাংথোকপা ঙমখিবনি। মখোয়গী থবকশিংদগী ঙসি মাইপাক্না বলিনাথ মহাদেব হিঙ্গলাজ মাত জি অমসুং ভাগবান দাত্তত্রেয়া শঙ্গাবা ঙমখিবনি অমসুং থৌরম অসিদা মখোয় থাগৎপা ফোঙদোকচরি।

মরুপশিং,

লাইশঙশিং অসি লাই খুরুমফম অমদগী হেল্লবনি। মখোয় চহি চা কয়া শুরবা ঐখোয়গী সভেত্যগী খুদমশিং ওইরি। খুন্নাইদা লৌশিং শন্দোকপদা লৌশিংনা মরুওইবা থৌদাং লৌরি। লৌশিং শন্দোকপগী চৎনবী চাউখৎহন্নবা লমদম অমগী ধর্মগী অখাদাসশিংনা মরুওইবা থৌদাং লৌরি। পুস্তক পরাব শীনবা অমসুং স্কুল অমসুং হোস্তেল শাবা অসিনা মীয়াম মরক্তা ৱাখল তাবা হেনগৎহল্লে। দেব কাজ অমসুং দেস কাজদগী হেন্না ফবা খুদম অমা লৈতে। অসিগুম্বা অফবা চৎনবীশিং য়োকখৎপগীদমক রবারি সমাজ থাগৎপা ফোঙদোকচরি।

মরুপশিং,

ঙসি লৈবাক অসি সবকা সাথ সবকা বিকাসগী লাইৱাদা থবক তৌরি। বলিনাথ ধামদা সবকা সাথ সবকা বিকাসগী ৱাখল্লোন য়াওরে অমসুং মসিগী ৱাখল্লোন অসিগী চৎমিন্নদুনা কাংলুপ খুদিংমক হেন্না নুংঙাইনবা সরকারনা থবক পায়খৎলে। খুন্নাইগী খ্বাইদগী নেম্বা থাক্ত হিংলবা মীওইগী পুন্সি অওনবা পুরকপা হায়বসি মোদীগী গরেন্তিগী পান্দম্নি। অনৌবা লাইশঙশিং শাবগা লোয়ননা লায়রবশিংগী পাক্কাগী য়ুম করোর কয়া শারে, হন্দক য়ুম লাখ ১.২৫ মীয়ামদা কৎথোকখ্রে অমসুং উরেপ-উয়ুং তমখ্রে। ‘ভগবান কা প্রসাদ’ ওইনা মীওই করোর ৮০দা লেম্না চেঙ য়েন্থোকখ্রে অমসুং ‘অমৃত’ ওইনা অনৌবা ইমুং করোর ১০দা তোতি ঈশিং ফংহনখ্রে। মসি ঈশ্বরগী খুদোল অমনি।  মসি ঈশিং শোক্নবা লাপ্না চৎলম্বা লায়রবা ইমুংশিংগী অমৃত অমা ওইরে। ঐখোয়গী অৱাং গুজরাতকী মীয়াম্না ঈশিংগীদমক মখোয় কয়া য়াম্না ৱাবগে হায়বা খঙগনি। মকোক্তা চফু অমা পুরগা কিলোমিতর ২-৩ চৎখি। ঐনা সুজলাম-সুফালাম স্কিম পায়খৎপা মতমদা, সার অদোম্না পাংথোক্লিবা থবক অসি কনা অমতনা পাংথোকপা ঙম্লোই হায়না অৱাং গুজরাতকী কংগ্রেস এম.এল.এশিংনা ফাওবা হায়খি। মসি মীয়াম্না চহি ১০০ ফাওবা কাউবা ঙম্লোই। মদু থেংনখিবা মীওইশিং মফম অসিদা ফম্লি।

মরুপশিং,

হৌখিবা চহি ২০দা ইনফ্রাস্ত্রকচর শেমগৎপগী মথক্তা গুজরাত্তা হেরিতেচ সাইতশিং শেমগৎনবা সরকারনা থবক পায়খৎলে। চহি কয়া ভারত্তা চাউখৎ-থৌরাং অমসুং হেরিতেচকী মরক্তা মুক্নবা অমা লৈরকখি, শেংলবা সোমনাথ লাইশঙ অসি য়েৎনবা মফম অমা ওইরে, পবাগাধকী মফম মীরাইরে, মোধেরাগী নুমিৎকী লাইশঙদা ভোৎ বেঙ্কগী রাজনিতি তৌদুনা লৈরে, প্রভু রাম লৈ নত্ত্রগা লৈতে হায়না ৱাহং হংদুনা লৈরে অমসুং মহাক্কী লাইশঙ শাবদা অপনবা পীদুনা লৈরে। রাম লালাগী পোক্নফমদা লাইশঙ শাবদা লৈবাক শীনবা থুংবা হরাওবা ফোঙদোক্লবশু হায়রিবা মীওইশিং অসিনা হৌজিক ফাওবা ওইদবা শন্দোক্তুনা লৈরি।

মরুপশিং,

লৈবাক অমগী হেরিতেচ ঙাক-শেন্দুনা থম্লবা মতম খক্তদা লৈবাক অমা মাঙলোমদা চঙশিনবা ঙমগনি। ভারতকী অরিবা সভেত্যাগী খুদম কয়া গুজরাত্তা লৈরি। মসিগী খুদমশিং অসি পুৱারি খঙনবা মরুওইবতা নত্তনা হৌরক্লিবা মীরোলশিং মখোয়গী হৌরকফমশিংগা শম্নবশু ঙমহল্লি। মরম অদুনা হায়রিবা খুদমশিং অসি কন্নবা অমসুং মখোয় ৱার্ল্দ হেরিতেচ সাইতশিং ওইনা শেমগৎনবা ঐখোয়গী সরকারনা লেপ্তনা থবকশিং পায়খৎলি। ​

মরুপশিং,

অনৌবা ভারত্তা পায়খৎলিবা থবক খুদিংমক্না তুংগী মীরোলশিংগী পুক্কৈ অমা শেমগৎলি। ঙসি শেমগৎলিবা অনৌবা লম্বীশিং অমসুং রেলৱে ত্রেকশিং চাউখৎলবা ভারত অমগী লম্বীশিংনি। ঙসি মহেসনাদা রেল কন্নেক্তিবিতগী খুদোংচাবা হেনগৎহল্লে। রেল লাইন দবল ওইহনবা অসিনা বনাসকান্থা অমসুং পাতানগা কান্দলা, তুনা অমসুং মুন্দ্রা হিথাংফমশিংগা শম্নবা ফিবম ফগৎহল্লগনি। দিসা এয়র ফোস স্তেসনগী রনৱে শেমগৎনবা চহি ১.৫গী মমাঙদা ঐনা উরেপ-উয়ুং তমখি। মোদীনা ৱাশকখিবশিং, মহাক্না মদু থবক ওইনা পাংথোকই, দিসাগী রেনৱে অসি মসিগী খুদম অমনি। মসি মোদীগী গরেন্তিনি।  

মরুপশিং,

চহি ২০-২৫গী মমাঙদা অৱাং গুজরাত্তা উদোগ চাউখৎহনবা য়াওনা খুদোংচাবা কয়া য়াম্না তাংনা ফংলিঙৈ মতম অমা লৈরমখি। মতম অদুদা শা-ষন লোইরিবা লৌমীশিং অমসুং লৌমীশিংগী লৌবুক্তা ঈশিং ফংবদগী অৱাবা মায়োক্নখি। হৌজিক পাল্লিবা সরকার অসিনা অফবা অহোংবা কয়া পুরক্লে। লৌমীশিংনা চহি অমদা মহৈ-মরোং ২-৩ রক থারে অমসুং লমদম অসি শীনবা থুংনা ঈশিং ফংবা হেনগৎহল্লে। ঈশিং ফংহন্নবা লুপা করোর ১৫০০ হেনবগী প্রোজেক ৮ ঙসি শঙ্গারিবা অমসুং উরেপ-উয়ুং তম্লিবা অসিনা মখা তানা অৱাং গুজরাত্তা ঈশিংগী অৱাবশিং কোকহনবা ঙম্লগনি। দ্রিপ ইরিগেসন অমসুং ওর্গনিক লৌউ মখল পায়খৎপগীদমক অৱাং গুজরাতকী লৌমীশিং থাগৎচরি। অদোমগী থবকশিংনা লৈবাক শীনবা থুংবগী লৌমীশিং ইথিল পীগনি। 

ইনাওশিং অমসুং ইচলশিং,

ঐখোয়না চপ মান্নবা মওংদা চাউখৎহনগনি অমসুং অহলশিংনা থম্বীরম্বশিং ঙাক-শেনগনি। ঈশ্বরগী ওইবা থবকশিং অসি শরুক য়াবগীদমক ঐনা অমুক হন্না মীয়াম পুম্নমক থাগৎচরি। অদোম ঙমখৈ লৈতনা থাগৎচরি। ঐগা লোয়ননা লাউমিন্নসি-

​ভারত মাতা কি-জয় !

​ভারত মাতা কি-জয় !

​ভারত মাতা কি-জয় !

অদোম থাগৎচরি !

****